Ram thumnak lei kalnak kongah hal lengmangmi biahalnak hna
Ram thumnak lei kalnak kongah hal lengmangmi biahalnak in kan in don Ram thumnak lei lanhnak kong ah thil sining dikthlair hna telh in ram thumnak lei kalnak tawlrel ning kong ah hika ahhin tlamtling tein na hmuh khawh.
Ram thumnak lei kalnak kongah thil sining a tlangpi in le case sining dikthliar in hmuh le relnak
Where do I find information about third country resettlement within UNHCR’s mandate?
UNHCR ram thumnak lei kalnak kutken cauk chungah hin UNHCR ram thumnak lei kalnak kongah an phungphai le an thiltuah ning hna tling tein tial a si. Ralzam a latu hna ram nih an phungphai le an tuah dingmi hna kha ram pakhat cio i an konglam an tialnak dal kip ah an langhter hna. Ram Thumnak Lei Kalnak Kutken Cauk hi zapi caah tialmi a si.
How do I contact the Durable Solutions Unit to discuss about my case?
Pumpak in zung ah rat, asiloah ca, fax le email in kuat a hau lo. Nain, a herh tik paoh ah zung nih zung ah ra dingin tawlrel na si khawhnak ding ah na telephone number (Whatsapp na hman le hman lo chim chih) le na email address kha a thar na hman ahcun UNHCR ah na pek dingmi a biapi.
Ram thumnak lei kalnak/ Ram thumnak lei kalnak ding tawlrelpiak dingah aa tlakmi
After my registration interview, how long will it take for me to be recognized and resettled?
Pumpak in UNHCR a lut cangmi paoh ralzam sinak cohlan dingah a tling maw/ tling lo timi biahalnak (interview) tuah dih an si lai i, minung pakhat ralzam a si taktak maw tiah biachahnak tuah hlan ah huhphenhnak le kilvennak a herh taktakmi a si maw timi kha thukpi in a konglam zohpiak ta a si lai. UNHCR nih ralzam ah a cohlanmi hna lawng ram thumnak lei kalnak ding ruahpiak an si lai. Ralzam ah cohlan awktlak a si maw tiah biachahnak caan le ram thumnak lei kalnak caan hna hi case pakhat le pakhat an i dang cio. UNHCR zung lut cangm sinak asiloah ralzam sinak pek cang mi hna hi ram thumnak leiah kalter an si lai tinak a si lo.
I have received my refugee card. When will I be called for resettlement interview?
Ralzam sinak card ngeih ruangah ram thumnak lei kal dingin cip le colh in na tling colh tinak a si lo. Malaysia ah caan saupi na um ruangah zongah ram thumnak lei kal dingin na tling tinak a si lo. Ram thumnak lei kalnak kongah ‘Ruah awkah chuahpimi le biachahnak tuah dingah an thencheumi phun hna’ cu UNHCR Ram thumnak lei kalnak Kutken Cauk i Dal 6nak zawn ah fianter an si. A donghnak bik ah, ram thumnak a kal dingmi minung zat hi rikhiah a si caah zokzok in kal a herhmi hna le ttihnung tuk dirhmun i dir ruangah huhphenhnak le kilvennak a hlei in a herhmi caah khulrang in ram thumnak kal a herhmi hna kha ram thumnak lei kalnak kongah papek (usape) an si lai.
I have completed my resettlement interview. When will I be called for my interview with the resettlement country?
Ram thumnak lei kalnak ding caah biahalnak (interview) tuahmi nih aa tinhmi cu ram thumnak lei na kalnak ding caah na case zohpiak le tuaktanpiak kha a si. Ram thumnak lei kalnak biahalnak tuah na si dih in ram thumnak ah kal dingin na case kuatpiak ding le ding lo biachahnak tuah dingah na case zoh piak hmasa a si lai. Zeican dah a rauh timi cu case pakhat le pakhat an i dang cio. United States of America (USA) ah na case kuatpiak na si ahcun Resettlement Support Centre (RSC) nih RSC interview phit dingmi ni le caan thawng an in thanh te lai. United States of America si loin hmundang ah kuatpiak na si ahcun, na kalnak ding ram i tuanvo ngeitu hna he biahalnak na ngeih dingmi ni le caan cu ram thumnak lei aiawh in UNHCR asiloah International Organization for Migration (IOM) nih thawng an in thanh te lai.
I received a letter to inform me that I am currently not eligible for resettlement. What does this mean and what should I do?
Mahhi a sullam cu ram thumnak lei kal dingin atu lioah cun UNHCR nih na case an in kuatpiak kho lo tinak a si. Asinain, hi ruangah hin ralzam na sinak dirhmun kha aa thleng tinak a si lo. UNHCR sin in huhphenhnak le kilvennak, bawmhchanhnak riantuanpiakmi hna cu na hmuh thiam ko lai.
I received a call from the Durable Solutions Unit (DSU) informing me that my case is ‘on hold’ for resettlement. How can I get more information?
Bia thlithup hi phuan lo a herh caah zeiruangahdah case hrenpiak an sinak a ruang hi UNHCR nih pumpak in a chim kho hna lo. A ruang tampi ruangah case tampi hna hi hren an si kho. Nain, na case hrenpiak na sinak a ruang tlamtling tein zohfel dih cikcek a si hnu, a fianglomi fianter a si hnu le a tlamtling lomi thil hna tuahfel a si hnu ah ram thumnak lei na kalnak ding kha tuahpiak than na si lai. UNHCR zung ah kal lengmang i na case sining dirhmun hal le hlathlai lengmang ruangah na case dirhmun ai thleng hlei lai lo i, a ranter deuh fawn lai lo.
Why is my resettlement process taking so long?
Mizei ca paoh ah ram thumnak lei kalnak ding tawlrel chung caan hi a rau dihmi a si. Immigration phungphai, usapek ning le herhhaimi hmuh ning le i bawmhchanh ning hna hi aa dan cio caah, ram thumnak lei kalnak an tawlrel caan hi ram khat le ram khat aa dan cio caah chim chung dingah thil har ngaingai a si. Nua ngeihnak, thitumhnak, naupawinak, nuva i thennak le fale aho sin ah dah an um lai, mithar zung luhnak, thihlohnak kong hna hi ram thumnak lei a kal ding na si hlan ah tha te le felfai tein zoh ta dih an si.
Ram thumnak lei kalnak Ram
During the resettlement interview, can I ask to which country my case will be submitted?
Na hal khawh ko. Nan chungkhar duhnak le ram thumnak lei in a latu ram hna nih tahfung an ngeih ciomi kha UNHCR nih zoh le ruahpiak a si. Na chungkhar caah aa tlakmi ram UNHCR nih an in thiampiaknak ding caah mahhi thawngthanhnak nih hin a bawmh lai.
Can I request for resettlement to my country of choice?
Ralzam nih kal an duhnak ram kha UNHCR nih a chinchiahpiak ko hna lai, nain ralzam a kalnak ding ram a donghnak biachahnak cu UNHCR kut ah a um. Biachahnak tuah tikah hin ralzam hna nih zeibantuk theng dah an herh timi le an chungkhar pehtlaih ning kha UNHCR nih a ruahmi si.
Can I reject a resettlement country chosen for me? What happens to my case after I reject the offer?
An in thimpiakmi ram ah kal na duh lo ahcun, hmailei caan ah ram thumnak kal ti lo dingin tuah khawh na si. Biahalnak (interview) tuah na si cang i na case zong cohlan na si cang ko nain an in kalternak ding ram ah kal duh loin na case lak than dingin biachahnak na tuah ahcun na case na lak thanmi kongah zeidah a cang kho timi le hmailai ah zeidah a cang kho timi kongah UNHCR nih chimhrinnak le ruahnak peknak an in ngeih lai – kal na duhnak ram ah UNHCR nih na case kuatpiak khawh ti lo zong na si.
Ram thumnak lei kalnak he pehtlai in thil sining hna
My case was submitted to the United States of America for resettlement. I was involved in identity fraud in 2012. I confessed and my case was put on hold. When will I be interviewed and resettled?
Dehhlennak/ lihchimnak kongah a rak i telmi hna paoh cu 2019 March le April ah khan United States i Department of Homeland Security (DHS) riantuantu hna nih biahalnak an rak tuah cang hna.. Na case kong ah tam deuh in theih na duh ahcun zaangfah tein Resettlement Support Centre (RSC) ah +60321415846 chawn, asiloah KLInquiries@rescue.org ah email in kua.
I have completed my medical screening but have been asked by the International Organization for Migration (IOM) to go for another screening. Why?
Ralzam a latu ram thumnak hna nih hin ralzam hna nih a hnubik an ngandamnak an i check mi an herh. Ralzam a latu ram nih zulhphung an ngeihmi ning zulh in ralzam hna nih ram thumnak i an kal hlan ahhin voikhatnak tam in ngandamnak i check khawh a si.
My family is still waiting for a durable solution. Can I proceed with my resettlement process? What will happen to my family? Will UNHCR help to reunite my family in the resettlement country?
Chungkhar he hmunkhat ah umti ( i fawnh) khawh thannak le a fekmi chungkhar pehtlaihnak le i dirhkamh khawh thannak hi UNHCR nih a bawmh i, na chungkhar he an tthenter lai lo. Na chungkhar ah zung a lut rih lomi an um ahcun UNHCR sinah thawngthanhnak na tuah ding a biapi. Thil a cang dingmi kong hna cu na chungkhar cawnpiak le chimh an si lai.
If I am married to a non-refugee, can my spouse and children get a UNHCR card and be resettled with me?
Ralzam pakhat nih ralzam a si lomi he thitumhnak a tuah ahcun ram thumnak lei kalnak ding caah UNHCR nih u-sa a pe lo. Ralzam a si lomi he nan i thitumh ahcun na nupi/ na va ram ah um khawhnak asiloah rammi si khawhnak lam na ngei kho. Ralzam a si lomi he thitumhnak a tuahmi cu ram thumnak lei kalnak kong ruahpiak an si hlan ah anmah duh thimnak kongah biachiahnak tuah ding le an chungkhar dihlak sining kha UNHCR nih tha tein zohfelnak a tuah ta hmasa lai. Na nupi/ na va kha Malaysia rammi a si ahcun Durable Solution Unit (DSU) nih na case kha Protection Unit ah a kuat lai i nangmah le na fale rammi nan si khawhnak ding an zoh than lai.
I am in a polygamous marriage. Can my wives be resettled with me?
Voikhat ngeih ah nupi pakhat nak tam ngeih/ nupi pakhat nak tam i umpi hi ralzam a latu hna ram dihlak ngawt in an ram upadi nih nawl a pek lomi a si. Cucaah, nupi pakhat nak tam ngeih a duh ko rihmi ralzam hna cu ram thumnak lei kal an ngah lo. Ram thumnak lei an kalnak kong he pehtlai in chungkhar pakhat cio UNHCR nih ruahnak peknak in cawnpiaknak a ngeih hna lai i, a nupi/ a va le an fale caah a ttha bikmi a si lai an timi kha an ruah le an tuaktan a herh.
I have been rejected by a resettlement country. What will happen next?
Ralzam a latu hna a dang ram ah na case kuat colh a si lai lo. Nain, UNHCR nih case khat hnu case in an zohfel dih than lai i, nan chungkhar nih zeibantuk dah an herh timi kha an ruah lai. Ralzam latu ram thumnak hna hi ralzam laknak caah tahfung an ngeihmi le an hmanmi aa dan cio caah ralzam latu ram pakhat nih an in cohlan lo ahcun a dang ram zong nih an ka cohlang ti lai lo tiah na ruah ding a si lo.
I have been offered both a sponsorship programme and a resettlement opportunity through UNHCR. If I choose the sponsorship programme, can I give my resettlement space to my other family members or community members?
Pumpak asiloah chungkhar hna ram thumnak lei kalnak ding caah hin ram thumnak lei kalnak ding caah a herhmi zohfel le tuaktannak cungah ai hngatmi a si. Lamdang in ramdang kal khawhnak a ngeimi asiloah mah chuahkehnak ram ah a kir dingmi asiloah atu lio a umnak ram ah umnak nawl a ngeimi chungkhar hna cu UNHCR nih ram thumnak lei kalnak a ruahpiak hna lai lo.
