Hrawkhrol khuakhannak in i ral ring FAQ

Lih le hrawkhrol in tangka hal, a si loah a dang thil hnatlakpinak , kokek nupa lei sualnak telh in, riantuan piaknak caah thil i thlen nawn, ramtthumnak lei kalnak, zungluh mincazin khumhnak, tangka lei bawmh chanhnak, UNHCR card/catlap, a si lo ah ralzam sinak ah cu cu ka si tiah chimmi tialpiak hna hi an si. Facebook, YouTube, a si lo ah WhatsApp telh in phone a si lo ah media, tiangin mi pakhat nih na sin ah cohlan dingah chimh na tawng kho. UNHCR rian tuannak ah Tangka a si ah siseh a si lo ah thildang hnatlak pinak siseh an in hal a si ahcun, hi hi lih a si.

A caan ahcun mi hlen a hmang hi nan zumhkhawhnak dingah UNHCR rian tuanmi bantukin ai um ter lai. UNHCR he pehtlaihnak an ngeihmi na zumh khawhnak ding caah thawngpang zawng an in chimh khawh.

Hi bantuk in lih bia an chim tu hna cu nangmah dirhmun kha caan tha lak an i timh ruangah ah a si. Hrial hna law zum hna hlah. Mah hna cu na tangka hnu dawitu menmen an si. Ralringte le fimte in um law i hlenter hna hlah.

UNHCR le a riantuan ti hawi hna riantuanpiaknak vialte le bawmhnak hna hi man lo an si ti rak thei peng.

Na pumpak konglam le card/catlap hna, na passport telh in, certificate a si lo ah UNHCR in na hmuhmi card/catlap siseh UNHCR le a riantuan tti hawi sin dah ti lo a ho sin hmanh ah va pe chin hna hlah.

UNHCR le a riantuan tti hawi hna riantuannak le bawmhchanhnak vialte cu man lo a si. UNHCR riantuannak ah tangka an hal tu mizei bu-tlang mizei bantuk hmanh rak zum hna hlah.

Tangka hal, a si loah a dang thil hnatlakpinak , kokek nupa lei sualnak telh in, UNHCR riantuan piaknak caah thil i thlen nawn, an tuahtu a ho hmanh zum hna hlah cun UNHCR ah report rak tuah cawlh.

UNHCR ah a dik lomi thawngpang pek hi lih a si. UNHCR ah thawngpang tlamtling le a dikmi rak pe zungzal.

UNHCR hlen timphun in thawngpang merh a si loah thuh piak telh in a dikmi thawngpang pek na tlolh a si ahcun a tang lei thil hna hi na cungah a tlung kho:

• Kilhimnak tangah nai tlak lo kho men, caan sua a nguhmi bawmhchanhnak hna, tangka bawmhnak telh in a si lo ah ramthumnak lei kalnak;
• Lih i Sual puhnak paohpaoh cu philh lo dingin na fial ah chiah a si lai ;
• Lih le hrawkhrolnak dothlatnak an tuah chung ahhin na case hi a khul a nuar lai, cun caan chungah a tang lai.
• Na file chungah lih le hrakhrawlnak chiahmi paoh cu ramthumnak zawngah pekchin a si lai; a sual ko tiah puhdah na si ahcun, thil a ummi he aa tlak in nawl ngeitu hna sin ah report tuah khawh a si.

Ralzam a si lo ah a dang lih le hrawkhrol a tuahtu hna kong ah lung tlin lonak a um ahcun Refugee Malaysia online lih le hrawkhrol le eihmuarnak complaints form hika ahhin a si lo ah mlslufrd@unhcr.org. mail in nan rak kuat khawh.

UNHCR riantuantu a si lo ah UNHCR riantuan tti hawi a si lo ah contactors hna nih ning cang lo tukin an in ti a si ahcun, UNHCR’s Inspector-General’s Office (IGO) at its headquarters a rannak in report tuah khawh a si:

Email: inspector@unhcr.org
Online: IGO Online Complaint Form
Mail: UNHCR, 94 Rue de Montbrillant, 1202 Geneva, Switzerland

IGO report tuahmi paoh hi zeidah a cang lai timi thawngpang tam deuh theih na du ahcun hika ahhin hmet.

Lih le hrawkhrol report na tuah tikah a si khawh chung tamin theihternak na pek a herh lai. A ho nihdah lih le hrawkhrol cu a tuah, zei tikah khuaka hmunhma ahdah a tuah, zei tindah hi lih le hlennak an tuah hi na theih khawh, ti le zei bantuk phun lih le hlennak dah a si, timi a konglam fiang tein na telh chih lai. Thil fiang tein fianhternak in a bawmchan kho tu ding pakhat khat , mihmuh kut tongh in na theih ning he pehtlai in, a si lo ah a dang konglam fiang tein na telh chih lai.

UNHCR nihhin lung i tlinh lonak theihternak an tuah mi paoh hi a biapi tukmi ah a chiah i pakhat hnu pakhat in hnu zulh dawinak a tuah peng. Pehtlaihnak tuahmi vialte hi UNHCR biathli thup ah a chiah ti rak thei. Theihternak na tuahnak nih UNHCR i na case zeihmanh an canter lai lo. Lungtlin lonak theihternak na tuahmi ah, zaangfahnak in thil a si taktakmi na theihmi kha fianhter hna. Pehtlaihnak a dihumnak in na kan pek a si ahcun, lungtlin lonak theihternan na tuahmi cu kan rak zulhdawi lai.

Lungtlin lonak theihternak na tuah mi hi biathli ah kan chiah khawh.