Nunphung cawnnak

Nunphung a biapi nak

Malaysia cu amah tein holh, nunphung, phunglam le upadi a ngeimi ram pakhat a si. Malaysia ram ah ralzam le dornak kawlmi hna cu hnulei sining aa dangmi an si i a tam deuh cu Malaysia mi nakin holh aa dangmi an hman, biaknak, nunphung, phunglam le upadi aa dangmi an hman. Caan tampi ahcun, an chuahkehnak ram ah an tonmi hremnak le a naihmi fahnak ruangah, dornak ram nunphung, phunglam le upadi hngalhthiamnak le cawnnak caan ngei loin a rannak in zam a hau tawn.

Malaysia ram ah um lio ah, ralzaam le dornak a kawlmi hna caah Malaysia nunphung, phunglam le upadi cawn a biapi. Mah nih hin pakhat le pakhat i upatnak a chuahter i ralzam le dornak kawlmi le khuami karlak ah theihthiam lonak a hrial. Transit ram chung i nunphung, biaknak, phunglam le upadi dang hna hngalhthiamnak nih ram dang hna i fonhnak kalning zong a bawmh khawh i a fawiter khawh.

The Module (Cawnnak )
UNHCR Malaysia nih ralzam le dornak a kawlmi hna nih Malaysia nunphung, phunglam, le upadi hngalhthiamnak caah lamhruainak caah Cultural Orientation Module (cawnnak) cu a ser. Mah module nih hin ralzam le dornak kawlmi hna caah a herhmi le aa pehtlaimi a hrampi thawngpang a huap. Cawnpiaktu hna lamhruainak caah a dang thilri he suaimi a konglam 9 a um cang. Module cheukhat cu UNHCR hawikom, cozah si lomi bu (NGO), sianginn, le Malaysia ram chung i a dang pehtlaihnak a ngeimi hna he i bawm in sermi an si. A konglam vialte chung i a ummi cu Malaysia um ralzaam vialte caah aa tlak i a chimtu slide pakhat cio ah a chimtu lamhruaitu ding caah cazin aa tel.