Ral zam le dornak a sawk liomi (asylum seeker) hna cu an card/catlap tharchuah thannak ding caah le zungluh minkhumhnak biahalnak tuahnak ding (registration interview) caah zung ra dingin UNHCR nih chawnh hram a thok cang hna lai. A tu lio caan Conditional Movement Control Order (CMCO) le SOPs, zulh phung ning in UNHCR zung nih Kual Lumpur le Selangor chungah a um mi lawng pumpak in pehtlaihnak a tuah hna lai. Zung nih pehtlaihnak an tuah hlan lo cu zaangfahnak in rak ra rih hlah.
UNHCR nih pumpak pehtlaihnak cu Kuala Lumpur le Selangor chung tlunkal a ngah tikah a tuah te lai Kuala lumpur le Selongor chung i a um lomi cu zungah rat rih lo ding a si lai.
Zung ra dingin chawnhmi hna paoh cu zeitik ni le caan ah zung rat ding a si lai ti kha chimh chih an si lai. Zung na rat dingmi fehternak caah SMS kuat na si lai i, cu chung ahcun a ni le caan kha tial chih a si lai. Zung chung in luhter na si hlan ah mi donnak hmun zawn ah zung rat ding ni caan fehternak na SMS kha na hmuhter hna a herh lai. Zung rat dingin ni caan pek hmasa loin zung a rami paoh cu kirter colh nan si lai.
