Kheemnate Kidawm in FAQ

Mikheem zulhtatte in gampeemna, minkhumna, sumtang panpihna, UNHCR laikung-laidalte ahihkeileh gaaltai ngetnate tawhkisai in sepsak manh, sum, ahihkeileh adeihhuainate, numei pasal utna cihte ngen uh hi. Tua hemgeennate pen ami mahmah in phone, ahihkeileh social media ahi Facebook, YouTube, ahihkeileh WhatsApp tungtawn in natung ah hong nei ding hi. UNHCR nasep silbawlna dingin sum leh adeihhuai nakhatpeuh hong ki nget leh hih pen zuauphuahna ahi hi.

Khatveivei ciangin mikheem-zulhtatte in na muanna angahna dingin UNHCR taangmi hong kineih ding uh hi. Amau pen UNHCR tawh akizom cih na uptheihna dingin theihhuai thule la hong zolna in hong lak ding hi.

Hidan zuau hong gen mite in nang ii dinmun pen hamphatna in hong laksak hi. Amaute um kei inla pelh in. Tuate in na sum hong dawp nuam bek hi. Kidawm inla kikheemsak kei in.

NHCR leh akikoppihte ie hong piak panpih nasepna khempeuh pen manh kilalo a, akhawnkhong ahih lam atawntung in ciamteh in.

UNHCR leh UNHCR te ii nasep khoppihte kiangpan na ngah laikung-laidalte ahihkeileh na passport, na laikung-laidalte akipan nang mimal thule late kuama kiangah hawmsawn kei in.

UNHCR leh a nasepkhoppihte ii hongsepsak leh hong panpihna khempeuh pen man piak kullo a, akhawnkhong hi. UNHCR te ii hongsepsak nate ah sum piak ding hong ngen mikhat peuh ahihkeileh kipawlna khatpeuh muangkha kei in.

UNHCR te ii hongsepsak nakhatpeuh ading in sum, adeihhuaina khatpeuh leh numei-pasal utna hong ngen mi khatpeuh umkha kei inla, UNHCR ah thulawt pah in.

UNHCR ah amanlo thule la piakna pen zuauphuahna hi. UNHCR ah thule la aman leh akicing na piak den ding kisam hi.

UNHCRte kiangah thuman kawikaihna ahihkeileh thuman iipsimna cihte akihel khemnopna tawh thuman napiak keih leh hih anuai a, gamtatna gahte nalo khading hi:

• Sumtang panpihna ahihkeileh gampeemna akihel daalhutna ahihkeileh hunsau akimang ding buaisiansaknate cihte ngah dingin hong kisang zolo ding hi.
• Zuauphuahna tawhkisai hong kingawhna khatpeuh pen na file sungah kiciamteh ding;
• Zuauphuahna tawhkisai thu hong kikansian masiah, tuahunsung teng na thu kilencip photding ahih man in na (case) na thu pen kaai pelmawh ding hi.
• Zuauphuahna tawhkisai na file sunga akiciamtehte peem nading gamte ah ki hawmsawn dinga; mawhna palsat mah hi ci-in hong ki muahmawh leh tua tawhkisai kumpithuneite kiangah thu hong ki pholawt sak thei ding hi.

Gaaltaite tawh kisai lungkimloh-geenna ahihkeileh adang zuauphuah palsatnate pen Refugee Malaysia online fraud leh corruption complaints form hiteng pan ahihkeileh mlslufrd@unhcr.org email pan in na aap thei hi.

UNHCR zumnasem ahihkeileh UNHCR ii nasepkhoppihte ahihkeileh buplaak nasemte ii amanlo nasepnate na pholawt nop leh UNHCR's Inspector-General's Office (IG0) phualpi ah hih tungtawn in thu pholawt pah ding:

Email: inspector@unhcr.org
Online: IGO Online Complaint Form
Mail: UNHCR, 94 Rue de Montbrillant, 1202 Geneva, Switzerland

IGO ah thu pholawtna khatsim tawhkisai in bangteng piang ding cih thule la theihbeh nading hiteng meek in.

Zuauphuahna tawhkisai pholawtna ah, theihhuai thule la ahitheizah piak ding pen thupi hi. Hite lakah kua zuauphuahna gamta ci akimuangmawh, banghun leh koitengah, tua thu koi ah piang, tua zuauphuahna pen koi cidan in kitheihpih leh hih zuauphuahna pen bang nam cih kihel hi. Mitmuh-teci tawhkisai thule la thungil paulap theihding khatpeuh ahihkeileh adang apiangthu tawhkisai theihhuai thule late khempeuh zongh kihelsak ding.

UNHCR in lungkimloh geennate khempeuh nasiatakin thulaksak a athute zongh bantak in kan hi. UNHCR tawh kizopna khempeuh pen muanhuaitak in kikeem cih hehpihnatawh na phawk un. Lungkimloh geenna khatpeuhte hangin UNHCR tawh na thute hong nawngkaisak lo ding hi. Na lungkimloh geenna sungah thupiang leh thugil paulap na theihzah pia in. Azenzen in atheihuai kizopnate nong piak leh na lungkimloh geenna tawhkisai in nang tawh hong nungzuih pih ding hi ung.

Lungkimlohna thupuak min gelhlo inzongh kibawl thei hi.