UNHCR nih UNHCR kalning ah luh khawhnak nawl ka pek khawh tiah aa timi Rohingya pumpak pakhat nih UNHCR logo hmang in WhatsApp group le channel thar a dirh tiah UNHCR nih thawngpang a hmuh. Hihi UNHCR kalning ah luh khawhnak nawl ka pek khawh tiah a timi YouTube ah video a tarmi pa he aa khat (Beware of Scam: Rohingya YouTuber).
Mahhi hi a hrokhrawlmi khuakhannak a si. Cu pumpak pakhat cu UNHCR riantuantu a si lo. UNHCR he pehtlaihnak a ngei lo. UNHCR card/catlap pek khawhnak nawl a si lo ah a ho sin hmanh ah pumpak konglam halnak a si loah nawl ngeihnak a ngeimi asi lo.
UNHCR nih tangka zei hmant ah a hal bal lo ti zaangfahnak in rak thei. UNHCR cazin hmuhnak, UNHCR kalning luh khawhnak asiloah tangka hmuhnak ah na case rang deuh in tuah khawhnak ah kan in bawmh khawh tiah a timi pumpak hna kha ralring tein um. Nangmah na konglam le na pumnak sining kha hi bantuk mi hrokhrawl sin i chim chin dingah i ralring.
UNHCR riantuannak (UNCHR card/catlap, zungluhnak, RSD, ram thumnak lei kalnak le a dangdang) kongah phaisa na ka pek ahcun kan bawmh khawh tiah a chimmi na theih hna ahcun, hika ah na report lai:
- Palik CCID Scam Response Center ah 03-26101559 asiloah 03-26101599 ah chawn
- Mahhi form hmang in UNHCR sinah
Hibantuk phaisa halnak kong he pehtlai in lunghrinhmi na ngeih i UNHCR ah report na tuah ruangah na UNHCR card chuh na si lai lo, na case zong a fumhter lai lo i na case zong phihpiak na si lai lo.
UNHCR riantuan ningcang le bawmhnak kong hna ah tamdeuh theih na duh ahcun Refugee MAalsyai website ah hin zoh le rel khawh a si.
