Rohingya mi khat ahi Haris Bhai, Mr Haris, Haris Khan, leh Mr Barmi mimal min tawh UNHCR logo zang in aman lo Refugee Malaysia app a thak khat zangh hi cih UNHCR ah thupuak kingah hi. Hih in a mi kibang mah hi a, UNHCR tawh kizop theih nading lampited geelsak cih video YouTube ah khaang a, WhatsApp group khat leh UNHCR logo (Khemna Kidawm in: Mr.Haris/ Haris Khan / Mr Barmi) kha hi.
Hih thupen khemna khat ahi hi. Tua mimal pen UNHCR nasem hilo hi. Tua pa pen UNHCR tawh kizopna neilo hi. Tua pa in mi khat kiangah UNHCR laikung-laidalthupi piak theih nading thu ahihkeileh hihtheihna neilo ban ah mikhat peuhkiang pan a mimal thu le late nget khuan neilo hi.
UNHCRte in cikmah hun in sum hong ngen ngeilo ding cih kong phawksak uh hi. UNHCR lailung laidalte na ngah theih nading, UNHCR nasep silbawlnate nangah theih na dingin nathu nalate hong ngen dinga tuaman dingin sum hong nget ding kidawm in. Tua mite tungah atheihhuai nathu nalate hawmkhia kei in.
UNHCR te ie hong sepsak nate ahi (UNHCR laikung-laidal thupite, minkhumna, RSD, Gampem nading vaihawmsakna, etc.) na ngahtheih nading in hong huh thei ing ci a, sum hong ngen mi natuah leh thupuak bawl in:
- Palik CCID Scam Response Centre ah 03-26101559 or 03-26101599
- Hih siauhnalai zangin UNHCR ah
Muanmawhhuai gamtatnate tawh kisai thupuak UNHCR ah nabawlna hangin na UNHCR card hong ki phiatsak lo dinga, nathu nala zekaai ahihkeileh hong ki khaksak lo ding hi.
UNHCR te ii nasep silbawlziate leh panpih huhna tawhkisai thu le la theihbeh nop aleh Refugee Malaysiawebsite ah sim in.
