UNHCR, UN RIFÚJI EGÉNSI 4

Añára Ziyan Gori

UNHCR re, oi manúccun ore basaá zará ré tarár nizor decóttu yá gór óttu dáibólla mócbur góijje ar zará dec sára óiye.

Añára zoruri hálot okkol ót foran basonor modot di, buniadi insání hók ókkol or héfazot gori, ar lámba miyadi hál túaibor modot gori taaké tará gór hóifáré dé índílla ékkan héfazotwala zaga tuáifa.

Dáibólla Mócbur Góijje Dé Manúc Ókkol Ore Bason

Fótti bosor, lák-lák manúc oré hámla arde zulúm óttu basibólla tarár gór yá dec sári dáibor mócbur goré ar tarár foranor hótara sára, héfazot arde azadi loi decót wapes zai nofaré.

UNHCR, UN Rifúji Egénsi, tarálla bóli rifújir fótti hálot ót asé ar tará begór óiyore wotón sárizonor sóforór móckilór cúru óité loi macké mac ar honó-honó taim ót bosórké bosór asé.

Añára zorurir hálot ót, foran basonor modot di ar héfazot góri, bála sára diyar kaanun arde nezám ókkol beétor óiáibólla ukilai gorí taaké wotón hára manúcé tarár hók ókkol faá, ar lámba miyadi hál ókkol tuái fonor modot gorí taaké tará gór yá decót héfazóte wapes záitfaré yáto ékkan nuwa decót ékkan mustokbol yáni ékkan mumór zindigi banaitfaré.

Añára aró iiyan fákka goribólla hám gorídé kí dec sára mancóré ékkan decóittayi defán taaké tará elom arde sehétí hédmotor dóilla buniyadi hók ókkol faá.

Zoruri hálot ókkolor cáradon

72 góndar bútor, UNHCR re ék milion yáni 10 lák mancóré modot donor jiníc zuhár gorífáre ar dáibólla mócbur góijje dé manúccún ore héfazot góribólla mahér soijja ókko mutayen gorífáre.

Insáni hók ókkol héfazot góro

UNHCR re ékcótéró becí dec lói hám góijje taaké bála tófkar kaanun oré buzái éstemal gorí rifúji ókkolé tarár hók ókkol fonor fákka gorífáre.

Aró bála mustokbol bano

Gélde 10 bosór ót, UNHCR re lámba miyadi hál tuwonór hámor híssa hisábe, tókriban ék milion rifúji ókkol oré newa dec ókkol ót tarár zíndegi ré ábbar banitulíbólla modot góijje.