Thukhun tawhkituak Kidaalna FAQ
Kalawmte/kipawlna ka mipihte kimat-kihen tuak hi. Koi cidan in UNHCR ah thupuak bawl ding ka hiam?
Hih anuai a channel te zangh in thupuak na bawl thei hi.
- Kimat-kihen leh Kikep-cipna form
- Kimat-kihen leh Kikep-cipna Hotline (Hih hotline pan in mikang leh Malay pau lian tawh phone kiho thei )
Mikhat akimatna thupuak chennel tuamtuam pan in puak kei in, tuadan hihna in UNHCRte ie hong dawnkik ding ziakai sak thei hi. Kimatna leh kikepna thupuak na bawl ciangin, hihte kihel ding:
- Na min, UNHCR file nambat, kizop nading akisam theihhuai thute
- Kimat atuak mimalte ie min, kum, numei/pasal, leh UNHCR file nambat (minkhumna ngahsa ahihleh)
- Akingah theih hunciang: kikep atuakpen ie nambat, akikepna mun, akimat ni, akimatna ahang, aman thuneite (immigration maw, palik, ahihkeileh midang maw), thukhenzum kah ding ani, thu hong kibawlzia , leh thukhenzum omna mun (amimal pen thu akibawl khin ahihleh)
Kikepna phualpi pan suahtak theih nading in UNHCR te in pansan bangtan la ding hiam?
UNHCR in kimatna ahihkeileh kikepna tawhkisai thupuak ka ngah hun in, thuneite tawh gambeel-siaute leh gaaltaite akimatna ahihkeileh akikepna pan hong khahkhiat sak nading thuumna hong kineihsak pah hi. UNHCR in atuamtuam ah athaneem (thongkiate) suahtak nading awlmawh masak in hong nei hihmah le ung thongkiate suahtak ding khentatna pen Malaysia kumpi thuneite tungah ki ngazaw hi.
Ka lawm/ka innkuanpihte ka pianna gam ah kihawlkhia kipuak kik hi, bang cih ding ka hiam?
Kimat-kihen leh Kikep-cipna Thupuak form (Arrest and Detention Report) zangin thuzasak ahihkeileh Kimatna leh Kikepna Hotline (Arrest and Detention Hotline) pan in UNHCR te hopih pah in.
Kimat-kihen atuak mimalkhat ii a min, UNHCR file nambat, pianna gam ah akipuak theih ding hun, tulaitak akikep-cipna mun, a body nambat, vanleng tickette kileikhin maw leinailo, tua mimalte in hih gampan a paikhiat ding thukim maw thukimlo cih theihhuai thule ahitheizah ih piak ding kisam hi.