စားဝတ်နေရေး (အသက်မွေးဝမ်းကျောင်း)

ငွေသားအကူအညီနှင့် လုပ်ငန်းခွင်ပံ့ပိုးမှု

ငွေသားအကူအညီ

ခြွင်းချက်အခြေအနေများတွင် ယူအန်အိတ်ခ်ျစီအာသည် အင်မတန်ထိခိုက်လွယ် အခြေအနေတွင်ရှိ‌နေသော ဒုက္ခသည်များနှင့် ခိုလှုံခွင့်ရှာဖွေနေသည့် အိမ်ထောင်စုများထံ အခြေခံလိုအပ်ချက်များကို ဖြည့်ဆည်းရန် တခဏတာ ငွေကြေး အကူအညီများပေးရန် မိတ်ဖက် အန်ဂျီအို (NGO) နှစ်ခုနှင့် ပူးတွဲလုပ်ဆောင်ပါသည်။

Partner Tzu-Chi Foundation (TCF) Malaysian Relief Agency (MRA)
Areas of coverage Kuala Lumpur, Selangor, Pahang, Melaka, Negeri Sembilan, Johor Penang, Johor, Kedah, Perak, Kelantan, Terengganu, Perlis

ယူအန်အိတ်ခ်ျစီအာသည် ရေရှည်အတွက်အကူအညီမပေးနိုင်ပါ။ ငွေသားအကူအညီသည် ယာယီသာ ဖြစ်ပါသည်။ အရည်အချင်းပြည့်မှီသော အိမ်ထောင်စုများသည် သူတို့၏ အခြေခံလိုအပ်ချက်များကို ဖြည့်ဆည်းရန် ပုံမှန်အားဖြင့် တစ်လမှ သုံးလအထိ အကူအညီများ ရရှိကြ‌လေ့ရှိသည်။ ဆေး၀ါးကုန်ကျစရိတ်များအတွက် ငွေသားအကူအညီမရရှိနိုင်သော်လည်း ဆေးရုံ သို့မဟုတ် ခွဲစိတ်မှုကုန်ကျစရိတ်များ၊ ငွေကြေးအကူအညီဆိုင်ရာ အချက်အလက်များအတွက် ကျန်းမာရေးဝန်ဆောင်မှုစာမျက်နှာပေါ်တွင် ကျေးဇူးပြု၍ ဖတ်ရှုပါ။

ယူအန်အိတ်ခ်ျစီအာသည် ဒုက္ခသည်များနှင့် ခိုလှုံခွင့်ရှာဖွေသူများထံမှ တိုက်ရိုက် သို့မဟုတ် မိတ်ဖက်များ၊ ဝန်ဆောင်မှုပေးသူများနှင့် ဒုက္ခသည်အသိုင်းအဝိုင်းအဖွဲ့အစည်းများ၏ လွှဲပြောင်းပေးပို့မှုများမှတဆင့် ငွေကြေးအကူအညီတောင်းခံမှုများကို လက်ခံရရှိပါသည်။ အကယ်၍ တောင်းဆိုမှုပြုလုပ်ရန် အခြား‌သောရည်ရွယ်ချက်များမရှိပါက သင်သည် ဤအွန်လိုင်းဖောင်ကို ပေးပို့နိုင်ပါသည်။

တောင်းဆိုချက်များကို အိမ်ထောင်စုတစ်ခု၏ ဝင်ငွေဖန်တီးနိုင်မှု၊ သီးခြားလိုအပ်ချက်များ၊ အိမ်ထောင်စုအရွယ်အစားနှင့် အရေးပေါ်အခြေအနေတို့အပါအဝင် အချက်များစွာအပေါ် အခြေခံ၍ အကဲဖြတ်ရန် ဦးစားပေးလုပ်ဆောင်ပါသည်။ နှစ်လအတွင်း ကျွန်ုပ်တို့၏လုပ်ဖော်ကိုင်ဖက်များထံမှ သတင်းမကြားရပါက၊ သင့်တောင်းဆိုချက်အား အကဲဖြတ်မည်မဟုတ်ကြောင်းနှင့် သင့်အား ငွေသားအကူအညီမပေးနိုင်ကြောင်း သင်ယူဆနိုင်ပါသည်။

အကယ်၍ သင့်တောင်းဆိုမှုကို အကဲဖြတ်ချင့်ချိန်ဆုံဖြတ်ပေးမည်ဆိုပါက သင့်အား တီစီအဲဖ် (TCF) သို့မဟုတ် အမ်အာရ်အေ (MRA) မှ ဆက်သွယ်ပါလိမ့်မည်။ ထို့နောက် တာဝန်ရှိသူများမှ အကဲဖြတ်ဆုံးဖြတ်ရန် အိမ်သို့လာရောက်လည်ပတ်ရန် စီစဉ်ပါလိမ့်မည်။ အကယ်၍ ကိုဗစ်-၁၉ (COVID-19) အခြေအနေ ပိုဆိုးလာပါက အကဲဖြတ်ရန်မေးမြန်းခြင်းအား အိမ်အလည်လာမည့်အစား ဖုန်းဖြင့် လုပ်ရကောင်းလုပ်ရပါမည်။

တီစီအဲဖ် (သို့) အမ်အာရ်အေသည် သင့်အိမ်သို့လာရောက်ပြီး သင့်နေထိုင်မှုအခြေအနေနှင့် သင်ကြုံတွေ့ရနိုင်သည့်စိန်ခေါ်မှုများအကြောင်းအတွက် တိုတောင်းသောအင်တာဗျူးတစ်ခုပြုလုပ်ပါမည်။ တီစီအဲဖ် (သို့) အမ်အာရ်အေသည် တွေ့ဆုံမေးမြန်းပြီး တစ်လအတွင်း အကဲဖြတ်ဆုံးဖြတ်မှု၏ ရလဒ်ကို သင့်အား အကြောင်းကြားပါလိမ့်မည်။ အကယ်၍ သင်သည် ငွေသားအကူအညီရရန် အရည်အချင်းပြည့်မီပါက၊ တာဝန်ရှိသူများသည် ငွေသားအကူအညီဖြန့်ဝေမှုအတွက် သင့်အား တွေ့ဆုံရန် ရက်ချိန်းပေးလိမ့်မည်။ သို့သော် ငွေသားအကူအညီအတွက် အရည်အချင်းမပြည့်မီကြောင်း တွေ့ရှိခဲ့ပါက လုပ်ဖော်ကိုင်ဖက်မှ သင့်အား အကြောင်းကြား‌ပေးပါမည်။

အကယ်၍ သင်သည် ယခင်က ငွေသားအကူအညီရရှိခဲ့ဖူးသူ (သို့) အကဲဖြတ်ခံခဲ့ရသော်လည်း အရည်အချင်းမပြည့်မီခဲ့သူဖြစ်ပြီး၊ ထပ်မံလျှောက်ထားလိုပါက လျှောက်လွှာအသစ်တစ်ခုအား တင်ပြ/တင်သွင်းနိုင်ပါသည်။ သင့်အား နောက်ထပ် ငွေသားထောက်ပံ့မှုရရှိရန် အကဲဖြတ်မှုအတွက် ရည်ညွှန်းခြင်းခံရနိုင်သော်လည်း၊ အကဲဖြတ်ခြင်းမပြုရသေးသော အခြားဒုက္ခသည်များနှင့် ခိုလှုံခွင့်ရှာဖွေသူများထံမှ တောင်းဆိုမှုများကို ယခင်က အကဲဖြတ်ခြင်းခံရပြီး/သို့မဟုတ် အကူအညီရရှိခဲ့ဖူးသူများထက် ဦးစားပေးဝန်‌ဆောင်မှုအား ပေးရပါလိမ့်မည်။

အကယ်၍ သင်သည် ယခင်က ငွေသားအကူအညီအတွက် အရည်အချင်းမပြည့်မီဟု အကဲဖြတ်ခံရဖူးပါက၊ နေထိုင်မှုအခြေအနေ သို့မဟုတ် ကျန်းမာရေးအခြေအနေများ ဆိုးရွားလာခြင်း သို့မဟုတ် ဝင်ငွေဆုံးရှုံးခြင်းကဲ့သို့သော သင်၏လူနေမှုအခြေအနေတွင် သိသာထင်ရှားသောပြောင်းလဲမှုများ မရှိပါက လျှောက်လွှာအသစ်ကို အကဲဖြတ်‌ပေး လိမ့်မည်မဟုတ်ပါ။

ဘဏ်အကောင့်ဖွင့်ခြင်း။

ယူအန်အိတ်ခ်ျစီအာရ်သည် ဒုက္ခသည်များနှင့် ခိုလှုံခွင့်တောင်းခံသူများအတွက် ဘဏ်အကောင့်မဖွင့်ပေးနိုင်ပါ။ ဒုက္ခသည်များနှင့် ခိုလှုံခွင့်ရှာဖွေသူများသည် ဘဏ်အကောင့်တစ်ခုလျှောက်ထားရန် ဘဏ်များသို့ တိုက်ရိုက်ချဉ်းကပ်နိုင်သော်လည်း ဘဏ်တွင် အောက်ပါစာရွက်စာတမ်းများကို ပြသရန်လိုအပ်မည်ဖြစ်ပါသည်။

  • ခြောက်လကျော်သက်တမ်းရှိသော မူရင်း ယူအန်အိတ်ခ်ျစီအာရ် အထောက်အထားစာရွက်စာတမ်း။
  • ပုံစံနမူနာကို လိုက်နာသော အလုပ်ရှင်ထံမှ ထောက်ခံစာ။
  • ယူအန်အိတ်ခ်ျစီအာရ်မှ ထောက်ခံစာ

အလုပ်ရှင်၏အထောက်အထားသည် ဘဏ်အကောင့်တစ်ခုဖွင့်ရန် လျှောက်ထားသည့်အခါ အများအားဖြင့် လိုအပ်ပါသည်။ အကယ်၍ ၎င်းအား မထုတ်ယူနိုင်သောကြောင့်အခြား စာရွက်စာတမ်းများ ပံ့ပိုးပေးနိုင်သေးလျှင်လည်း ဘဏ်ခွဲတွင် အရင်စစ်ဆေးရန် လိုအပ်ပါလိမ့်သည်။

ဘဏ်များအားလုံးသည် ဒုက္ခသည်များနှင့် ခိုလှုံခွင့်တောင်းခံသူများကို ဘဏ်စာရင်းဖွင့်ခွင့်ပြုမည်မဟုတ်သော်လည်း၊ စီအိုင်အမ်ဘီ (CIMB) ဘဏ်သည် ဒုက္ခသည်များနှင့် ခိုလှုံခွင့်တောင်းခံသူများထံမှ တစ်ဦးချင်းတောင်းဆိုမှုများကို ထည့်သွင်းစဉ်းစား‌ပေးသည်။ သင့်အလုပ်ရှင်၏ ၎င်းမှဘဏ်အကောင့်ဖွင့်ထားသည့် ဘဏ်ခွဲ (သို့) သင့်လုပ်ငန်းခွင် (သို့) အိမ်နှင့်အနီးဆုံးဘဏ်ခွဲသို့ သွားရောက်ချဉ်းကပ်သင့်ပါသည်။ သင်၏လျှောက်လွှာကိုလက်ခံမည့်ဘဏ်ခွဲအားရှာ၍ ဘဏ်ကောင်တာထဲ ဝင်ရောက်စုံစမ်းမေးမြန်းရန် လိုအပ်ပါလိမ့်မည်။

ဘဏ်မှ သင့်လျှောက်လွှာကို အတည်ပြုခြင်း (သို့) ငြင်းပယ်ခြင်းသည် ဘဏ်ခွဲ၏ လုပ်ပိုင်ခွင့်အပေါ် မူတည်ပါသည်။ ဤလုပ်ဆောင်မှုတွင် ယူအန်အိတ်ခ်ျစီအာရ်မှ သင့်အား ပံ့ပိုးကူညီပေးနိုင်မည်မဟုတ်ပါ။ ဘဏ်ခွဲတစ်ခုသည် သင့်လျှောက်လွှာကို ငြင်းပယ်ခဲ့ပါက၊ သင်သည် အခြားဘဏ်ခွဲတစ်ခုအား ချဉ်းကပ်ရန် စဉ်းစားရပါမည်၊ (သို့) ဘဏ်မဟုတ်သော ငွေကြေးဝန်ဆောင်မှုပေးသူများကဲ့သို့သော အခြားရွေးချယ်စရာများကို စဉ်းစားရပါလိမ့်မည်။ အီး-ဝေါလက်များနှင့် ဗီဇာ (သို့) မာစတာကတ်ခေါ် ကြိုတင်ငွေပေးကတ်များကဲ့သို့သော ဝန်ဆောင်မှုများကို ပေးဆောင်သည့် မလေးရှားဗဟိုဘဏ် (ဘီအန်အမ်)မှ ထိန်းကျောင်းထားသော ဘဏ်မဟုတ်သော ငွေကြေးဝန်ဆောင်မှုပေးသူ‌မြောက်များစွာ ရှိပါသည်။

ကျေးဇူးပြု၍ ဤဖောင်ကိုဖြည့်ပေးပါ။ အကယ်၍ ယူအန်အိတ်ခ်ျစီအာရ်မှ ဘဏ်အကောင့်ဖွင့်ခြင်းရည်ရွယ်ချက်အတွက် ထောက်ခံစာတစ်စောင်ကို သင်တောင်းဆိုလိုပါက (သို့) သင့်ဘဏ်အ‌ကောင့်၏ ပြဿနာကိုဖြေရှင်းပေးရန် အကူအညီလိုအပ်ပါက၊ ကျေးဇူးပြု၍ ဘဏ်ဝန်ထမ်း၏ အမည်နှင့် အီးမေးလ်လိပ်စာပါသော ဘဏ်ခွဲဆက်သွယ်ရန်အချက်အလက်များကို ကျေးဇူးပြု၍ ပြင်ဆင်ပေးဆောင်ပါ။

လုပ်ငန်းခွင်ပြဿနာများ

ယူအန်အိတ်ခ်ျစီအာရ်သည် လုပ်ငန်းခွင် (သို့) အလုပ်အကိုင်၌ အငြင်းပွားမှုကြုံတွေ့သည့် လူတစ်ဦးချင်းစီအား ပံ့ပိုးပေးရန်အတွက် မိတ်ဖက်များစွာနှင့်အတူ ပူး‌ပေါင်းလုပ်ဆောင်နေသည်ဖြစ်၍၊ ဥပမာ-
  • သင်လုပ်ပေးခဲ့သော အလုပ်အတွက် သင့်အလုပ်ရှင်မှ လုပ်အားခ မပေးပါ။
  • သင့်လစာကို အလုပ်ရှင်မှ မတရားနုတ်ယူထားသည်။
  • သင့်အလုပ်ရှင်မှ ကောင်းမွန်‌သော ‌အကြောင်းပြချက်မရှိဘဲ အလုပ်ထုတ်ခြင်းခံခဲ့ရသည်။
  • သင့်အလုပ်ရှင်မှ ရုပ်ပိုင်းဆိုင်ရာ (သို့) စိတ်ပိုင်းဆိုင်ရာ စော်ကားခြင်းခံနေရသည်။
  • သင့်အလုပ်ရှင်သည် အခြားပိုင်ဆိုင်မှုနှင့်ပတ်သက်သော ယူအန်အိတ်ခ်ျစီအာရ် စာရွက်စာတမ်းများကို သိမ်းဆည်းထားပြီး သင့်ထံပြန်ပေးရန် ငြင်းဆိုနေသည်။

သင့်လုပ်ငန်းခွင်တွင် ဤကဲ့သို့သောပြဿနာများကြုံတွေ့ခဲ့ရပါက (သို့) အလုပ်သမားပြဿနာများဆိုင်ရာ အကြံဥာဏ်များလိုအပ်ပါက၊ အောက်ပါဝန်ဆောင်မှုပေးသူများထံ ဆက်သွယ်နိုင်ပါသည်။

Contact
Services
Asylum Access
Email: malaysia@asylumaccess.org

Hotlines: +60322015438 / +60322015439 / +60172094059 (WhatsApp)

Operating Hours: 9:00am-3:00pm, Monday to Friday

Legal advice on employment disputes, legal assistance on employment disputes. An online form to report employment dispute to Asylum Access Malaysia can be accessed here.
Tenaganita
Case management, legal aid services

အကယ်၍ သင့်အလုပ်ရှင်လက်တွင် ထိခိုက်နစ်နာမှုများ ကြုံတွေ့ရပါက ရဲစခန်းသို့တိုင်ကြားရန် သင့်အား တိုက်တွန်းအပ်ပါသည်။ အကယ်၍ သင့်လုပ်ငန်းခွင်တွင် လိင်ပိုင်းဆိုင်ရာအကြမ်းဖက်မှု (သို့) အလွဲသုံးစားလုပ်မှုများ ကြုံတွေ့ခဲ့လျှင်လည်း ရရှိနိုင်သောပံ့ပိုးကူညီမှုအကြောင်း လေ့လာရန် ကျားမအခြေပြု အကြမ်းဖက်မှု စာမျက်နှာပေါ်တွင် ကျေးဇူးပြု၍ သွားရောက်ဖတ်ရှုပါ။

အကယ်၍ ဝန်ဆောင်မှုပေးသူတစ်ဦးထံ ဆက်သွယ်ပါက၊ သင်သည် အောက်ပါ အလုပ်အကိုင်ဆိုင်ရာ အချက်အလက်များအပါအဝင် ပံ့ပိုးပေးနိုင်ပါက တာဝန်ရှိသူအား အထောက်အကူပေးပါလိမ့်မည်။

  • အလုပ်တာဝန်များ
  • မှတ်ပုံတင်ထားသော ကုမ္ပဏီ/လုပ်ငန်းအမည်
  • အလုပ်ရှင်၏ နာမည်နှင့် ဆက်သွယ်ရန်နံပါတ်
  • လုပ်ငန်းခွင်လိပ်စာ
  • အလုပ်စလုပ်သည့်ရက်နှင့် ရပ်နားရသည့်ရက်
  • ခွင့်ရက်များ/လ နှင့် တစ်ပတ်တွင်း အလုပ်ချိန် အရေအတွက်
  • လစာပမာဏနှင့် အချိန်ပိုပေးငွေနှုန်း
  • ကုမ္ပဏီတွင် အလုပ်လုပ်နေကြသော အလုပ်သမားများအရေအတွက်

သင့်အလုပ်နှင့်သက်ဆိုင်သည့် စာရွက်စာတမ်းများ သိမ်းဆည်းထားရန်လည်း အရေးကြီးပါသည်၊ ဥပမာ-

  • အလုပ်အကိုင်စာချုပ်
  • လစာဖြတ်ပိုင်းများ
  • ကိုယ်စားလှယ်/ပွဲစားများ၏ စာချုပ်
  • အချိန်မှတ်တမ်းကတ်

လုပ်ငန်းများနှင့်ဆိုင်သော အချက်အလက်များ

မလေးရှားရှိ စီးပွားရေးလုပ်ငန်းရှင်များမှ ယူအန်အိတ်ခ်ျစီအာရ် အထောက်အထားစာရွက်စာတမ်းများကို အလုပ်ပါမစ်အဖြစ် အသုံးပြုခွင့်ရမရ မေးမြန်းလေ့ရှိသည်။ ယူအန်အိတ်ခ်ျစီအာရ် စာရွက်စာတမ်းများသည် ရည်ရွယ်ချက်တစ်ခုတည်းအတွက်ဖြစ်သည်- ဒုက္ခသည်တစ်ဦးနှင့် ခိုလှုံခွင့်တောင်းခံသူ၏ အပြည်ပြည်ဆိုင်ရာ အကာအကွယ်အတွက် လိုအပ်မှုကို အသိအမှတ်ပြုရန်နှင့် သူတို့၏လွတ်လပ်ခွင့် (သို့) အသက်အန္တရာယ်ကို ခြိမ်းခြောက်နိုင်သည့် သူတို့၏မူရင်းနိုင်ငံသို့ ပြန်ခိုင်းရမည့်အန္တရာယ်မှ ကာကွယ်ရန်။ ယူအန်အိတ်ခ်ျစီအာရ် စာရွက်စာတမ်းများသည် ယာဉ်မောင်းလိုင်စင်များ၊ ခရီးသွားစာရွက်စာတမ်းများ (သို့) နေထိုင်ခွင့် (သို့) အလုပ်ပါမစ်များအဖြစ် အသုံးပြု၍မရပါ။ ကိုင်ဆောင်ထားသူအား ဥပဒေမှ လွတ်ငြိမ်းချမ်းသာခွင့်လည်း မပေးပါ။

ယူအန်အိတ်ခ်ျစီအာရ်ကတ်များကို UNHCR Verify Plus မိုဘိုင်းအက်ပလီကေးရှင်း ဒေါင်းလုဒ်လုပ်ထားသူတိုင်း၊ အောက်ပါအဆင့်များမှတစ်ဆင့် အတည်ပြုနိုင်ပါသည်-

  • Google Play Store (သို့) Apple App Store တွင် “UNHCR Verify Plus” ကို ရှာဖွေပြီး ဒေါင်းလုဒ်လုပ်ပါ။
  • သင့်အီးမေးလ်လိပ်စာဖြင့် အပလီကေးရှင်းသို့ ဝင်ရောက်ပါ။
  • ယူအန်အိတ်ခ်ျစီအာရ်ကတ်ပေါ်တွင်တွေ့ရသည့် QR ကုဒ်များဆီသို့ ကင်မရာကို ညွှန်ပြပါ (စကင်န်ဖတ်ထားသော မိတ္တူများ (သို့) ယူအန်အိတ်ခ်ျစီအာရ်ကတ်၏ မိတ္တူများကို စကင်န်ဖတ်ခြင်း (သို့) မိတ္တူ၏ အရည်အသွေးပေါ်မူတည်၍ အလုပ်မလုပ်သည့် အခြေအနေမျိုးလည်းရှိပါလိမ့်မည်။)
  • အပလီကေးရှင်းတွင်ဖော်ပြထားသည့်အသေးစိတ်အချက်အလက်များသည် ယူအန်အိတ်ခ်ျစီအာရ်ကတ်ရှိ အသေးစိတ်အချက်အလက်များနှင့် ကိုက်ညီမှုရှိမရှိ အတည်ပြုပါ။

Verify Plus အပလီကေးရှင်းကို အသုံးပြုခြင်းသည် ယူအန်အိတ်ခ်ျစီအာရ်ကတ်များကို အတည်ပြုရန် တစ်ခုတည်းသောနည်းလမ်းဖြစ်သည်။ ယူအန်အိတ်ခ်ျစီအာရ်သည် တစ်ဦးချင်းစီ၏ ယူအန်အိတ်ခ်ျစီအာရ် စာရွက်စာတမ်းများကို သီးခြားစီစစ်အတည်ပြုနိုင်ခြင်းမရှိပါ။