Nuntak nading nasepnate

Sumtang Huhna leh Nasep na’ngmun Panpihna

Sumtang Huhna

Atuamdiak thute ah, UNHCR in amau ii kisapnate a panpih nading adang lampi a omlo amunkhempeuh ah athanem mahmah gaaltaai-gambeelte leh gambeel-asiaulai innkuante ading huntom sung sumtang ahuhthei ding, NGO nih tawh nasem khawm uh hi. Hih NGO, Tzu-Chi Foundation (TCF) leh Malaysian Relief Agency (MRA), te in tua UNHCR pan a atuamdiak innkuante ii kisapnate pen enkaak khentat in huh ding akisam penpen te sumtang tawh huhna pia in panpih uh hi.

Partner Tzu-Chi Foundation (TCF) Malaysian Relief Agency (MRA)
Areas of coverage Kuala Lumpur, Selangor, Pahang, Melaka, Negeri Sembilan, Johor Penang, Johor, Kedah, Perak, Kelantan, Terengganu, Perlis

UNHCR te in hun-sawtpi-sung panpih theilo uh hi. Sumtang tawh panpih huhna pen tawmveisung hi. Apanpihhuai innkuante in kha khat pan kha thum dong amau kisap phatdiakte anoptuam nading in huhna ngah den hi. Zatui zaha tawh kibawlnate sumtang tawh kihuh lo hi, ahih hang zatopi ahihkeileh ki at kikheei man sumbeite panpihna tawh kisai thu le la theihsaknate health services laimai ah hehpihna tawh sim in.

UNHCR in gaaltaai-gambeelte leh gambeel-asuailaite kiangpan tangtak ahihkeileh nasepkhoppihte, na asepsakte, leh gaaltaai-gambeel tawh kisai kipawlna tuamtuamte kiangpan in sumtawh kisai huhngetna ka ngah uh hi.

Innkuan khat ii sum zontheihna, amau ii kisapdiakte, innkuan mimal tamna leh kinloh phamawh dinmun cihte akihel thu le la tuamtuam tungah kinga in enkaak a, khentat nading in tua ngetnate pen sepmasak in ka nei uh hi. Ngetnae khempeuh kingaihsut kikhentat saklo hi. Azenzen a kha nih sungin ka nasep-khoppihte kiang pan thu bangmah na zak kei aleh, tua na ngetna hong ki ngaihsut khentat saklo in, sumtang tawh panpihna na ngah lo ding ci-in na ngaihsun thei hi.

Na ngetna hong ki ngaihsutsak in hong kikhenttatsak aleh TFC ahihkeileh MRA pan in hong ho ding hi. Tua ban ah amau khentatna hong bawl theihna dinga inn hawhna hong nei ding uh hi. COVID-19 honglaan zawk aleh tua khentatna tawh kisai pen innhawhna tangin phone tawh kiman sak ding hi.

TCF ahihkeileh MRA te na inn ah hong hawh dinga na nuntakzia uh leh na phuutkhak uh haksatna thutawh kisai kamdotna tomno hong nei ding uh hi. Kamdotna hong neihna tawh kisai amau khentatna thu TCF ahihkeileh MRA te in kkha khat sungin hong zasak ding uh hi. Sumtang tawh panpih na huhtaak aleh, tua sumtang huhna hong kipiak nading niciam hong kipia ding a, hong kimuhpih ding hi. Sumtang tawh panpih huhtak in hong ki muh kei aleh zong nasep-khoppihte in hong theisak ding uh hi.

Tuma siah in sumtang tawh huhna nasan ngeikhit a, ahihkeileh nidang in huhtaak lo ci-in hong kikhentat a nasiauhkik nop aleh ngetna lai athak aap kik thei hi teh. Nang ading in adang asan thamhuai hong ki khentat ngaihsutsak thei a, ahi zong in, ngaihsut khentat sakna angah nai lo gaaltaai-gambeelte leh gambeel-asuailaite kiang pan ngetnate pen huhna angah ngeikhinsate ahihkeileh nidang a ngaihsut khentatsakna angah khinte sangin kisep sak masa zaw ding hi.

Nidang in nang pen sumtang tawh panpih huailo hi ci-in hong kikhentat khinsa hi in, na nuntakzia ahihkeileh damlohna nasia zaw ahihkeileh sumlut omlo cihdan nang ii nuntakzia kikhelna lianpi cihdante a om kei aleh nang ii athak na siauhna pen hong kingaisut, khentatsak lo ding hi.

Bank Account Honna

Gaaltaai-gambeelte leh gambeel-asiaulaite ading in UNHCR in bank account honsak thei lo hi. Bank account siau dingin bankte ah gaaltaai-gambeelte leh gambeel-asiaulaite pai ngiat thei a, ahizongin tua bank ah hih anuai a laikung laidal thupite lak ding kisam hi:

  • Kha guk sang atamzaw hinna anei,kuami kuasa cih ciaptehna UNHCR laikung laidal original
  • Ih nasepna pu/pi ii theihpihna lai, hih tehkaakna dan zui in.
  • UNHCR panin panpih dinpihna lai

Bank account siauhna dingin nasepna tawhkisai theihpihna ki ngen den hi. Azenzen in tua lai na ngah theih kei aleh, adang theihpihna tawh kisai laikung laidal na piak theih ding tua bank kee tawh na kikup ding kisam hi.

Bank khempeuh in gaaltaai-gambeelte leh gambeel-asiaulaite bank account honsak phallo ding uh hi, ahizongin CIMB Bank leh Public Bank in gaaltaai-gambeel mimalsimte ii ngetnate hong ngaihsut sak ding uh hi. Na nasepna pu/pi ii a bank account honna bank kee , ahihkeileh na inn ahihkeileh na nasepna mun tawh aki nai pen bank kee khat ah na pai ding kisam hi. Na siauhna hong sang ding bank kee zong inla, asung lut in vaimuakna counter ah na dot ding kisam ding hi.

Na siauhna hong ki san ding leh hong kinial ding pen tua na siauhna bank kee tungah ki nga hi. Hih tawh kisai sep le bawlvai ah UNHCR in hong panpih thei lo hi. Bank kee khat in na siauhna hong nial aleh, adang bank kee khat ah pai ding na ngaihsun thei hi, ahihkeileh bank-ahilo sum tawhkisai sep leh bawl apanpih cihdante teel in na ngaihsun thei hi. E-wallet leh VISA ahihkeileh Mastercard sumpiak kholhna card cih dante abawl asepsak Malaysia Bank Phualpi (BNM) pan in alet ahi bank-ahilo sum tawhkisai sep leh bawl vai apanpih tampi om hi.

Hehpihna tawh hih ngetnalai tungah kisam teng gelh in Bank account hong ding deihna tawh UNHCRte ii theihpihna lai na ngetnop a, ahihkeileh nang pen bank account anei khinsa hi in, tua bank tawhkisai vai siansak nading UNHCR ii panpih na’ng na nget aleh, hehpihna tawh tua bank kee tawh kizopna theihhuai thu le la, bank na sem ii min leh email leihsa cihdante ngetna lai ah hong gelh in.

Nasepna-mun Buainate

UNHCR in nasepna mun ahihkeileh nasepna tawhkisai kiseelna cihdante: ah mimalsim a panpih theih nading in nasep-khoppihte tawh vaihawm uh hi.
  • Nasepsa thaman na nasepna pu/pi hong pia lo
  • Na khasum kilawm kituak lopi a na nasepna pu/pi in hong tan
  • Paulap ahang kician omlo pi a na nasepna pu/pi in nasep hong khawlsak
  • Na sepna na pu/pi in pumpi taksa ahihkeileh lungsim lamtawh kisai simmawh zawhthawh bawl
  • Na nasepna pu/pi in na UNHCR laikung laidal, neihsa vante kem in hong piak kik nuamlo

Azenzen in na nasepna mun ah hidan buainate na tuahkhak a, nasepna tawhkisai thuvai acian piakna na nget nop leh anuai a sep leh bawlvai apanpihte kiangah na pai thei hi:

Contact
Services
Asylum Access
Address: No.18-B (2nd Floor), Jalan Bangsar, 59200, Kuala Lumpur, Malaysia

Email: malaysia@asylumaccess.org

Hotlines: +60322015438 / +60322015439 / +60172094059 (WhatsApp)

Operating Hours: 9:00am-3:00pm, Monday to Friday

Legal advice on employment disputes, legal assistance on employment disputes. An online form to report employment dispute to Asylum Access Malaysia can be accessed here.
Tenaganita
Email: general@tenaganita.net

24-hour Hotline: +6012 335 0512 / +6012 339 5350

Case management, legal aid services

Na nasepna pu/pi na tungah khutkhial in hong liamsak aleh, polikte kiangah thupuak nabawl ding hong ki hanthawn hi. Na nasepna phual ah numei-pasal hihna bulphuh a ngawngtatna na tuahkhak aleh, aki ngahtheipanpih huhna tawh kisai numei-pasal hihna bulphuh a ngawnghtatna(gender-based violence) laimai hehpihna tawh sim in.

A hong sepsak hong panpih khat kiangah nathu natut aleh nasepna tawhkisai theihhuai thu le late pia thei in hi le cin, amau ading in phatuamna om ding hi.

  • Nasep vaipuakte
  • Minkhumna kibawlsa Company/sumbawlna min
  • Nasepna pu/pi ii min leh kizopna nambat
  • Nasepna-phual omna mun
  • Nasep kipat ni leh khawl nite
  • Kalkhat a nasep nai phazah leh khakhat na sepkhawl ni phazah
  • Khasum ngahzah leh hunval nasepman hong piakzia
  • Company sungah nasem mi phazah

Na nasepna tawhkisai laikung laidal cihdan pepeuh pen na kep dingzong kisam hi:

  • Nasepna tawhkisai ki thukimna
  • Khasum ngahna-laidal neute
  • Puaisate tawh ki thukimna
  • Nasephun ciaptehna card

Sumbawlna dinga Theihuai thu le late

Malaysia sunga om Sumbawlnate in kuami kuasa cih ciaptehna UNHCR laikung laidalte pen nasep theihna in kimang/kimanglo cih dong zeel uh hi. Kuami kuasa cih ciaptehna UNHCR laikung laidalte manna leh ngiimna pen khat bek hi: gaaltaai-gambeel khat leh gambeel-asiaulai khat ii gam tuamtuam tawhkisai kikep kidaal nading a, akisam theihpih nading ahihkeileh amau ii suahtakna ahihkeileh anuntakna uh alipkhaphuai in, a pianna gam ah atuahkik loh nading kidaalna ahi hi. Kuami kuasa cih ciaptehna UNHCR laikung laidalte pen hawltheih van khat hawltheihna lai, khualzinna laikung laidal, ahihkeileh nasep vaipuak tawh teen khuan ahihkeileh nasep phalna in kimang lo hi. Amaute in zong atawi nu/pa pen thukhun pan in suahtakna ngahsak lo uh hi.

Kuami kuasa cih ciaptehna UNHCR card pen UNHCR Verify Plus mobile application a download akua mapeuh in tuatawh dikmaw diklo cih sittel thei hi, anuai kalsuanziate pan in:

  • Google Play Store ahihkeileh Apple App Store sungah“UNHCR Verify Plus” zong inla download in.
  • Tua application sungah na email leihsa tawh lut in
  • Khutsunga om aki muthei UNHCR card tunga akilak QR code lam camera ngat in ( scan tawh copy akibawlte ahihkei leh kuami kuasa cih ciaptehna UNHCR card copy te pen scan bawlna ahihkeileh copy bawlna ahoih leh ahoih lohna tungah ki nga in na hong sem thei lo ding hi.
  • Tua application tunga akilak theihhuai thukhempeuh pen kuami kuasa cih ciaptehna UNHCR card tunga om theihhuai thukhempeuhte ki bang maw ki bang lo cih sittel in.

Verify Plus application zatna tawh Kuami kuasa cih ciaptehna UNHCR laikung laidalte pen dikmaw diklo kisittel thei bek hi. UNHCR mimalsim ii kuami kuasa cih ciaptehna laikung laidalte pen UNHCR in atuam in sittel thei lo uh hi.