Zuaukheemnate Kidawm in

UNHCR in zuautatna, guukneekna, ahihkeileh meetdawhna limlim maisak ngiatlo hi.

UNHCR leh amau nasep khoppihte kiang pan hong sepsak nasepnate, panpihnate leh ngetna form khempeuh pen man piak kullo hi. Minkhumna, ahihkeileh gampeemna ahihkeileh ih thu aman lan na ding nasep silpawl nading in sum na pia thei kei hi. UNHCR leh anasepkhoppihte ii hongsepsak nate ading in manh hong ngen kipawlna khatpeuh ahihkeileh mikhatpeuh muang kei in. Kheemna tawhkisai anunung pen theihsaknate hih lai mai anuai pen dong kaisuk ahihkei leh hiteng meek le cin ki mu thei hi.

Minkhumna, gampeemna, sum ahihkeileh adang panpih huhna, UNHCR laikung-laidal akheem leh sum ahihkeileh adang adeihhuai nate amanlo a hong ngen mikheem zulhtatte na kidawm un. Hih piaknate pen social media, Facebook, Telegram, WhatsApps, Viber, Instagram, YouTube, ahihkeileh adang atuamtuam, ami ngiat mah in nangtung ah hong bawl hong sem thei ding hi. Nang hongzol nading in UNHCR tawh kizom ahihna thulela hong lak thei ding uh hi. Tuate um kei in.

Amanlo kamciam hong pia mihingte in nang ie omdan dinmunte pan in ama hamphat nading in hong dok ahi hi. Manh piaknate khempeuh pelh in. Amaute in na sum hong guuksak ahihkeilelh nang mimal thulelate zuak in hong meet bawl thei hi.

UNHCR te ii hongsepsak dingna khatpeuh ah manh kingetna pen kheemna ahi hi. Numeipasal utna, sum ahihkeileh adeihhuai adang nakhat peuh hong kinget leh tuate hih online form tawh UNHCR ah thupuak pah huai a, UNHCR te nasepkhoppihte tawh anai pen palik zum ah thupuak bawl pah ding kisam hi.

Zuauphuahna pen Malaysia thukhun ah thukham palsatna ahi hi. Anai pen palik zum ah pai in zuauphuahna thupuak nabawl thei hi. Zuauphuahna thupiang thupuak nabawl ciangin thungil pansan ahitheizah na kending kisam hi.

Zuauphuahna thupiang tawhkisai thupuak nabawl hangin na UNHCR tawhkisai nathu kaituam zaw lo ding a, zongh a hoihlo lam hong tunlo ding hi.

Zuauphuahna leh Neekguukna

Zuauphuahna pen hamphat ngahding ngimna taktawh UNHCR, amau nasepkhoppihte/ahihkeileh gaaltaite tungah manlopi a-palai sepna, halbawl gamtatna khatpeuh akihel ahi hi.

Neekguukna ih cih pen adang party khat ii nasepnate akilawmlopi a, huzaap theihna dingin, (tangtak ahihkeileh asawiheem in) heemgenna, piakna, ngahna leh ngetna ahi hi.

Zuauphuahna sungah atangpi in cileng mimal ahihkeileh sumlepaai ngahna dingin diktat gamtatlohna kihel hi. Neekguukna ih cihpen piakna ahihkeileh golhguuk sanna, ahihkeileh nakhatpeuh ah kilawmlopi a, meetngahna ahi hi.

Zuauphuahna leh Neekguukna tawhkisai thule la theihbeh nading, hehpihna tawh Fraud and Corruption page ah en in.

Gaaltaite tungah Zuauphuahna leh Neekguukna tawhkisai Geentehnate

Ih hihna tawhkisai zuauphuahna pen UNHCR tawh minkhum nading in midang khat ii mimal tawhkisai thule la zatsakna, ahihkeileh mikhat in amau’ min ahilopi a geen ahihkeileh midangkhat ii thule la ahihna ahilopi a geenna hi. Midang khat ii minkhumna laidal zatna tawh nasesakna ngah theih na ding ahihkeileh maban sepsaknate ngah nading cihte zongh kihel hi.

Innkuan kilamzia tawhkisai zuauphuahna pen innkuan kilamzia ahidanlian aman genlo ahihkeileh akilawmlopi meetngah theihna ding ngimna tawh innkuan kizopziate kheemna ahi hi. Hite sungah tangthu tungah kinga in inkuan kizopzia aman lo genna hanga behlapna ahihkeileh hepkhiatna te ki hel hi. Gentehna in, lawmtamte in alawmkhat pen athu sungah sanggam ci a, ahilopi a geen ahihkeileh mikhat in atupa khat pen ama ta taktak dan a behlap.

Laikung-laidal tawhkisai zuauphuahna pen laikung-laidal akheem khat pen atakpimah dan bawlin zatna hi. Tua lak ah laikung-laidalte bawlphatna, ahihna amante kheelna, akheem bawltawm ih hihna hong lak cardte, UC laidalte ahihkeileh zato lam tawhkisai laikung-laidalte, niciamna laidalneute ahihkeileh UNHCR laidal cihdante zatna ahi hi.

Ngiimnatawh meetdawhna lak ah UNHCR ahihkeileh anasepkhoppihte akihel peem nading gamte tawh atuamvilvel kizopna nei ing ci a, amanlopi in aki gen mikhat ahihkeileh kipawlna lakpan mite ,UNHCR maban nasepnate ahi minkhumna, laikung-laidal bawlsakna, gampeemna dingin manh a ngente kihel hi. Mite in UNHCR zumnasem ahihkeileh anasepkhoppihte hong kineih in online/ pan social media (e.g. Facebook tungpan manh piaknatawh UNHCR laikung-laidal bawlsak thei ci in amun ahilian tawh kamciampia, UNHCR/anasepkhoppih zumnsem dan in kineih a, WhatsApp laikhakna tawh marnte ahihkeileh awte khak in manh piaknatawh UNHCR maban nasepsak ci in ngiimnatawh meetdawhna pen hong piang thei hi.

Neekguukna lak ah UNHCR zumnasemte adeihhuai khentatna hong neihsak nading ahihkeileh ih mabante aman langa hong sepsakna dinga manh piakna kihel hi.

Zuauphuah-Langpanna Videos

Mikheemte in Mobile Apps tungtawn in Aw a Khak

Mobile apps tungtawn in UNHCR tawh kizop theihna ci-in lai aw hong khak hong leh minkhumna leh gampeemna maban nasepte manh piaknatawh ka huhthei hi amau leh amau aki ci mite kidawm un.

Mobile Apps tungtawn in Mikheemte in Hopih laikhak

Mobile apps tungtawn in UNHCR tawh kizop theihna ci-in lai hong khak hong hopih in nang mimal thule la hong kan minkhumna leh gampeemna maban nasepte manh piaknatawh ka huhthei hi amau leh amau aki cite kidawm un.

Mikheemte in amau bawltawm UNHCR Websites / Apps akheem Koih

Minkhumna leh gampeemna maban nasepte manh piaknatawh ka panpih thei hi akici mimalte ii bawltawm UNHCR website kheem/ mimal thule la kanna apps te kidawm un.

UNHCR Tawh Atuamvilvel in ka Kikop hi Amah le amah aki ci Kipawlna Makaite

UNHCR tawh atuamvilvel in ka kikop a, minkhumna leh gampeemna nasep mabante manpiakna tawh ka panpih thei hi aci Kipawlna makaite kidawm in.

UNHCR zumnasem Akineih Mikheemte

Minkhumna leh gampeemna maban nasepte manpiak natawh ka panpih thei hi aci, UNHCR zumnasem akineih mimalte kidawm in.

Khemnate Kidawm in Tawhkisai Vanzatte

Khemnate Kidawm tawhkisai internet tungpan thugenna (Webinar

Theihsaknate Tawhkisai

Devdass ahihkeileh Davadass Anjan Minnei Pasal

Gaaltaai kipawlna mimalte hopih in United States of America ah kha khat sungin na peemtheih nading un kong huh thei hi akici Devdass ahihkeileh Anjan minnei Malaysia mi pasal khat ie thu tawhkisai thupuakte UNHCR in ka ngah khin uh hi. Tua pa in ngetnalai form khat...

Zuaukhemna Kidawm In: Rohingya YouTuber

Youtube tungpan in NHCR te ii nasep silbawlnate ka ngahpih thei hi aki ci Rohingya khat pen UNHCR te in theikhia uh hi. Tua mi pa in UNHCR puan asilhna Video file tawh ten a, amah pen UNHCR zum nasemte tawh/ahihkeileh UNHCR tawh kizopna nei ci a, mite pimuh dingin...

Zuaukhemnate Kidawm In: Kipawlna Makai

UNHCR tawh atuam vilvel mimal kizopna nei ing aki ci kipawlna makai khat ii thu tawhkisai thupuakna laite UNHCR lampan in ngahkhin hita ung. A tua mipen in Canada, Australia leh United Kingdom gamte akihel adang gamte ah Gampem nading vaihawmsakna tawhkisai nasepnate,...

Zuaukhemnate Kidawm un: UNHCR ah Nasem hi-ing Aki ci Nupi khat

UNHCR Minkhumna leh Gampeemna panmun ah nasem hi-ing aki ci nupi khat tawhkisai thupuak bawlna lai UNHCR te'n ngahkhin hi ung. Tua nupinu in gaaltaaite WhatsApp pan in hopih in Gampemna leh minkhumna tawhkisai kamdotnate, niciamnate, UNHCR laikung-laidalthupite ading...

Dotna Pawlkhat Om maw?

Thule la theihbeh nading in Khemnate Kidawm cihtawhkisai Aki Dongh Zeelzeel Dotnate (FAQ) ah hehpihna tawh dongh in.