Ralzam Hna Caah Fianternak Hna
Inn ah ka tlung kho lai maw, asiloah ram thumnak ah ka lan kho lai maw?
Atu le Atu Hal Lengmangmi Biahalnak Hna
UNHCR nawlngeihnak chungah ram thumnak lei kalnak kong hi khoikadah thawngpang ka hlat lai?
UNHCR Ram thumnak lei kalnak kuttlaih cauk chungah UNHCR ram thumnak lei kalnak kongah an phungphai le an thiltuah ning hna tling tein tial a si. Ralzam a latu hna ram nih an phungphai le an tuah dingmi hna kha ram pakhat cio i an konglam an tialnak dal kip ah an langhter hna. The Resettlement Handbook is a public document and can be found at: https://www.unhcr.org/46f7c0ee2.pdf
Ram thumnak lei kalnak kongah ‘Ruah awkah chuahpimi le biachahnak tuah dingah an thencheumi phun hna’ cu UNHCR Ram thumnak lei kalnak Kutken Cauk i Dal 6 nak zawn ah fianter an si. Mahhi an fianternak dal cu a tanglei zawn hi hmet law na rel khawh lai: https://www.unhcr.org/3d464e842.html
Durable Solution Unit (DSU) hi UNHCR zung ah hlat duh tikah zeitik ni hna ah dah hlat khawh a si?
Durable Solution Unit (DSU) hlatnak counter cu a zungzal in khar a si. Hlathlai nan duhmi tha deuh in kan tawlrel khawhnak ding caah UNHCR nih lam a kawl lio a si caah lungsau tein nan um rih naklai kan in nawl hna.
Ka case kong i ceihhmai dingin Durable Solution Unit (DSU) hi zeitindah ka pehtlaih hna ning a si lai?
Pumpak in zung ah rat, asiloah ca, fax le email in kuat a hau lo. Nain, pehtlaih khawh na sinak ding caah na phone number (Whatsapp na hman ahcun na chim chih lai)le email address thar kha UNHCR ah na pek i, zung nih tha tein an i fim le chiahpiak kha a biapi tukmi a si. Cu lawngah a herh caan paoh ah zung ratnak ding ni caan pek awk na ttha lai.
Durable Solution Unit nih ka case an ka tawlrelpiak cang i, United States of America (USA) lei zongah an ka kuatpiak cang hnu ah ka case kong a hnubik dirhmun theih duh tikah aho dah pehtlaihnak ka tuah lai?
Ramthumnak lei kalnak bawmchantu (RSC/ OPE) hi United States of America (USA) Cozah caah riantuantu an si i, United States (US) riantuantu hna nih ramzal hna ram thumnak i an kal khawhnak ding an ruahpiakmi hna a tlamtlin khawhnak caah ralzam hna a bawmtu zong an si. +60321415846 in Resettlement Support Centre (RSC/OPE) na chawnh khawh hna, asiloah mahhi email zong in ca na kuat khawh hna KLInquires@rescue.org.
Zung luhnak biahalnak (interview) ka dih hnu ah cohlan ka sinak ding ca le ram thumnak lei ka kalnak ding caah zeican dah a rauh lai?
Pumpak in UNHCR ah min khumhmi paoh ralzam sinak cohlan dingah a tling maw/ tling lo timi biahalnak tuah dih an si lai i, minung pakhat ralzam a si taktak maw tiah biachahnak tuah hlan ah huhphenhnak le kilvennak a herh taktakmi a si maw timi kha thukpi in a konglam zohpiak ta a si lai. UNHCR nih ralzam ah a cohlanmi hna lawng ram thumnak lei kalnak ding ruahpiak an si lai. Ralzam ah cohlan awktlak a si maw tiah biachahnak caan le ram thumnak lei kalnak caan hna hi case pakhat le pakhat an i dang cio.
Ralzam sinak card ka ngei cang. Ram thumnak lei kal khawhnak ding caah zeitikdah biahal ding in (interview) kawh ka si lai?
Ralzam sinak card na ngeih ruangah ram thumnak lei kal dingin cip le colh in na tling colh tinak a si lo. Cu hleiah, Malaysia ah caan saupi na um ruang zongah ram thumnak kal dingin na tling tinak a si lo. Ram thumnak lei kalnak kongah ‘Ruah awkah chuahpimi le biachahnak tuah dingah an thencheumi phun hna’ cu UNHCR Ram thumnak lei kalnak Kutken Cauk i Dal 6 nak zawn ah fianter an si. Mahhi an fianternak dal cu a tanglei zawn link hi hmet law na rel khawh lai: https://www.unhcr.org/3d464e842.html
A donghnak bik ah, ram thumnak a kal dingmi minung zat hi rikhiah a si caah zokzok in kal a herhmi hna le ttihnung tuk dirhmun i dir ruangah huhphenhnak le kilvennak a hlei in a herh caah khulrang in ram thumnak kal a herhmi hna kha ram thumnak lei kalnak kongah papek (usape) an si lai.
Atu lioah cun ram thumnak lei kal kho dingin nai tlak lo ( na tling lo) tiah thawngthanhnak ca ka hmuh. Mahhi zeidah a sullam a si i, zeidah ka tuah lai?
Mahhi a sullam cu ram thumnak lei kal dingin atu lioah cun UNHCR nih na case an in kuatpiak kho lo tinak a si. Asinain, hi ruangah hin ralzam na sinak dirhmun kha ai thleng tinak a si lo. UNHCR sin in huhphenhnak le kilvennak, bawmhchanhnak hna na hmuh thiam ko lai.
Ram thumnak lei kalnak ding biahalnak (interview) ka tuah lioah ka case hi khoika ram ah dah kuat a si lai tiah ka hal kho maw?
Na hal khawh ko. Nan chungkhar duhnak le ram thumnak lei in a latu ram hna nih tahfung an ngeih ciomi kha UNHCR nih zoh le ruahpiak a si. Nan chungkhar caah ai tlakmi le a tthami ram ah nan kal khawhnak ding UNHCR nih an thimpiak khawhnak hna ding mahhi thawngthanhnak nih hin UNHCR a bawmh lai.
Ram thumnak kalnak ding caah hin ka duhmi ram i thim khawh a si maw?
Ralzam nih kal a duhnak ram kha UNHCR nih a chinchiahpiak ko lai nain, khoika ram ah dah a kal lai tiah a donghnak biachahnak cu UNHCR kut ah a um. Biachahnak tuah tikah hin ralzam hna nih zeibantuk theng dah an herh timi le an chungkhar pehtlaih ning kha UNHCR nih a ruahmi si.
Ram thumnak an ka thimpiakmi hi ka duh lo ti khawh a si maw? Ram thumnak lei thimpiakmi ka duh lo ah ka case kongah zeitin a si lai?
If you choose not to be considered for resettlement to a particular country, you risk being excluded from further resettlement processing. Biahalnak (interview) tuah na si cang i na case zong cohlan na si cang ko nain ram thumnak kal duh loin na case lak than dingin biachahnak na tuah ahcun na case na lak thanmi kongah zeidah a cang kho timi le hmailai ah zeidah a cang kho timi kongah UNHCR nih chimhrinnak le ruahnak peknak an in ngeih lai. UNHCR may not be able to submit the case again to the country of your choice and it will be the decision of any other resettlement country whether to consider a resettlement submission.
Ram thumnak lei kalnak ding caah biahalnak (interview) ka tuah dih cang. Ralzam a lami ram nih zeitikdah biahal dingin an ka kawh te hnga?
Ram thumnak lei kalnak ding caah biahalnak tuahmi nih ai tinhmi cu ram thumnak lei na kalnak ding caah na case zohpiak le tuaktanpiak kha a si. Following the resettlement interview, your case will be reviewed before a decision is taken whether a submission for resettlement should be made. Zeican dah a rauh timi cu case pakhat le pakhat an i dang cio. Na case zohpiak na si hnu ah United States of America (USA) ah kuatpiak na si ahcun Resettlement Support Centre (RSC) nih RSC interview phit dingmi ni caan thawng an in thanh te lai. United States of America (USA) si loin hmundang ah a kal ding na si ahcun, na kalnak ding ram i tuanvo ngeitu hna he biahalnak na ngeih dingmi ni caan cu UNHCR nih thawng an in thanh te lai.
Ram thumnak lei nih atu tiang pehtlaihnak an ka tuah rih lo. Zeitik ahdah an ka chawnh te hnga?
Ram thumnak lei kalnak ding tawlrel hi a caan a rau i chimchung awk a tha lo. Anmah ram thumnak lei zulhphung le papeknak (u-sa pekmi) cungah ai hngatmi a si caah UNHCR nawlngeihnak le tawlrelnak tangah a um ti lo.
Ram thumnak lei kal kho rih lo dingin case hi hrenpiak lio na si tiah Durable Solution Unit (DSU) lei nih thawng an ka thanh. Hikong ah zeitindah thawngpang fiang deuh in ka theih khawhning a si lai?
Bia thlithup hi phuan lo a herh caah zeiruangahdah case hrenpiak an sinak a ruang hi UNHCR nih pumpak in a chim kho hna lo. A ruang tampi ruangah case tampi hna hi hren an si kho. Nain, na case hrenpiak na sinak a ruang a khingthlai a si hnu le a fianglomi fianter a si hnu le a tlamtling lomi thil hna tuahfel a si hnu ah ram thumnak lei na kalnak ding kha tuahpiak than na si lai. Atu le atu UNHCR zung ah kal lengmang le na case kong hal le hlathlai lengmang ruangah na case dirhmun ai thleng hlei lai lo i, a ranter deuh fawn lai lo.
United States of America (USA) ah kal dingin ka case kuatpiak ka si. \2012 dehhlennak/ lihchimnak (fraud) kongah khan kai tel ve. Thil sining a dik ningin ka chim i ka case hrenpiak ka si. Zeitikdah biahalnak (interview) tuah ka si lai i, zeidikdah ram thumnak ah ka kal te lai?
Dehhlennak/ lihchimnak kongah a rak i telmi hna paoh cu 2019 March le April ah khan United States (US) i Department of Homeland Security (DHS) riantuantu hna nih biahalnak an rak tuah cang hna. Na case konglam tam deuh in theih na duh ahcun +60321415846 hin Ram thumnak lei kalnak bawmchantu (RSC/OPE) na chawnh khawh, asiloah mahhi email ahhin ca na kuat khawh.KLInquires@rescue.org.
Ka ngandamnak kai check dih cang ko nain International Organization for Migration (IOM) nih i check rih ding na si an ka ti. Zeiruangah a si hnga?
Ralzam a latu ram thumnak hna nih hin ralzam hna nih a hnubik an ngandamnak an i check mi an herh. Ralzam a latu ram nih zulhphung an ngeihmi ning zulh in ralzam hna nih ram thumnak i an kal hlan ahhin voikhatnak tam in ngandamnak i check khawh a si.
Ram thumnak lei ka kalnak ding hi zeiruangahdah a rauh tuk hnga?
Ram thumnak lei a kal dingmi ca paoh ah ram thumnak lei kal caan hi a rau dih ko. Cun mipem caah phungphai an ngeihmi, papekmi (u-sa pekmi) le a herhmi bawmhchanhnak an tawlrel ning hna hi ram khat le ram khat an i dang cio, cucaah ram thumnak lei kalnak ding caah ram khat le ram khat an tawlrel chung caan hi ai dang cio. Ram thumnak lei kalnak ding biahalnak (interview) UNHRC ah na phit in ram thumnak lei na kal tiang hi zeican dah a rauh lai ti hi chim chung awk a har ngaingai. Nua ngeihnak, thitumhnak, naupawinak, nuva i thennak le fale aho sin ah dah an um lai, min khumhnak, thihlohnak kong hna hi ram thumnak lei a kal ding na si hlan ah tha te le felfai tein zoh ta dih an si.
Durable Solution phi dingin ka chungkhar nih an hngak lio. Ram thumnak ka kalnak kong hi pehzulh awk ka tha maw? Ka chungkhar hi zeitin an si lai? Ram thumnak ah ka chungkhar he hmunkhat ah um kho dingin UNHCR nih nan ka bawm kho lai maw?
Chungkhar he hmunkhat ah umti ( i fawnh) khawh thannak le a fekmi chungkhar pehtlaihnak le i dirhkamh khawh thannak hi UNHCR nih a bawmh i, na chungkhar he an tthenter lai lo. Na chungkhar ah zung a lut rih lomi an um ahcun UNHCR sinah thawngthanhnak na tuah ding a biapi. Puang hlang loin chimmi thil (lunghrinh) le thildang chuahnak kong kha na chungkhar hna sinah ruahnak pek an si lai.
Ralzam a si lomi he i tthi-um usihlaw, ka nupi/ ka va le ka fale nih UNHCR card an hmu kho ve lai maw, cun ka sinah ram thumnak ah an kal kho ve lai maw?
Ralzam pakhat nih ralzam a si lomi he thitumhnak a tuah ahcun ram thumnak lei kalnak ding caah UNHCR nih u-sa a pe lo. Ralzam a si lomi he nan i thitumh ahcun na nupi/ na va ram ah um khawhnak tinvo asiloah ram mi si khawhnak na ngei. Ralzam a si lomi he thitumhnak a tuahmi caah cun UNHCR nih ram thumnak lei kal dingin tuaktanpiak le a ruahpiak hna hlan ah a nupi/ a vapa le a chungkhar sining kha tha tein a zoh ta hmasa lai. Na nupi/ na va kha Malaysia rammi a si ahcun Durable Solution Unit (DSU) nih na case kha Protection Unit ah a kuat lai i nangmah le na fale rammi nan si khawhnak ding an tuaktan lai.
Voikhat ngeih ah nupi pakhat nak tam a ngeimi/ nupi pakhat tam ai umpi mi ka si. Ka nupi le hi an dihlak in hmunkhat ah ka sinah ram thumnak ah an kal kho ve lai maw?
Voikhat ngeih ah nupi pakhat nak tam ngeih/ nupi pakhat nak tam i umpi hi ralzam a latu hna ram dihlak ngawt in an ram upadi nih nawl a pek lomi a si. Cucaah, nupi pakhat nak tam ngeih a duh ko rihmi ralzam hna cu ram thumnak lei kal an ngah lo. Ram thumnak lei an kalnak kong he pehtlai in chungkhar pakhat cio UNHCR nih ruahnak peknak in cawnpiaknak a ngeih hna lai i, a nupi/ a va le an fale caah a ttha bikmi a si lai an timi kha an ruah le an tuaktan a herh.
Ram thumnak nih an ka cohlang lo. Hmailei ah zeitindah a si lai?
Ralzam a latu hna a dang ram ah na case kuat colh a si lai lo. Nain, UNHCR nih case khat hnu case in an zohfel dih than lai i, nan chungkhar nih zeibantuk dah an herh timi kha an ruah lai. Ralzam a latu hna ram hi ralzam cohlannak ding caah an hmanmi tahfung ai dan cio caah ram pakhat nih an in cohlan lo tikah a dang ram pakhat nih cun an ka cohlan ko lai tiah na ruat lai lo.
Ram thumnak lei kal khawhnak ding caah i kawhnak/ i laknak (sponsorship programme) le UNHCR nih ram thumnak lei kaltermi tiin caan tha pahnih ka ngei. I auhnak/ i laknak (sponsorship programme) in ram thumnak lei kal i thim ninglaw, ram thumnak lei kalter an ka timhmi hmunhma ahhin keimah can ai ah ka chungkhar dang an si loah midang ka kalter kho hna maw ?
Pumpak asiloah chungkhar hna ram thumnak lei kalnak ding caah hin ram thumnak lei kalnak ding caah a herhmi zohfel le tuaktannak cungah ai hngatmi a si. UNHCR will not promote for resettlement a family which has access to another durable solution.
UNHCR phungning tein mah chuahkehnak ram ah mah lungtho tein kir duh ninglaw kirnak kong he pehtlai in khoika dah thawngpang ka rel khawh lai?
UNHCR phungning tein mah chuahkehnak ram ah mah lungtho tein kir duh ninglaw kirnak kong he pehtlai in khoika dah thawngpang ka rel khawh lai? The Handbook is a public document and can be found at: https://www.unhcr.org/en-my/publications/legal/3bfe68d32/handbook-voluntary-repatriation-international-protection.html?query=handbook%20voluntary%20repatriation
UNHCR a lut/ ngah cangmi ka si i, ka chuahkehnak ram ah kir ka duh. UNHCR nih zeitindah an ka bawmh khawhning a si lai?
Na chuahkehnak ram ah kir na duh ahcun, kir na duhnak kong kha UNHCR sinah hiti hin thawng an thanh khawh:
(i) Cawn nikhat ni – Cawn ninga ni tiang 8am -12pm karlak paoh ah UNHCR ah va kal khawh a si
(ii) UNHCR he i ton ni caan pek na simi caan paoh UNHCR officer kha na chimh khawh
(iii) 03-21184800 in Durabal Solution Unit ah phone na chawnh khawh. Mah hi phone na chawnh tikah -> “2” hmeh chih ding
(iv) Approaching your embassy (Note: This is only if you are comfortable doing so)
ASILOAH
(v) International Organization for Migration (IOM) zong fuhpanh khawh a si.
Upon receiving information on your intention to return, UNHCR will contact you at a later date regarding your appointment for Voluntary Repatriation counselling. I chimh cawnpiaknak le i ruah tinak nan ngeih lioah hin Assited Voluntary Return and Reintegration (AVRR) Programme in kir khawhnak lam i thimnak kong chim cawnpiak le ruahnak pek na si lai. AVRR Programme hi IOM tawlrelmi a si i, hika ram in na chuah khawhnak ding lamsialtu le bawmtu a si. I chim cawkpiaknak le i ruah tinak nan ngeih dih hnu ah na chuahkehnak ram ah kir dingin biachahnak na tuah a si ahcun, Malaysia ram na chuah khawhnak ding caah UNHCR nih Voluntary Repatriation Form (VRF) an in pek lai. Mahhi tawlrel chung caan vialte hi thla 1-3 tiang a rau kho. A herhmi ca vialte a tlamtling dih maw timi le na umkalnak kongkau tawlrelmi cungah ai hngat. Hika ram in chuahnak nawlpekmi caah dantatmi le special pass caah a dihmi minung pakhat caah RM 100 na liam a herh.
Ka chuahkehnak ram ah kir ka duhnak kong zung ah thawng ka thanh ni ah UNHCR nih Voluntary Repatriation Form (VRF) an ka pe colh lai maw?
A cunglei langhtermi riantuan ningcang le caan sining ruangah kir na duhnak kong na kan thanhmi kan hmuh/ theih ni ah UNHCR nih Voluntary Repatriation Form (VRF) kan in pe kho colh lo. Mah Lungtho tein Kirnak kongah i chimh cawnpiaknak le i ruah tinak kan ngeih hlan ahcun na kirnak ding caah vanlawng lehhmah na caw rih lai lo. Na rak i cawk cia ahcun a lakka a si sual lai. I chimh cawnpiaknak le i ruah tinak kan ngeih lioah na kirnak caah zeitikdah vanlawng lehhmah na cawk lai timi telh in Malaysia ram na chuahtak khawhnak caah Lah-Wah-Kah (Immigration) an riantuan ning le an thil tuah ningcang hna chimh na si lai.
Ralzam sinak ka sawkmi cohlan ka si lo, ka chuahkehnak ram ah kir ka duh. UNHCR nih nan ka bawm kho lai maw?
Na kirnak ding caah a herhmi i chimh le i ruahnak ding caah IOM na fuhpanh khawh hna. Kirnak a sawkmi hna nih hika ram in chuahnak nawlpeknak sawknak caah a dihmi le dantatmi, cun special pass caah a dihmi an liam a herh. UNHCR nih Voluntary Repatriation Form (VRF) a pe lai lo.
Mah lungtho tein kirnak kongah Durable Solution Unit (DSU) nih cawnpiaknak le ruah tinak an ka ngeih cang. Ka kirnak kong tawlrelmi kongah a hnu bik thil sining hngalh duh ah Durable Solution Unit (DSU) ka chawn kho hna maw?
Zung ah rat i Durable Solution Unit (DSU) rak ton hna, asiloah ca, fax le email tibantuk in kuat a herh lo. Na kirnak kong he pehtlai in thil pakhat tlamtlin lo ruangah pehzulh in tuah awk a tha lomi tawlrel a herh asiloah bawmh a herhmi a um ahcun Durable Solution Unit (DSU) riantuantu nih an in chawnh ko lai. Cucaah, a herh tik paoh ah UNHCR riantuantu nih an chawnh le an pehtlaih khawhnak ding caah nangmah pehtlaih khawhnak ding a simi phone number ( Whatsapp na hman ahcun na chim chih lai) le na email kha UNHCR sinah na pek ding a biapi taktak.
A him lomi ka chuahkehnak ram ah ka kir kho lo, cucaah ka chuahkehnak ram he ram innpa a simi ram ah UNHCR nih nan ka kua kho hnga maw?
Mah Lungtho tein Kirnak timi a suallam cu minung pakhat nih amah lungtho tein a chuahkehnak ram ah himbawm te le limhang ngei tein a kir kha a si. Mah ram innpa a simi ram ah kal kha UNHCR nih a tawlrel piak lo i a bawm lo.
Malaysia ah ka nun hi a har ngaingai. Ramdang ah kal ka duh ko. Voluntary Repatriation Form (VRF) hi UNHCR nih nan ka pe kho hnga maw?
Voluntary Repatraition Form (VRF) hi minung pakhat nih amah chuahkehnak ram ah kir ka duh ko a timi hna sin LAWNG pek a si.
Ka chuahkehnak ram ah hramhram in kirter dingin tihnung dirhmun ah dir sual ninglaw UNHCR nih nan ka bawm lai maw?
Minung pakhat a chuahkehnak ram ah kuat than si lonak ding, a hleice in a chuahkehnak ram ah kuat than a si i a nunnak caah tihnung dirhmun a phan ding a si ahcun hramhram in kuat than a si nakhnga lo UNHCR nih a dirpi lai i a chimrelpiak lai.