Fókkorai ar Dúkabázi
Fókkorai óilde nizorlá yáto oinno honíkkarlá, oinno honíkkare kessú biccáic diyoré wapes bodolat kessú faibellá furafuri hókhotá nohoón ór ham. Fókkorai óilde aró tuáñr sinnor baabote furafuri hók hotá nohoón yáto furafuri hók hotá ré luwai rakóon.
Zeéñtté bol oola zimmadari ókkol ót aséde manúic ókkol nizor zaati fáaidarlá beimaan ór sáañte uçókboiçók goré, dúkabázi ó. Dúkabázir mesál ókkol ót refúji ar sáara tuwoya ókkol ór torfottú thiñya-foica ar hádiya ókkol gosí loon nán asé. Yián siríf baná kessú gosí loon or baabote noó. Yián ót aró oinno manúic ar jomáat ókkol ór torfottú kessú dami jiníc magoon ar zañsoon ó asé.
Báraibár Felan ókkol
Uggwá báraibár felan óilde zeçé manúic ókkol, yáto manúic ókkol ór daái ókkol UNHCR loi hát asé hoói misá dabi goré ar kessú dami jiníc, hámicá thiñya-foicár bodolat ekkán fáaidar zendhilla neki rejisthrécen, UNHCR or habosfonna ar ekkán tesára decót bocótigóri difaribár waadade. Becí refúji ókkol óre héndhilla felan ór zoriya mutha thiñya ókkol maridiyéde asé.
Báraibár felan ókkol ór mesál ót, UNHCR loi yáto refúji goséde dec ókkol lói hát asé hoói dabi goréde ar bidec zaitókiyót óibella, yáto RSD faas oibellá, habosfonnarlá , UNHCR or hañsé rejisthar goríbellá modot goríbou hoói thiñya-foicá magede manúin ókkol cámil asé.
Meérbanigorí, monot ráikkóode ki UNHCR or khédmot beggún óilde MAANA. Tuñí honó khédmot faibellá yáto UNHCR or torfottú khédmot toratori faibellá, tiñya-foicá di nofaribá.
Fókkorai ar Dúkabázi khélaf Larái
Fókkorai ar Dúkabázi ré Ebbe-Boddac Nogoré
UNHCR ottú fókkorai ar dúkabázir kisím beggún ór khélaf uggwá ebbe-boddac nogoréde folósi asé.
UNHCR or Khédmot ókkol Óilde Maana, Hámica
UNHCR or khédmot beggún hámica maana. TuñíUNHCR or torfottú khédmot toratori faibellá, tiñya-foicá di nofaribá.
Dúkabázi ré Nogosíbouli Hoó
Thiñya doon ar gosíloon, yáto UNHCR or khémot faibellá honíkkarlá kessú gorídoon nán, óilde GOLOT
Hótara, Imaandari ar Nozor rakéde Daái (yáni RIOT)
Malaysia’r UNHCR ot Hótara, Imaandari ar Nozor rakéde Daái (yáni RIOT) é fókkorai ar dúkabázit cámil oóilde refúji ókkol ór uore tadarot ókkol goré ar fókkoijja ham ókkol ór uore nozor raké.
RIOT e fókkorair húñciarir threinín de ar UNHCR or fúñaijja ejénsi ókkol ar hamgoróiya ókkol, refúji arde sáara-tuwoya ókkol ór uore repouth goré.
UNHCR or Hamgoróiya yáto Fúñaijja jomáat ór uore Repouth goróon
UNHCR ottú fókkorai ar dúkabázir kisím beggún ór khélaf uggwá ebbe-boddac nogoréde folósi asé, ar honó kiyé goijjéde fókkorai, nizor hamgoróiya ar fúñaijja jomáat ókkol óre uddwá, becí horar sáañte deké.
Zodi tuáñrtu UNHCR or hamgoróiya ar/yáto UNHCR or fúñaijja ajénsi ókkol ór fókkorai ar dúkabázir baabote hóbor táaile, meérbanigorí, uggwá khúdmukhtar tadarot ollá,Switzerland ór Geneva’t aséde UNHCR or IGO’r Ofís (yáni Inspector General’s Office) ót yían ór repouth goró. Yián óre IGO’r Online Complaint Form (yáni Intharnéth óttu Bisardede Fórom) yáto inspector@unhcr.org ‘r hañsé ímeil difeçóon ór zoriya gorá zaibou.
IGO ye repouth beggún óre sókhtir sáañte surha luwai rakibóu.
Refúji yáto Sáara-Tuwoya ókkol ór uore Repouth goróon
RIOT or hañse sáara tuoya yato refuji é goijje de fókkorai ar dúkabázir baabote húfiare repouth gori bar diyan (2) rasta asé.
- Intharnéth óttu Bisardede Fórom(Fókkorai ar Dúkabázi)
- Ímeil RIOT: mlslufrd@unhcr.org
