A tu naite thil a cangmi Afganistan hna thanchonak he pehtlai in Afghan ralzam hna caah ramthumnak lei kalnak caan ttha kuapi in an hon tiah thawngthanhnak an tuahmi kongah UNHCR nih Afghan hna sin in biahalnak tampi kan dawn.
Na theihding cu, UNHCR nih Afghan ralzam hna telh in ralzam dihlak cu ramthumnak lei a kal dingmi a zat an rak fehter ningkhan,ramthumnak lei kalnak cu pehzulhin ruahpiak le kalpi a si ko lai.
- Ramthumnak lei kalnak hi na nuhrin covo a si lo. UNHCR nih Minkhumh le/ a si lo ah ralzam sinak pek ruangah ramthumnak lei na kal lai tinak a si lo.
- Ramthumnak lei kalnak cu huhphenh a herhtukmi hna ca lawngah a si. Ramthumnak lei kalnak ah aitlak tiah ruahmi hna cu an tawnmi harsatnak kongah hngatchan in an herh ningin hunphennak pehzulhin pek an si.
- Ram thumnak lei ah case kuatpiak dingin ruahpiakmi hna cu ruah lo piin thlil a hung cangmi thil tampi cungah, an himnak ding caah huhphenh a herh ding minung pazeizah an si, Paawngkam huhphenhnak, mila tu ram an sining, le ramthumnak lei kalnak hmunhma hna zawng zoh piak an si.
UNHCR nih ramthumnak lei kalnak ding program cu a cung lei bantuk hin tthen le fiangfai tein langter a si. ram cheukhat hna nih Afghan rami an mah he rian a ttuan ttimi hna le pehtlaihnak a ngeimi hna caah umhmun khuarpiak tthannak program kan tuah lai tiah thawngthanhnak nai teah khan an tuah. Ramthumnak lei auhnak programs a tuahmi ram hna le UNHCR nih hi programs ahhin minung pekchanh piak a si lo le an sohhlua hna cu hi programs taangah zulh-dawi piak a si lai lo. Tling tein thawngthanhnak caah, zaangfahnak in dingteo in hi hna ram sinah hin thawngthanhnak tuah a si lo le Umhmun khuar tthannak Programmes.
A tang lei langtermi ram hna i websites ahhin tlamtling tein program an suaimi na zohkhawh:
United States of America
A tu naite ah United State (US) nih Afghan ram mi hna an mah he rian a ttuan ttimi a si lo le US Cozah, ralkap, NGOs a si lo le media he pehtlai in rianttuannak a ngeimi hna cu an ram ah luhding in caan tha ka serpiak hna lai tiah thawngthanhnak a rak tuah. Zaangfahnak in US State Department konglam theih na duh ahcun hi ka ah hin leng:
- Special Immigrant Visa (SIV) Afghan rianpek a si lo le US Cozah aiawh in.
- Special Immigrant Visa (SIV) Afghan US ralkap caah calettu/holhletu hna.
- US Refugee Assistance Program (USRAP) Priority 2 Program.
Canada
Canadian ram lei kalnak program zawng Afghanmi “an mah rianttuannak ah pehtlaihnak a ngeimi le/a si lo le ramchungah ah canada Cozah he pehtlainak a ngeimi” , Canadian ralkap holh a lehpiaktu hna le mah umnak ah rian a ttuanpiaktu a si lo le Canadian Embassy(tanzung) caah rian a ttuanmi hna telh an si. Zaangfannak in hikong he pehtlai in theih na duh ahcun hika ahhin leng:
UK
UK nih Afghanistan rammi hna a tu lio le a hlan i an caah rian a rak ttuanmi hna caah tiin auhnak program pahnih a tuah. Zaangfah nakin hi kong he pehtlain thilsining theih na duh ahcun hi ah hin leng:
- Afghan um hmun khuarpiak tthannak le Bawmhchanh peknak Policy (ARAP).
- Ex-Gratia Scheme (Rulh thannak caah suaichungmi rian) .
UNHCR nih ramthumnak lei kalnak bawhchanhnak programs kong hi kan theih ve caah a hmanung bik thawngpang pehzulh in theihternak kan rak tuah lai.
A BIAPITUKMI: UNHCR rianttuannak vilate hi man lo a si.
Minung pakhatkhat a si lo le butlang hna nih UNHCR a si lo le a ttuantti hawi hna sin ah ramthunak lei kalnak telhchih in bawmhnak an in pek khawhnak hnga kan in hal piak lai i tangka na kan pek lai tiah an in ti a si ahcun, a ho hmanh rak zum hna hlah. UNHCR riantuannak he i thlennawn dingin tangka an in hal a si lo le nupa sinak telh chih in a dang an duhmi tuah an in fial ahcun, UNHCR ah a rannak in report rak tuah.
- UNHCR Kuala Lumpur: mlslufrd@unhcr.org
- Inspector General’s Office (IGO): inspector@unhcr.org
Reports/Lungtlin lonak tuahmi vialte cu a thli in tawlrelpiak a si lai..
Cun hika zawn zawngah hin hmet law online in na duh lonak theihternak na tuahkhawh (hlennak/ lih le eihmuar).