pixel

UHNCR tawh Minkhumna

Galtaigambelte leh Gambelh theih na’ng asiaute. Malaysia ah aom Gambel theih nading asiaute leh Galtaigambel ciapteh na’ng min kihkumna

Malaysia ah Gambel hihtheih na’ng a seplehbawlzia

Azenzen in na pianna gam pan in nong taikhiatna ahang pen nangma nuntakna ah nakpitak i lauhuaina natuahthute pen minam, biakna, gammi-hihna,kumpi kiuknatawh kisai na sanzia ahih kei leh kipawlna khat peuhpeuh ah na kipawlna hang ahi zongin, ahihkeileh gal kidona hangin, bawlsiatna ahihkeileh mihing hihna dan bangin kibawl lohna leh netniam bawlsiatna te hangin gambel na siaau thei hi.

Gambel hihtheih nading amasapen kalsuamna in minkikhumna ahi hi. Minkikhum ciaptehna pen,UNHCR te’n alunghih mawhhuai dinmun atungmi kepbit nana ah akisamna thu akiciapteh na ah hi.

Minkikhum theihna dingin, UNHCR Malaysia ah hunciamna na nanget ding kisam hi.
Hih website sung ah aom Kizopna Siauhna (Contact Form) lai zangin hunciamna ngetna mimalkim in ngenthei hi.

Ngetna na puakkhit takteh, UNHCR te’n nang na ngetna hong sapkik ding uh lungduai takin ngak in.
Hunciamna aki puak khempeuh abanban in kien dingaa, UNHCR ah hong kikhak ngetnalai tam lua mahmah ahih man in, thakhatthuin thu hong kizasak thei pahlo ding hi. Azenzen in hunciamna ngetna nakhak khit aa leh hehpihnatawh adang khakbeh nawn kei in.

UNHCR Malaysia tawh na hunciamna

Na hunciamna ni tawh kizuai UNHCR Malaysia thu hong zaksak khit ciangin akimu ding in kiging khol thei pah hi teh.

Minkikhum nading hunciamn nangah ciangingambel asiau mikhenpeuh (innkuan mimal leh adang ei tungah hong kingaa hong belte khempeuh) apai ding kisam hi.

Minkhum nabawl ciangin na thu leh na late amaan, thumaantak leh akicingin gen ding pen thupi mahmah hi.A kicinglo ahihkei leh amaanlo theihsaknate’n na thu ahoihlo lam ong piangsak khathei ding hi.

Nang tawh Malaysia ah aom na innkuanpih mimalte ahihkeileh mundang gamdang ah aom cihte akicing takin gen in. Innkuanmimalte cihciangin thukhun tawh kizuai aa ikepte ahihkeileh ei-ngeinatawh kizuai aa ikepte kihel hi. Innkuanpihte cihciangin nulehpate (suahpih ahihkeileh lungkim taka-ikep), sanggam pasalte leh sanggam numeite (nulehpa kibatpih, nukik ahihkeileh pakik ken, ikep-muaisa) tate ( ei sungpan apiang, lungkim taka-ikep, zimasa ahihkeileh pasal masa tawh neih tate ahihkeileh i naihuaipihte kihel hi.)

Min kiciamteh mimalkim in file nambat ngah ding uh hi. Zumtawh kisai maban kizopnate ah file nambat lak ding kisam hi.

UNHCR pan minkiciaptehna nangah khit ciangin UNHCR card ahihkeileh laidalthupi tungah nimit ciangtan ahing hong kipia ding hi. Hehpihna tawh na UNHCR card ahihkeileh la laidalthupi tung aa nimit asih madeuh in, athaklaihdingin (tettamtu dingin zum ah hong pai in.

UNHCR ah minmal minkikhum sepne pen leitung gambup kipawlnate kepna ahi UNHCR card piakna ahihkeileh a dang ciaptehna akituam laidalthupi tungah, hih card ahihkeileh laidalthupi ciaptehna anei atawi-pen UNHCR te kepna nuai ah om hi cihna ahi hi.

UNHCR’ theihpih ciaptehna hangin kimat kihen ding launa pan hong lungmuang zawdeuh leh a naseppih kipawlna te ahihkeileh cidam na lamtawh kisai aciangtan aa zattheina, pilna siamsinna leh a dang ahilo theilo UMHCR’ panpihna tuamtuam ngahsak hi.

UNHCR card pen UNHCR’kepbitna nuaiah a omhi cih theihpihna ding bek ah hi. Hih cardpen Malaysia kumpi’ thukhun ommah bangin gamkhat leh gamkhat thumaan aa zinkhiat theihna (passport) hi lo hi.

Bang ken kapuak ding/kaken ding kisam ahi hiam?
Hehpihna tawh nathutawh kisai laite, gamkhat leh gamkhat thumaan aa zinkhiat theihna (passports), na hihna onglak laidal, kiten ciaptehna letmat, nausuahna letmat, innkuan lai ahihkeilehhmatpongtin, galkap sepna tawh kisai lai tuamtuam, zato kilahna tawh kisai lai tuamtuam, ni dangin gam mundang pan UNHCR zum. UNRWA zum ahihkeileh gamdang kumpi ciaptehna nabawl leh a laite hong tawi in.

Hehpihna tawh UNHCR-pan ong kipia lai ID card,”hong kingaihsut saklaitak” lai, hunciamna(appointment) card, leh na laidal tungah niciamna nimit aom hunciamna ong pua in. Mundang UNHCR zum pan nangah laidalthupi te zong Malaysia ah nalah ding kisam hi.

Galtaigambel dinmum khensatna (RSD) maikingat-a thu kidotna pen atuam vilvel thubulpi pawl khat zui ahi kepbitna ding akisap na thute tawh kizuai in kisaen ding hi. Azenzen in akician zaw vuicingtak in RSD thudot na naneih ding leh UNHCR pan ngaigsut piakna (acian-piakna) hong nei ding hu hi.

Innkuan sung ah upa kum acingsa mimalte kamdotna hong nei ding hu hi. Hehpihna tawh nanget na siauhna tawh kisai hi mah hi ci-a nalah theih ding laithupite napiak nalahding leh nang tawh aomkhawm na innkuampinte UNHCR ah gen in.

Nang maa kampau zang in kamdot nate ah zat ding thuneina nanei hi. Azenzen in kampehdan na ciatkei a leh, UNHCR’ kamdotna ah Thunei (Officer) tung ah gen hamtang in.

UNHCRte’ abawl sepdan dingte thukham tawh kisai athei te’n nang onh huhthei ding uh hi.Asylum Access kipawlna te’n galtaigambelte thumaan tawh apanpihte ahi uh hi. Anaupanpihna ngetna dingin, malausia@asylumaccess.org te’n nang ma kampau zangin na pianna gam naciahkik theihlohna ahangte leh thumaan thutak in amau huhnate naki sap na email khak thei hi teh.

Galtaigambel kahihtheih nading dinmun khensatna bangtan vei-sawt ding ahi hiam?

Hihpen nathangthu pianzia tawh kisai dinga, tangthu khat khit khat tungah a thu zuai-in ki ngaihsun hi. Ahizongin, ngetnalai tampi ki khia ahih manin zum aa te’n niciam hunsehna abawl asep na uh ahihkeileh rizalh (result) nangah nading pen akha akha bangin ngak kul ding hi. Nong theihsiamna uh leh nalungduai nate uh hang in kalung hu dam hi.

Azenzen in khensatna masa pen-ah kei galtaigambel khat in gonh ki sangzo kei leh bang ka cihtam?

RSD kamdot naman khitteh adeih huailo masa pen sanzawhlohna nolhna-lai hong kipiak leh ni 30 sungin nathu nalate hong ngaih sutsak kik nading un thumna-lai na khakkik theih nading thu neihna nang na nei hi. Thumna-lai na khakkik khit ciangin, UNHCR thunei (officer) nang thu hong dong pen bek hilo a dangkhat in zong na thute akikoih khopna (file) enkik ding hi.

Azenzen in amasa pen kamdotna nagualzawh aleh, nang pen galtaigambel in hong kiciamteh ding hi. Azenzen in amasa khensatna pen aki-kip sak aleh nathu teng a kikhol khopna (file) kikhak ding hi.

Aki dong thei zelzel dotnate

Gambelmi akici-pen bang a hiam?

Malaysia ahong lua dingin munah om ahihkeileh a hongtun khit ciangin a pianna gam aciah kik ngamlo na thu aa pulaak khia-mi pen gambel siaumi kici hi. Gambel asiaumi khat in UNHCR te’n gambel siaumi khat in a ciapteh thei na dingin gambel siauhna thu aki cing ding kisam hi.

Gambel asiau min kikhum khat pen, gambelmi hi-maw hi-lon cih sittelna nasep ziate tawh kizui in khentatna kinei ding hi.Gam khat i thukhun palsatna tawh kizuai in, UNHCR te’n kuate gambel hi ci-a ciapteh theih na ding un 1951kum Galtaigambelte Dinmun thuzuaih leh Khawmpi tung ah aituam Thuneihna tawh kizuai in Galtaigambel mi din mun ki-sit in ki ciamteh hi.

Galtaigambel akici-pen bang a hiam?

Galtaigambel mikhat i cihciangin tualgai, thatangzangin ngongtatna, ahihkeileh minam hang, biakna hang, gammihihna hang, gamki-ukna thu-ah muhzia sanzia hang, aituam kipawlna khat ah kipawlna hangin zwhtawh thu tawh aom na gampan akinotkhia mi pen ahi hi. Galtaigambel khat in akiciantak in akibawlsiatna launa thu leh hihbang launa hang ih a inn aciah kikkthei nawnlo ahihkeileh aciah kikding alau minu mipa in kepbitna angah theih na ding.

Gambel asiau min kikhum khat pen, gambelmi hi-maw hi-lon cih sittelna nasep ziate tawh kizui in khentatna kinei ding hi. Gam khat i thukhun palsatna tawh kizuai in, UNHCR te’n kuate gambel hi ci-a aciapteh theih na dingun, Galtaigambel hi cia ciamtehna 1951kum Galtaigambelte Dinmun thuzuaih leh Khawmpi tung ah aituam Thuneihna tawh kizuai in Galtaigambel mi din mun ki-sit in ki ciamteh hi.

Galtaigambelte penzawhtawh thutawh agam uh ah aki ciahsak kikloh na dingin akikembit ahi hi.