August 28, 2025 ah, UNHCR Malaysia nih Ralzam Ngandamnak he aa pehtlaimi hna i bawmhnak tonnak a tuah, Ngandamnak Zung, pumpak le cozah ngandamnak zohkhenhnak a petu, NGO, sianginn le ralzam aiawhtu hna in palai 100 leng an i pum
The meeting aimed to strengthen collaboration and improve access to healthcare for refugees and asylum-seekers in Malaysia. A biapi bikmi hna cu:
- UNHCR Malaysia Aiawhtu Louise Aubin nih ralzam hna, a bik in Myanmar ram thil sining ruangah inn le lo a chuahtakmi hna caah a rannak in ngandamnak lei ah an herhmi kong kha biapi in a chim. Dornak caah phungning tein tuahmi a um lo nain , malaysia nih a tu ah ralzam le dornak kawlmi 200,000 leng a cohlan hna .
- Ralzam Ruahnak Petu Bu chungtel Simin Azarmehr nih aa telmi vialte cungah lunglawmhnak bia a chim i aa telmi ngandamnak zohkhenhnak a biapitnak kong a chim. Ngandamnak zohkhenhnak in ralzam pawl hrialnak nih mipi ngandamnak zong a hrawh khawh, zeicahtiah thlopbul lomi zawtnak asiloah khamnak sii chunh lomi nih zawtnak karhternak a chuahter khawh tiah a ti.
- UNHCR Malaysia ah mipi Ngandamnak/Zapi Hramthawknak Kilvennak Lutlai Dr. Susheela Balasundaram nih a kal cuahmahmi ngandamnak kong he pehtlai in thawngpang thar a pek hna i ralzam hna nih ngandamnak, himnak le upatnak he nunnak an ngeih khawhnak hnga riantuan tti dingin hawikom pawl a sawm hna.
- Qualitas Health Malaysia, Klinik Amal Muhajir, Malaysian Relief Agency (MRA), Taiwan Buddhist Tzu Chi Foundation Malaysia, Médecins Sans Frontières (MSF) le a dangdang hna telh in pumpak riantuannak le NGO hawikom vialte nih ralzaam le dornak a kawlmi hna nih an umnak hmun ah thlopbulnak an hmuh khawhnak hnga an riantuannak le an i zuamnak kong an chim.
Organon Malaysia
,nu ngandamnak ah aa hngatmi ngandamnak lei company le puai a bawmtu bik nih, nu ngandamnak le chungkhar tthatnak tthanchoternak ah chungkhar timhtuahnak a biapitnak kha a langhter.
https://www.organon.com/malaysia/ Implanon bantuk caan saupi rian a ttuanmi nau khamnak sii hna i an ṭhatnak kong kha an fianter, cu hna cu a him, a ṭha i a fawi. Organon nih cun nu pawl nih an hrinnak ngandamnak kongah theihhngalhmi thimnak an tuah khawh nakhnga ruahnak cheuhnak ttha, a tthatlonak tawlrelnak le theihhngalhternak tuah a herhnak zong a langhter.
United Nations Population Fund (UNFPA) nih 2025 June thla ah tuahmi ruahnak cheuhnak in Myanmar ralzaam hna lakah Nupa Sinak le Hrinnak Ngandamnak (SRH) le Nu le Pa Hramhram in Thahnawnnak (GBV) kong he pehtlai in a biapi mi hmuhmi le a phichuak pawl a hrawmh hna. Harnak nganbik hna cu nunphung phunglam, SRH riantuannak hmuh khawhmi kong theihhngalhnak tlawm, thlopbulnak man sang, cawlcanghnak khamnak, GBV in a luatmi hna lak ah tihphannak, riantuannak hmuh khawhnak tlawm, le zatlang riantuantu hna lak ah lungdonghnak hna an si.
Hi thil sining hna hi tawlrel awkah, ruahnak cheuhnak ah aa telmi hna nih theihhngalhnak karhter, pa pawl i telnak karhter, thlopnak le kuatnak lam kha tlukruannak tuah, le fahnak kong he pehtlai in zohkhenhnak tuah ding in an chuahpi. UNHCR nih Malaysia ram ah a nungmi hna caah a um cangmi GBV kuatnak lam le bawmhnak riantuannak hna zong aa telmi hna kha a theihter hna.
Allianz nih ralzam hna caah man fawi tein sii lei bawmhnak a pekmi Ralzaam Sii lei Insurance Program (REMEDI) kong he pehtlai in tonnak cu a dong. Aa telmi hna nih riantuan ttinak harnak, phaisa hmuhnak a tlawmmi le a fekmi riantuan ttinak a herhnak kong an ceih. Sizung zohkhenhnak caah REMEDI hmuh khawhnak ah harnak le mipi theihhngalh lonak kongah lungretheihnak an langhter. Aa pummi hna nih min cazin karhternak caah mipi campaign tam deuh tuah ding in ruahnak an cheuh. Na hawi (Partners) pawl nih REMEDI nih a huapmi kong theihthiamnak tthanchoter a herhnak kong zong an langhter i pumpak riantuannak ah aa telmi hna nih a tu ah huapmi a si lomi lungthin lei ngandamnak zawtnak tibantuk thil sining hna telh khawhnak lam kawl ding in ruahnak an cheuh hna.
UNHCR nih mipi ngandamnak lei riantuantu vialte karlak ah riantuan ttinak a herh tiah a chim tthan. Thawngpang le thilri pawl fonh nih aa khatmi hrial khawhnak a bawmh i riantuannak a tlawmmi kha a tlingter. UNHCR nih ralzaam ngandamnak caah pehzulh tein an i pekchanhnak cungah aa telmi vialte cungah lawmhnak a chim i pehzulh tein riantuan tti ding in aa ruahchan.