pixel

Sehétor Khédmot okkól

 

Tuáñr sehét óilde zoruri. UNHCR hañsé rejisthar goijjá refúji ar sáara tuoya okkól é, hókumotor hóspital ar klínik beggúnot dabaigorí faribár ejazot asé.

Mamuli Céba

  • Mamuli céba óilde cúrur, zoruri sehétor khédmot okkól. Zodi tuáñrttú gaatgom nolágilé,  tuáñrttú ekkán mamuli céba góredé  klínik ót foóila zoonsaá, kiyólla bouli hóile, beec híssa mockil okkól eddúror tobkar klínik ót faaza.
  • Hókumotor Klínik okkól – Klinik Kesihatan ar hóspital ór Outpatient Departments (OPD)’t bideccáittar dam ottúbaró eddók homloi, mamuli cébar khédmot okkól de, zodi tuáñrttú UNHCR or kaád yáto sáara tuoyar habos tákile.
  • Añára refúji ar sáara tuoya ókkol beggúnore NGO’r klínik okkól ót zaibella zurdir. NGO’r klínik ókkol e, UNHCR or habosfonna aséde yáto náide biaraimma ókkol oré gosíbou.
  • Héçe húsusi klínik ókkol ó asé, ziín é refúji ókkol ollá adamuli damloi, cébadibellá  rahámotor sáñte razi oiyé. Hín oreyóo e sóbba ibát liíst gorágiyé. E klínik ókkol ót, cóm oollar céba (fua feçot óiyedé beçiaindolla), fuain biya homáibar khédmot ókkol, daibetis ar perecar ollá elaj faaza.
  • Húsusi klínik ókkol, zendhilla Qualitas ar Cébar klínik ókkol ollá, zodi tuáñrttú ekkán UNHCR or habosfonna notákedde óile, tuáñr sómaji jamaator yáto NGO’r torfottú ekkán ciñçí loiainnóo.
  • Zodi e klínik ókkol ót, daktore tuáñrttu hóspital ót aró céballa zaito zoruri buzédde óile, tará tuáñrllá, hóspital ót ejazot faibellá, ekkán háwalagóredde ciñçí lekíbóu.

Nuth:
See the lists and map below for clinics you can visit. Tuñí zaifaríbade klínik ókkol ollá, nisor nokcó gán ar liís gún soó.

 

Dusáradorjar Céba

  • Zeéñtte tuáñr hálot aró hótara oizaiboi, tuáñré ekkán hóspital ót uggwá biaramor mahér dehá góribella háwala górazaibou yáto aró céballa ekkán hóspital ót bótti górazaibou.
  • Zodi tuáñrttú UNHCR or kaád yáto sáara tuoyar habos tákile, hókomotor hóspital ókkol ók, bideccáittar dam ottúbaró eddók homloibou.
  • Hóspitalor céba dami oitfáre.

Nuth:
UNHCR or modot thiañfoicá tóon ór uore darmader goríbou ar óilde becí padondi lagaiya.

Tesára Céba

  • Thiañ foicár toñnkis or zoriya, tésara cébar khédmot ókkol (eçé bútore táibou:-haátor operecén, haátor rogmelóon, kidni sáf góroon, ar kansar biaramor dabaigóroon) ór modot óilde becí pabondi lagaiya. Héndhilla biaraimma ré oinno dhoilla modot ollá zur gorí mucuwara diyazar.

Nuth:
Ehón ót, oinno tesára decót zaibar mouka yóo becí hom.