{"id":27844,"date":"2021-09-20T11:39:17","date_gmt":"2021-09-20T03:39:17","guid":{"rendered":"https:\/\/refugeemalaysia.org\/unhcrs-resettlement-processes-under-covid-19-restrictions\/"},"modified":"2022-03-02T17:16:21","modified_gmt":"2022-03-02T09:16:21","slug":"unhcrs-resettlement-processes-under-covid-19-restrictions","status":"publish","type":"post","link":"https:\/\/refugeemalaysia.org\/rh\/unhcrs-resettlement-processes-under-covid-19-restrictions\/","title":{"rendered":"KOV\u00cdD-19 \u00f3r Paabontir Tole UNHCR or Bidec zait\u00f3kiyot oib\u00e1r Karuwai"},"content":{"rendered":"\n<p class=\"has-white-color has-vivid-red-background-color has-text-color has-background\"><strong>Kov\u00edd-19 s\u00f3roon \u00f3re bongorib\u00e1r kaanun \u00f3kkol \u00f3r zoriya, sof\u00f3r \u00f3r paabondi \u00f3kkol uddw\u00e1, bidec zait\u00f3kiyot \u00f3ibar karuwai ar dec\u00f3r ba\u00e1re neela \u00f3kkol \u00f3re duniai agagura, Malaysia&#8217;t uddw\u00e1 h\u00f3raf as\u00f3r gor\u00e1giy\u00e9.<\/strong><\/p>\n\n\n\n<div style=\"height:25px\" aria-hidden=\"true\" class=\"wp-block-spacer\"><\/div>\n\n\n\n<ul class=\"wp-block-list\"><li>Malaysiar H\u00f3kumot \u00f3r a\u00e1m man\u00faic \u00f3r seh\u00e9t oll\u00e1 diyed\u00e9 mocuwara ar Lorasora Bongorib\u00e1r H\u00f3kum \u00f3kkol \u00f3r juab ot, UNHCR or beec h\u00edss\u00e1 kh\u00e9dmot \u00f3kkol, bidec zait\u00f3kiyot oib\u00e1r maamela uddw\u00e1, dur\u00f3ttu t\u00e1ai (telif\u00fan y\u00e1to vidiyu ko\u00f3l \u00f3r zoriya) gor\u00ed zaar, ta\u00e1ke ref\u00faji ar UNHCR or man\u00faic \u00f3kkol \u00f3r seh\u00e9t \u00f3o h\u00e9fazot gor\u00edbell\u00e1.<\/li><li>KOV\u00cdD-19 \u00f3r zoriya alomi s\u00f3for \u00f3t bec\u00ed nuksan \u00f3iye, Malaysia&#8217;t gos\u00ed luwa giyed\u00e9 ref\u00faji \u00f3kkol \u00f3r rowana (y\u00e1ni f\u00e9lait) \u00f3re uddw\u00e1 as\u00f3r goijj\u00e9.<\/li><li>E tobdili (y\u00e1ni bodola) \u00f3kkol \u00e9 durott\u00fa t\u00e1air intarbyu \u00f3kkol gor\u00e1 r\u00e9 ainn\u00e9, mogor bidec zait\u00f3kiyot \u00f3i farib\u00e1r cor\u00f3t \u00f3kkol ar karuwai \u00f3kkol \u00f3doo-od\u00e9 eddhoilla as\u00e9.<ol><li>Bidec zait\u00f3kiyot \u00f3on oild\u00e9 ekk\u00e1n h\u00f3q no\u00f3. UNHCR or torfott\u00fa rejisthar ar\/y\u00e1to ref\u00fajir tobka r\u00e9 bokhc\u00edc gor\u00f3on n\u00e1n \u00f3r ma\u00e1n\u00ed, man\u00faiccw\u00e1 r\u00e9 bidec zait\u00f3kiyot \u00f3ibell\u00e1 h\u00e1wala goribou d\u00e9 h\u00e9en no\u00f3.<\/li><li>Bidec zait\u00f3kiyot \u00f3on n\u00e1n bec\u00ed h\u00f3tarat as\u00e9de ref\u00faji \u00f3kkol oll\u00e1 ekk\u00e1n h\u00e9fazoti azbab h\u00edsafe as\u00e9. Bidec zait\u00f3kiyot \u00f3ibar keis \u00f3kkol \u00f3r sinno gor\u00e1 r\u00e9 man\u00faic \u00f3r h\u00e9fazoti zorurot \u00f3kkol \u00f3r uore darmodar gor\u00ed jari t\u00e1kibou.<\/li><li>Bidec zait\u00f3kiyot \u00f3ibar kobul oll\u00e1 uggw\u00e1 keis zomadoon n\u00e1n bo\u00f3ut bec\u00ed waj\u00e1 \u00f3kkol \u00f3r uore darmodar rak\u00e9, ma\u00faic \u00f3r h\u00e9fazoti zorurot \u00f3kkol \u00f3r dorhar hodd\u00faur as\u00e9, h\u00e9fazoti mah\u00fal, gos\u00edbou d\u00e9 dec\u00f3r h\u00e1alot, ar bidec zait\u00f3kiyot \u00f3ibar zaga \u00f3kkol as\u00e9 n\u00e9 h\u00edin uddw\u00e1.<\/li><\/ol><\/li><li>Zodi tu\u00e1\u00f1r keis or\u00e9 c\u00farutt\u00fa lot\u00ed bidec zait\u00f3kiyot \u00f3ibell\u00e1 sinno goijj\u00e9 d\u00e9 \u00f3ile, Durable Solutions Unit (DSU) ye tu\u00e1\u00f1re uggw\u00e1 bidec zait\u00f3kiyot \u00f3ibar karuwaiyir laayekir za\u00f1sai gor\u00e1 r\u00e9 fura goribell\u00e1, ar\u00f3 batt\u00ed h\u00f3borbattiri lagil\u00e9 telif\u00fan \u00f3r zoriya zukazuk gor\u00edt fare.<\/li><\/ul>\n\n\n\n<p><strong>Bidec zait\u00f3kiyot \u00f3ibar Intarbyu<\/strong><\/p>\n\n\n\n<p>Zodi tu\u00e1\u00f1r keis or\u00e9 bidec zait\u00f3kiyot \u00f3ibar karuwaill\u00e1 laayek \u00f3iyed\u00e9 y\u00edan tuai faa gil\u00e9, tu\u00e1\u00f1re uggw\u00e1 g\u00f3rottu t\u00e1ai intarbyu goribell\u00e1 dawot diya zaibou. Kaanun mouzin, intarbyu begg\u00fan intharn\u00e9t y\u00e1to telif\u00fan \u00f3r zoriya \u00f3o, kess\u00fa bec\u00ed kh\u00e1as maamela \u00f3kkol zi\u00edn UNHCR or Of\u00edsot a\u00e1i intarbyu dibar zorurot \u00f3de h\u00edin baade, KOV\u00cdD \u00e9 ejazot dil\u00e9. E ko\u00f3l gored\u00e9 wokt\u00f3t, tu\u00fa\u00f1i Durable Solutions Unit \u00f3re, zanai di farib\u00e1 zodi tu\u00fa\u00f1i uggw\u00e1 g\u00f3rot t\u00e1ai intarbyu dibell\u00e1 no so\u00f3 d\u00e9 \u00f3ile. Yi\u00e1n \u00e9 tu\u00e1\u00f1r keis \u00f3r bidec zait\u00f3kiyot \u00f3ibar karuwaill\u00e1 UNHCR or f\u00e1iselar notiza r\u00e9 as\u00f3r nogorib\u00f3u. Mogor, yi\u00e1n \u00e9 deri gor\u00edt fare, kiy\u00f3lla bouli hoil\u00e9, mua-muikk\u00e1 intarbyu \u00f3kkol \u00f3re sir\u00edf UNHCR or of\u00eds ar-ekbar k\u00faliboude h\u00e9e\u00f1tt\u00e9 gor\u00e1 zaibou de.<\/p>\n\n\n\n<p>G\u00f3rot t\u00e1ai resettlement intarbyu gor\u00e9de wokt\u00f3t, UNHCR or of\u00edsar \u00e9 tu\u00e1\u00f1re ko\u00f3l bidec zait\u00f3kiyot \u00f3ibar karuwaiyir kh\u00falasa ar ko\u00f3l \u00f3r moks\u00f3t \u00f3r uore ba\u00e7\u00ed gor\u00ed buzaib\u00f3u. Aro, h\u00edba y\u00e9\/h\u00edte tu\u00fa\u00f1i ekk\u00e1n h\u00e9fazot zaga ze\u00e7\u00e9 tu\u00e1\u00f1r b\u00fatorgwa hot\u00e1 ar gufoniyota r\u00e9 so\u00f3\u00f1l\u00ed rak\u00e1 giy\u00e9 n\u00e9 y\u00edan \u00f3r fakka gor\u00ed loibou. Zodi h\u00e9\u00e7e tu\u00e1\u00f1rtt\u00fa UNHCR or ha\u00f1s\u00e9 habosfonna zoma dibar ekk\u00e1n zorurot \u00f3dde \u00f3ile, tu\u00e1\u00f1re rasta dah\u00e1i diya zaibou.<\/p>\n\n\n\n<p>Me\u00e9rbanigor\u00ed, tu\u00e1\u00f1r bidec zait\u00f3kiyot \u00f3ibar intarbyur abas y\u00e1to vidiyu r\u00e9 rek\u00f3dh nogoijj\u00f3. Yi\u00e1n ekk\u00e1n gufoniyotar kh\u00e9laf oib\u00f3u ar yi\u00e1n \u00f3re UNHCR or torfott\u00fa bec\u00ed s\u00f3ngin g\u00f3ri sa\u00e1 zaibou.<\/p>\n\n\n\n<p><strong>UNHCR loi Bidec zait\u00f3kiyot \u00f3ibar Intarbyu baade<\/strong><\/p>\n\n\n\n<p>Bidec zait\u00f3kiyot \u00f3ibar Intarbyu baade, tu\u00e1\u00f1r keis \u00f3r h\u00fa\u00f1ciar g\u00f3ri dubara sa\u00e1 zaibou, ar f\u00e1il ib\u00e1 r\u00e9 ekk\u00e1n ref\u00faji gos\u00e9de dec\u00f3t tar\u00e1r f\u00e1iselall\u00e1, diya zaibou ne nozaib\u00f3u y\u00edan \u00f3r ekk\u00e1n f\u00e1isela luwa zaibou.<\/p>\n\n\n\n<p>Zodi tu\u00fa\u00f1i UNHCR loi bidec zait\u00f3kiyot \u00f3ibar intarbyu r\u00e9 di f\u00e9illo d\u00e9 \u00f3ile, ar s\u00faal t\u00e1kile y\u00e1to h\u00f3bor battiri zanai t\u00f3u mone hoil\u00e9, mes\u00e1l, h\u00e1alot \u00f3kkol\/f\u00e9mel\u00edr man\u00faiczon bodolil\u00e9, me\u00e9rbanigor\u00ed, <a href=\"mailto:mlsludsu@unhcr.org\" target=\"_blank\" rel=\"noreferrer noopener\">mlsludsu@unhcr.org<\/a> ha\u00f1s\u00e9 ekk\u00e1n im\u00e9il fo\u00f3\u00f1 s\u00e1i doo.<\/p>\n\n\n\n<p>Zodi tu\u00e1\u00f1r keis \u00f3re bidec zait\u00f3kiyot \u00f3ibell\u00e1 zomadiya giy\u00e9de \u00f3ile, Durable Solutions Unit \u00e9 y\u00e1to f\u00e1il zomadiya giy\u00e9d dec\u00e9 tu\u00e1\u00f1re tu\u00e1\u00f1r bidec zaibar keis or uore maalumat dibell\u00e1 zukazuk gorib\u00f3u.<\/p>\n\n\n\n<p>Akherkh\u00e1r, bidec zai t\u00f3kiyot \u00f3ibar ejazot dibou ne nodib\u00f3u y\u00edan \u00f3re gos\u00edbou d\u00e9 dec \u00f3kkol \u00e9, tar\u00e1r folos\u00ed ar kaanun \u00f3kkol \u00f3r mutaabek f\u00e1isela gor\u00e9.<\/p>\n\n\n\n<p>Zodi tu\u00e1\u00f1re tu\u00e1\u00f1r bidec zait\u00f3kiyot \u00f3ibar intarbyur 6 m\u00e1c baade, zukazuk gor\u00e1 n\u00f3o zade \u00f3ile, me\u00e9rbanigor\u00ed, <a href=\"mailto:mlsludsu@unhcr.org\" target=\"_blank\" rel=\"noreferrer noopener\">mlsludsu@unhcr.org<\/a> \u2018r ha\u00f1s\u00e9 ekk\u00e1n im\u00e9il fo\u00f3\u00f1s\u00f3. Bec\u00ed im\u00e9il \u00f3kkol gos\u00ed foon or zoriy, UNHCR re zon foti begg\u00fan \u00f3r s\u00faal \u00f3kkol \u00f3r juab dinofar\u00e9. Me\u00e9banigor\u00ed, UNHCR or ha\u00f1s\u00e9, ekh\u00ed s\u00faal \u00f3re bo\u00f3ut mott\u00e1 no dife\u00e7\u00e1i y\u00f3. Yi\u00e1n \u00e9 karuwai r\u00e9 ar\u00f3 deri gorib\u00f3u.<\/p>\n\n\n\n<p><strong>Zodi tu\u00e1\u00f1r Keis (y\u00e1ni F\u00e1il) \u00f3re Amerik\u00e1 y\u00e1to Kenadar ha\u00f1s\u00e9 zoma diya giy\u00e9de \u00f3ile<\/strong><\/p>\n\n\n\n<p>Zodi tu\u00e1\u00f1r keis \u00f3re Amerik\u00e1r ha\u00f1s\u00e9 zoma diya giy\u00e9de \u00f3ile, tu\u00fa\u00f1i tu\u00e1\u00f1r keis or tobka r\u00e9 Resettlement Support Center (RSC)\u2019r (<a rel=\"noreferrer noopener\" href=\"mailto:KL.Inquiries@rescue.org\" target=\"_blank\">KL.Inquiries@rescue.org<\/a>) im\u00e9il, tel\u00ed f\u00fan (<a href=\"tel:+60321415846\" target=\"_blank\" rel=\"noreferrer noopener\">+603 2141 5846<\/a>), f\u00e9ks (<a rel=\"noreferrer noopener\" href=\"tel:+60321448716\" target=\"_blank\">+603 2144 8716<\/a>) y\u00e1to tar\u00e1r w\u00e9bs\u00e1ith, <a rel=\"noreferrer noopener\" href=\"https:\/\/case.rescue.org\" target=\"_blank\">CASI<\/a> \u2019r zoriya cek gor\u00ed farib\u00e1.<\/p>\n\n\n\n<p>Zodi tu\u00e1\u00f1r keis or\u00e9 Kenadar ha\u00f1s\u00e9 zoma diya giy\u00e9de \u00f3ile, tu\u00fa\u00f1i tu\u00e1\u00f1r keis or tobka r\u00e9 <a href=\"http:\/\/www.cic.gc.ca\/english\/contacts\/web-form.asp\" target=\"_blank\" rel=\"noreferrer noopener\">Kenadar Immigration, Refugees and Citizenship w\u00e9bs\u00e1ith \u00f3r f\u00f3rom<\/a> estemal gor\u00ed, cek gor\u00ed farib\u00e1.<\/p>\n\n\n\n<p><strong>Rowana \u00f3ibar-Age Entezam \u00f3kkol ar ekk\u00e1n Zait\u00f3kiyot \u00f3ibar Dec\u00f3t S\u00f3for gor\u00f3on<\/strong><\/p>\n\n\n\n<p>Wabar zoriya, bec\u00ed dec \u00f3kkol \u00e9, s\u00f3for gor\u00f3on \u00f3t pabondi lagat as\u2019\u00e9, bidec\u00e9itta \u00f3kkol \u00f3r g\u00f3loon \u00f3re homai fari bell\u00e1. Ar\u00f3, dec \u00f3kkol \u00e9 KOV\u00cdD-19 \u00f3r wabar h\u00f3tara r\u00e9 so\u00f3\u00f1l\u00ed zaibell\u00e1 dec\u00f3t g\u00f3libell\u00e1 agott\u00fa batt\u00ed daktori cek or karuwai \u00f3kkol th\u00edk g\u00f3ri raikk\u00e9. Ze\u00e9\u00f1tt\u00e9 kess\u00fa t\u00fara gos\u00ed luwa giy\u00e9de ref\u00faji \u00f3kkol \u00e9 zai t\u00f3kiyot \u00f3ibou de dec\u00f3r uzu s\u00f3for gor\u00ed faijj\u00edil, eh\u00f3n h\u00e9\u00e7e duniai beggw\u00e1 rowana goitt\u00e9 deri \u00f3or. Ref\u00faji gos\u00e9de dec \u00f3kkol \u00e9 ref\u00faji loibell\u00e1 wada di raikk\u00e9 ar yi\u00e1n ac\u00e1 gor\u00e1 zadde ki alomi s\u00f3for \u00f3re aste-aste waba homi l\u00e9 aste-aste wapes c\u00faru gorib\u00f3u.<\/p>\n\n\n\n<p>International Organization for Migration (IOM) e rowanar-age zoruri entezam \u00f3kkol \u00f3re gor\u00e9, gos\u00ed luwa giy\u00e9de ref\u00faji \u00f3kkol oll\u00e1 zai t\u00f3kiyot \u00f3ibou d\u00e9 dec\u00f3r uzu s\u00f3for \u00f3kkol \u00f3r, ros\u00f3m c\u00edkib\u00e1r kel\u00e1s ar daktori cek or uddw\u00e1 entezam gor\u00e9. Zodi tu\u00e1\u00f1re ekk\u00e1n ref\u00faji gos\u00e9de dec\u00f3r torfott\u00fa gos\u00ed luwa giy\u00e9de \u00f3ile, IOM e tu\u00e1\u00f1re s\u00f3for \u00f3r ic\u00e1ra red\u00ed \u00f3ile zukazuk gor\u00ed aib\u00f3u. Zodi tu\u00e1\u00f1re bidec zai t\u00f3kiyot \u00f3ibell\u00e1 gos\u00ed luwa giy\u00e9de \u00f3ile, ar tu\u00e1\u00f1rtt\u00fa rowanar-age y\u00e1to s\u00f3for \u00f3r entezamor baabote ekk\u00e1n s\u00faal t\u00e1kedde \u00f3ile, tu\u00fa\u00f1i Kuala Lumpur or IOM or\u00e9 i<a rel=\"noreferrer noopener\" href=\"mailto:iomkulinq@iom.int\" target=\"_blank\">omkulinq@iom.int<\/a> y\u00e1to <a rel=\"noreferrer noopener\" href=\"tel:+6039235540\" target=\"_blank\">+603 923 5540<\/a> nomb\u00f3r \u00f3t zukazuk gor\u00ed farib\u00e1.<\/p>\n\n\n\n<hr class=\"wp-block-separator\"\/>\n\n\n\n<div style=\"height:25px\" aria-hidden=\"true\" class=\"wp-block-spacer\"><\/div>\n\n\n\n<p class=\"has-white-color has-vivid-red-background-color has-text-color has-background\"><strong>Me\u00e9rbanigor\u00ed, zodi tu\u00e1\u00f1r F\u00fan Nomb\u00f3r y\u00e1to Th\u00edkana bodolil\u00e9, UNHCR or\u00e9 zanai diyo.<\/strong><\/p>\n\n\n\n<div style=\"height:25px\" aria-hidden=\"true\" class=\"wp-block-spacer\"><\/div>\n\n\n\n<p>Ze\u00e9\u00f1tt\u00e9 tu\u00fa\u00f1i <a rel=\"noreferrer noopener\" href=\"https:\/\/refugeemalaysia.org\/rh\/support\/phone-number\/\" target=\"_blank\">tu\u00e1\u00f1r f\u00fan nomb\u00f3r y\u00e1to th\u00edkana bodolib\u00e1<\/a>, UNHCR or\u00e9 zanai t\u00e9 fo\u00f3rai nof\u00e9laiy\u00f3. Yi\u00e1n \u00e9 UNHCR or\u00e9 tu\u00e1\u00f1r ha\u00f1s\u00e9 lagede wokt\u00f3t fo\u00f3\u00f1sibell\u00e1 ar ar\u00f3 deri no\u00f3iyor\u00e9 h\u00e1wala goijj\u00e9 d\u00e9 keis \u00f3kkol \u00f3re karuwai goribell\u00e1 ejazot dibou.<\/p>\n\n\n\n<p class=\"has-white-color has-vivid-red-background-color has-text-color has-background\"><strong>DORHARI: UNHCR \u00f3r kh\u00e9dmot begg\u00fan maana-motth\u00f3, f\u00e9ri.<\/strong><\/p>\n\n\n\n<div style=\"height:25px\" aria-hidden=\"true\" class=\"wp-block-spacer\"><\/div>\n\n\n\n<p>UNHCR y\u00e1to \u00edbar s\u00e1a\u00f1ti \u00f3kkol \u00e9 dede modot ar kh\u00e9dmot \u00f3kkol, bidec zait\u00f3kiyot \u00f3i faribell\u00e1 uddw\u00e1, tu\u00e1\u00f1re hon\u00f3 man\u00faic y\u00e1to tonz\u00edim \u00e9 thi\u00f1ya foic\u00e1 dibell\u00e1 magedde \u00f3ile, bicc\u00e1ic nozaiy\u00f3. UNHCR or kh\u00e9dmot \u00f3kkol \u00f3r bodhoilla, zodi tu\u00e1\u00f1re thi\u00f1ya-foic\u00e1 y\u00e1to oinno hon\u00f3 laf \u00f3kkol, kh\u00fawaic \u00f3r dhoill\u00e1 uddw\u00e1 magedde \u00f3ile, me\u00e9rbanigor\u00ed, UNHCR or ha\u00f1s\u00e9 y\u00edan toratori zanai doo.<\/p>\n\n\n\n<p>Kuala Lumpur or UNHCR: <a rel=\"noreferrer noopener\" href=\"mailto:mlslufrd@unhcr.org\" target=\"_blank\">mlslufrd@unhcr.org<\/a><br>(IGO) Inspector General \u00f3r Of\u00eds: <a rel=\"noreferrer noopener\" href=\"mailto:inspector@unhcr.org\" target=\"_blank\">inspector@unhcr.org<\/a><br>Repouth\/nalic begg\u00fan \u00f3re surha rak\u00e1 zaib\u00f3u. Ekk\u00e1n intharn\u00e9th ott\u00fa (f\u00f3kkorai ar dh\u00fakabaz\u00edr) nalic zoma dibell\u00e1, tu\u00fa\u00f1i ar\u00f3 <a rel=\"noreferrer noopener\" href=\"https:\/\/refugeemalaysia.org\/contact\/online-complaint-form\/\" target=\"_blank\">i\u00f1y\u00f3t<\/a> \u00f3 siban mari farib\u00e1.<\/p>\n","protected":false},"excerpt":{"rendered":"<p>Kov\u00edd-19 s\u00f3roon \u00f3re bongorib\u00e1r kaanun \u00f3kkol \u00f3r zoriya, sof\u00f3r \u00f3r paabondi \u00f3kkol uddw\u00e1, bidec zait\u00f3kiyot \u00f3ibar karuwai ar dec\u00f3r ba\u00e1re neela \u00f3kkol \u00f3re duniai agagura, Malaysia&#8217;t uddw\u00e1 h\u00f3raf as\u00f3r gor\u00e1giy\u00e9. Malaysiar H\u00f3kumot \u00f3r a\u00e1m man\u00faic \u00f3r seh\u00e9t oll\u00e1 diyed\u00e9 mocuwara ar Lorasora Bongorib\u00e1r H\u00f3kum \u00f3kkol \u00f3r juab ot, UNHCR or beec h\u00edss\u00e1 kh\u00e9dmot \u00f3kkol, bidec [&hellip;]<\/p>\n","protected":false},"author":149,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_et_pb_use_builder":"off","_et_pb_old_content":"","_et_gb_content_width":"","_exactmetrics_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0,"footnotes":""},"categories":[58],"tags":[],"class_list":["post-27844","post","type-post","status-publish","format-standard","hentry","category-notices-rh"],"_links":{"self":[{"href":"https:\/\/refugeemalaysia.org\/rh\/wp-json\/wp\/v2\/posts\/27844","targetHints":{"allow":["GET"]}}],"collection":[{"href":"https:\/\/refugeemalaysia.org\/rh\/wp-json\/wp\/v2\/posts"}],"about":[{"href":"https:\/\/refugeemalaysia.org\/rh\/wp-json\/wp\/v2\/types\/post"}],"author":[{"embeddable":true,"href":"https:\/\/refugeemalaysia.org\/rh\/wp-json\/wp\/v2\/users\/149"}],"replies":[{"embeddable":true,"href":"https:\/\/refugeemalaysia.org\/rh\/wp-json\/wp\/v2\/comments?post=27844"}],"version-history":[{"count":5,"href":"https:\/\/refugeemalaysia.org\/rh\/wp-json\/wp\/v2\/posts\/27844\/revisions"}],"predecessor-version":[{"id":36285,"href":"https:\/\/refugeemalaysia.org\/rh\/wp-json\/wp\/v2\/posts\/27844\/revisions\/36285"}],"wp:attachment":[{"href":"https:\/\/refugeemalaysia.org\/rh\/wp-json\/wp\/v2\/media?parent=27844"}],"wp:term":[{"taxonomy":"category","embeddable":true,"href":"https:\/\/refugeemalaysia.org\/rh\/wp-json\/wp\/v2\/categories?post=27844"},{"taxonomy":"post_tag","embeddable":true,"href":"https:\/\/refugeemalaysia.org\/rh\/wp-json\/wp\/v2\/tags?post=27844"}],"curies":[{"name":"wp","href":"https:\/\/api.w.org\/{rel}","templated":true}]}}