Harnak Timhtuahnak
Malaysia cu tilian, thlichia, vawlei cimh, linh, le tihnung a tong chin lengmang. Tilian cu a tam bik rawhralnak a si, khuacaan thlennak nih ruahti a sur ning a thlen caah a tam deuh i a fak deuh, cu nih cun ruah tam deuh a surter.
Harnak ton tikah timhcia tein umnak nih nunnak a khamh khawh, na chungkhar a huhphenh khawh, cun emergency caan ah ṭihphannak a zorter khawh. Hngalh pengnak le zumhawktlak rawhralnak timhtuahnak thawngpang zulhnak thawngin, nangmah le na dawtmi hna kilvennak caah a biapi mi kehlan na lak.
Harnak a chuah hlan, a chuah lio le a ton hnu ah zeidah tuah ding a si ti hngalhnak nih rang tein le him tein thil tuah awkah aan bawmh. Na thin a phang a hau lo—timhcia tein um cu zumhnak a chuahpi. Khuachung hruaitu hna le zumhawktlakmi hna sin in thawngpang thar kha zul law timhcia tein le theihhngalhnak na ngeih khawh lai. Hi thawngpang hi na khuachung midang sinah hrawm hna, zeicahtiah kan lak i pakhat nih timhcia tein a um tikah, kan dihlak in kan him deuh. Timhtuahnak cu i hrawmmi rian a si.
Aa pehtlaimi thilri
Disaster and Weather Information Sources (Malaysia)
MET Malaysia (Malaysia Khuacaan Zohkhenhnak Zung)
MET Malaysia nih khuacaan chimchungnak, khuacaan thlennak, le tilian asiloah thlichia tibantuk rawhralnak ralrin peknak a pek hna i minung, thilri kilvennak le ram pumpi timhtuahnak bawmhchanhnak caah a si.
NADMA (Ramchung Harnak Zohkhenhnak Zung)
NADMA nih mipi timhtuahnak le theihhngalhnak karhternak caah a website, Facebook, le TikTok hmangin rawhralnak ralrin peknak, himnak kong ruahnak cheuhnak, lehnak thawngpang thar le fimcawnnak konglam pawl a hrawmh hna.
A dang a biapimi hmunhma hna
Tilian kong theihternak Portal
Malaysia’s Flood Information Portal nih ruahsurnak, tiva ti, tilian ralrin peknak, lam kharnak kong he pehtlai in a caan hmaan tein thawngpang a pek hna, cun mipi nih tilian kong report le zohkhenhnak nawl a pek hna.
JKR (Mipi Riantuannak Zung)
GIS (Geographic Information System) thiamnak hmangin mipi le nawlngeitu hna nih tilian, vawlei cimh, a rawhmi lam le tlanglawng lam tibantuk rawhralnak hna kha zohkhenh khawhnak ding caah caan hmaan tein map le thawngpang a pek hna. Hmantu hna nih zei lam dah khar a si ti kha an hmuh khawh, rawhralnak a fah ning kha an zoh khawh, cun khualtlawnnak caah a himmi lam dang an hmuh khawh.
Miphun Zaangfahnak Zung (JKM)
InfoBencanaJKM cu Social Welfare Department i rawhralnak portal le app a si i bawmhnak hmun (PPS), rawhralnak phun (e.g., meikang, tilian) in harnak a tongmi chungkhar le harnak a tongmi hna kong he pehtlai in a caan te ah data a pek hna, ram pumpi map le zatlang cazin he.