Afghan minamte mungtup khemna adang tawhkisai UNHCR in thupuak ka ngah uh hi. Special Humanitarian Visa tawh Netherlands ah gampeemna visa cih tawh kisai khemna bek ahilo Kabul gam pan asiau Afghante pen Canada ahihkeileh Germany ah mun akipiak kikma in UNHCR in Kabul pan Malaysia ah apuak ding uh phal hi cih khemna zongh om hi.
Hih thupen khemna khat ahi hi. Hih mimalte in UNHCR tawh kizopna neilo a, mikhat peuh omna mun akheeksak nading in hihtheina leh thuneihna neilo uh hi. Nang ie mimalthu le late amautungah hawmsawn kei inla amau kiangah sum pia kei in..
A muanmawh huai laikhakte ahihkeileh gampeemna tawhkisai leh adang nasepnate ah manh hong ngen in, ka panpih ka hihpih thei hi aci mite pen hiteng ah thupuak bawl ding:
- Anai pen palik zum ah ahihkeileh CCID Scam Response Centre 03-26101559 ah (8am – 8pm)
- Hih siauhnalai UNHCR ah
THUPHAMAWH: UNHCR te ie hongsepsak nakhempeuh akhawnkhong hi. Gampeemna ding akihel UNHCR te ie hong sep hong panpih nading nasepnate ah man piak ding hong ngen mikhat peuh ahihkeileh kipawlna khat peuh muang kha kei in.
Muanmawhhuai gamtatnate tawhkisai thupuak UNHCR ah nabawlna hangin na UNHCR card hong ki phiatsak lo dinga, nathu nala zekaai ahihkeileh hong ki khaksak lo ding hi.
Khemnate tawhkisai theih behnop leh, hehpihna tawh Khemnate kidawm laimai ah en in