UNHCR- UN RIFÚJI AJÉNSI 3

Añára ziyan gori

Gór yá dec óttú dáizáibólla mócbur gójje dé manúc ókkol ore arde dec sára mancóre UNHCR ré héfazot góre.

Emajénsir hálot ókkol ót, añárá foran basonor modot, manúcor buniyadi hók ókkol loidi, ar lámba muddot fójjonto tikibó dé hál ókkol tuái fonor modot gori. Étólla ítara nizor gór hóifárédé índílla ékkan héfazot táke dé zaga tuáifa.

Dáizáibólla Mócbur Goré dé Mancóre Héfazot Góra

Fótti bosór lak-lak mancóre hámla arde zulúm óttu basibólla tará ré gór ya decóttu dáibor mócbur goré, ar foranor hótara sára arde héfazot yá azadir sáñte wapes zainofaré.

Rifúji ókkol ore gor-dec sára goré dé woktót tarár fótti móckil hálotor fúáñtí ar watón sárar sóforor móckil or cúrúttú óite loi, macké mac fójjonto ar honó-honó taim ót bosór ké bosór UNHCR, UN rifúji ejénsi tarálla bóli

Emajénsi hálot ókkol ót, añára foran-basonor modot di ar héfazot góri, sára fonor kaanun arde nezam beétór óibólla ukilaigori, taaké watón hára manúc tarár hók ókkol faá, ar lámba muddot fójjonto tikibó dé hál ókkol faibor modot goré, taaké tará héfazoté ékbar decót wapes zaifare yató ékkan nuwa decót ékkan mústokbol yáni mumór ékkan zíndegi banaifaré.

Añára aró dec sára mancé ékkan decóittayi fonor fákka goribólla hámgori, taaké tará elóm arde sehétor hédmotor doilla buniadi hédmot ókkol faá.

Zoruri hálot ókkol or cáradon

72 gónda bútor, UNHCR ré 10 lák manúcólla zoruri jiníc ókkol zuhár gorítfaré ar dáibólla mócbur góijje dé mancóre héfazot góribólla mahér soñijja ókkol mutayon gorítfáre.

Insáni hók ókkol basoó

UNHCR ré, rifúji ókkolé tarár hók ókkol éstemal gorífáribor fákka goríbólla kaanuni sóiyimafór hotá buzái éstemal gorífárefan ékcótór becí dec loi hám góijje.

Beétór mústokbol banoo

lámba miyadi hál tuáibólla añárar hamor híssa hisabé, gélde 10 bosór ót UNHCR re tokoribán ékmilion yáni 10 lák rifúji ré noiya dec ókkol ót tarár zíndegi toiyar goríbor modot góijje.