Tuñár Fua Rejisthar-goroón

Zodi tuñi ehón uggwa fua faiyóde óile, tuñártu ítar yató íbar foidac rejisthar goroón saá ar ítara-lla foidaci sálthi-fikéth tán hókumot or decóitta rejusthrecén or idára (NRD) ttú háñsilgoro. Zodi tuñi yián fua-wá foida-ói, 60 din or bútore goijjóde óile, éçe NRDt mazé hóssa diya nofore. Mogor, 60 din baade óile, tuñaré deri gorí rejisthar goroón ólla hóssa caáj gorít-fare.

Tobka 1: Baicca foidac Rejisthrecén or Forom.

Dorhás or forom mán dakthor hána ttú hasél gorí-loo, zeçe baicca wá foida óiyé yáto Decóitta Rejisthrecén or Idára (NRD) ttú-loo.

Tobka 2: Decóitta Rejisthrecén or Idárat zai berai soó.

Fura-goijja forom ar lagede habosfonna okkol loi Decóitta Rejisthrecén or Idárat (NRD) doura goró.

Decóitta Rejisthrecén or Idára lla réhnoma-hédayot.

Taáke fua uggwar foidac Decóitta Rejisthrecén or idarat mazé rejithar goribella nise dahar de íin tuan-ttú zorurot oibou.

  • Pecaan or habosfonna (UNHCR or kaadh/ cómaj or kaadh/ paáspóuth ókkol) asóli ar nokol goijjá kopí.
  • Bap-Maar biyá-cádi ar sára-sárir sáthi-fikéth (zeçe lage) asóli ar nokol goijjá kopí.
  • Dhaktor hánar fakka foidac or habosfonna yató fulic or repouth-asóli, zodi fua-wa gorot hálas oiye de oile.
  • Fura-goijjá foidac rejisthrecén forom – asóli ar nokol goijja kopí.
  • Foidac-or-agori dhaktori sek boói (biyaa sek-gori-saár boói) – asóli.
  • Zodi tuñára biyá-noóde gair-Musolmaan juçi oilé, O manuicwa, fuar baf buli daabi gorerde ibattú, foidac rejisthrecén ot fuar Maar fuañti hámahá dostok-diya foribou. Noóile, foidacor salthi-fiket ot Bafor maalumat camel noói bou.

Yaad-ráikkou.

v

Molai báca-hoóde manuic

Zodi faille, uggwá Molai báca hoóde maincó-ttu, tuñí modot sai-bellá, añára tuáñre mocuwara dito-saái.

Koid-hánat foida oón.

Zodi uggwá baicca foida-óo, zecómot Maa-wá koid-hánat mazé asé, é koid-hánar imigerecén ór adikar ottú foidac rejisthrecén ar foidaci salthi-fiket hasel-gori loón-ot modot goróon saá, Maa ar fua dunízón imigerecén ór adikaror hatot bon aséotde etólla.

Manúic-zon Rejisthar goroón.

Maabaf, kaanuni sámalóya (waali) yató zehonó manuic foidac or maalumat asé dé íbaé, foidac rejisther gori fare, zehón ítara lage-de habosfonna ókkol ané.

Decóitta Rejisthrecén or Idára (NRD)r hót.

Tuñi cah ót mazé zai-berai-sái fariba eçéliss goinjje íin ot. Zodi tuñi Kuala Lumpur ot taako de oilé, añara doftor yián-ot zai-berai-sai bélla tosdik goittou sai.

NRD/JPN Jalan Duta
Bangunan Kerajaan Jalan Duta
(Kompleks Kerajaan Tuanku Abdul Halim)
Publika Dutamas, 1, Jalan Dutamas, Solaris Dutamas
50480 Kuala Lumpur

Tuñi rejisthrecen or karwair e rastadahánir video wa yó Decóitta Rejisthrecén or Idára (NRD)t maze saáit faro.

Noiya-óíe-dé fua wa tuñr UNHCR or fáil ót camel-goróon.

Zodi tuñi UNHCR ot rejisther gorifelaiyó, ar tuñi foidac or salthi-fiket ar/yató oinno modoti habosfonna okkol tuañr noiya baicca lla faifelaiyó, meérbanigorí lagede ekkan foidaci salthi-fiketor ar/yató modoti habosfonnar nokol-kopi upload goro ar zomado fémli bonat tobdilir forom furagori yoré.

COVID-19 obabyaram or rocnit mazé, UNHCR e honó bahaná no-gosér. Meérbanigori UNHCR or hañse no-aicco. Tuñi epuainmen olla Fémli Bonat Tobdilir Forom fura-goré aros gorit faro.

Meérbanigori UNHCR olla soñoi goro tuñare epuainmen olla dhakai bella yató tuñi Rejisthrecen or Hotline ot +6017-614 3810 maze biyane 8.00 baz-ottú hañzoinna 4.00 baze-foijjonto, fottí Com-bar ottú fottí Cukku-bar foijjonto.