Kuala Lumpur – Malaysia um UNHCR Riantuannak nih Asia Pacific ah a riantuannak ah aa telmi UNHCR’s Division of International Protection Director Elizabeth Tan a tlawnnak cu tu thla hramthawk ah khan an rak don.
A tlawnnak nih aa tinhmi cu Malaysia ram i a harmi kilvennak pawngkam kong cawn le hngalhthiam a si, cu lio ah ralzam zatlangbu le a biapi mi Cozah le mipi he aa pehtlaimi hna he tonnak a ngei.
A tlawn chung ah, Tan cu Malaysia Ministry phunphun i upa hna nih tonnak phunphun in lunglawm tein an don. Ramchung ram leng Vuanci Zung i Deputy Secretary General (Security) Dato’ Haji Abdul Halim bin Haji Abdul Rahman, Deputy Secretary-General Dato’ Cheong Loon Lai le Hamzah bin Ishak, National Security Council i Deputy Director-General hna sin ah zaang fahnak bia a chim.
Hi tonnak hna chungah UNHCR le Malaysia Cozah nih ramchung ah ralzaam kilvennak kong he pehtlai in, ralzam kilvennak tawlrelnak ah i bawmhnak in hmailei kalnak lam kong an ceih. Malaysia Cozah le UNHCR nih ramchung ah ralzaam kilvennak kong ceihhmainak pehzulh dingin biakamnak an tuah than.
Tan nih Malaysia ram i zatlangbu nih an tonmi harnak le lungretheihnak hna le hi nu hruaitu hna nih an zatlangbu thazaang peknak, thazaang peknak le bawmhchanhnak caah an i zuamnak hna kha hngalhthiam deuh awkah ralzam nu zatlangbu biapi bik pawl zong a ton hna.
Tan cu June 2022 ah UNHCR i International Protection Division ah Director ah rian pek a si. 1995 ah UNHCR ah a lut, cun Protection, Policy le management rian tampi a ttuan cang, Burundi, Sudan, Sri Lanka, le Egypt telh in vawleicung pumpi ah riantuannak phunphun ah rian a ttuan cang i Geneva um UNHCR zungpi Africa Bureau ah mi a si.