COVID-19

Coronavirus zawtnak (COVID-19) rai i chawnh khawhmi zawtnak hi an hmuhchuah thar mi coronavirus a si.

COVID-19 zawtnak nih a tlunhmi hna a tam deuh cu an thawchuah tlawmpal faktuk lo a laivuang a si mi in an zaw lai i Sii thlawp hau lem loin an dam tthan kho. Kum upa hna, le lung lei zawtnak he ai pehtlaimi zawtnak, zunthlum zawtnak, cuap lei zawtnak ruangah caan suapi a kuahmi, le cancer zawtnak a ngeimi hna caah fakkhun in an zaw.

I chawnhbarhnak a fumdeuhnak ding le i kilven ning a ttha bikmi lam cu COVID-19 hi zeitindah a hunchuah i zeitindah a karh timi fimchimnak i pek kan herh. Midang nih an in chawnh khoh lo nak ding le nangmah le nangmah i kilvennak ah kut ttawl a si lo le kut ttawlnak ah hmanmi zu in caan hman tein a tu le tu na tawnghmi thil hnawh le na hmai tawngh kha hrial.

Zawtnak a ngeimi a khuh a khuh tikah a si lo le a hatthio tikah a hnapti a chuahmi a si lo ah a cil tiangin COVID-19 hi i chawnh khawh a si caah nangmah zawng thawchuah umtu ning cang kha na cawn a herh. ( tah-chunhnak ah, na khuh tikah na kiu in i phenh).

Source: WHO

I kilvennak

COVID-19 I kilvennak caah le i chawnhbarhnak a khul a fum deuhnak dingah, hi hna hi zul hna:
  • A tu le tu Na kut kha chapiat in ttawl a si lo le kut ttawlnak ah hmanmi zu in na kut kha thiang tein i hnawt.
  • A khuh a khuh liomi hna le a ha-thio mi hna he meter 1 dan hlatnak ah um.
  • Na hmai tawngh kha hrial.
  • Na ha-thio lio a si lo ah na khuh lio ah na kaa kha i hup.
  • Na dam lo a si ahcun inn teah um.
  • Cuap thazaang dertertu a simi kuakzuk le a dang zukhmuam kha i sum hna.
  • Khat le khat i hlat in umtu ning kha cawng law, a herh huaha loah mibu lak umkal le khualtlawn kha hrial.

Source: WHO

Zawtnak hmelchunhnak

COVID-19 nih midang cio kha phun dandang in a den hna. Zawtnak nih a denmi hna mi tam u cu din tein an zawt hnu ah zualhma tuk lem loin an zaw lai i siizung ah um loin an dam than.

Zawtnak hmelchunhnak a tam bikmi:

  • Taklinh.
  • Khuh ro in khuh.
  • Tha baatnak.

Zawtnak hmelchunhnak a tlawmmi:

  • Ttam le a fakmi.
  • Hrom hriah.
  • Chung thlik.
  • Ruhkhuafah.
  • Lufah.
  • Thil rim theih khoh lo.
  • Takpum ttial a si lo le kutdong kedong phin/ durh .

A zualhmami Zawtnak hmel chunhnak:

  • Thawchuah i harh a si lo le thawchuah ding chambau.
  • Ttaang awn fah a si lo le rit ngai in um.
  • Holh khawh lo a si lo le cawlcangh khawh lo..

Hibantukin a zualhmatukmi zawtnak hmelchunhnak na ngeih ahcun Sii ai i thlawpnak ah kal cawlh. Na kal hlan ah sii bawi hna le ngandamnak lei rianttuantu hna chawn ta lengmang hna.

Zawtnak hmelchunhnak a zualhma lomi hna cu an mah tein inn ah an i thlawp kho ko.

Buaktlakin zawtnak a kaimi hna cu ni 5-6 tiangah an zawtnak hmelchunhnak a lang, a si nain ni 14 chung caan a la kho.

Source: WHO

COVID-19 zawtnak in a zaw i inn ah a ummi na si maw?

  • Inn chungah a ummi hna sin in a dang khan chungah um. Na umnak khan ah zunput a umchih ahcun a ttha chinchin.
  • Nangmah tein nifatin na zawtnak hmelchunhnak i zohkhenh. Na zawtnak a zualtuk a si ahcun 999 ah chawn( Thawchuah harhtuk & taklinhtuk).
  • Zunput ai hrawmmi nan si a si ahcun, zunput na hman khawh in midang na chawnh lonak hnga thiang tein ttawl.
  • A tu le tu na kut kha tii le chapiat in ttawl a si lo le hand sanitiser hmang.
  • Mask in i hup law inn chung a ummi a dang he meter 1-2 hlat in um.

Source: Ministry of Health Malaysia

Raise Khansii

Rampumpi tiang chawnh khawhmi zawtnak COVID-19 nih a langtermi cu vawlei pumkhat ah a um dih mi kan si bantukin, kanmah le kanmah kan i kilven lawng kan zapi in kan him lai. Raise khansii hi ningcang zulhmi lam pakhat lakah, rampumpi tiang chawnhkhawhmi zawtnak tiang hin a kan bawm kho tu a si. Raise khansii hi nangmah le na dawtmi hna hmai lei caan ah ttihnungmi COVID-19 rai i chawnh i chawnh barhnak tiangin an khamh tu a si .

COVID-19 ruangah Upa cangmi hna le sii ai a ding liomi hna, thikai, Zunthlum, cuap zawtnak a ngeimi hna caah a hlei in an caah ttih a nung. Cu caah hi bantuk zawt a ngeimi hna cu COVID-19 raise khansi i chunding forhfial kan in duh hna.

Mincazin khumhnak le a dang thawngpang

Movement Control Order (MCO)

National Recovery Plan cu dot 4 ah tuah dingin June 2021 ah khan Malaysia Cozah nih thawngthanhnak an tuah. The National Recovery Plan cu thil sining phun thum ah aa hngat:

  • Nifatin COVID-19 a ngei tharmi minung zat
  • Intensive Care Unit (ICU) khan ah ihkhun hmanmi zat
  • Raisekhan sii a chunmi minung zatuak ningin

COVID-19 a karhmi zornak ding caah Malaysia Cozoh nih SOP zulhphung an tuahmi zulh khawh i zuam.

(SOP) Zulhphung Ningcang tein rikhiahmi