UNHCR ah zungluh min cazin khumhnak le Ram thumnak lei kalnak tawlreltu Unit ah rian ka ttuan tiah aa timi nu pakhat kong naite ah UNHCR nih thawngpang a don. Nu nih hin ralzaam pawl cu WhatsApp in aw cakuat le caa in cakuat a kuat hna, cun UNHCR cazin, zung rat ni caan, le Zungluh min cazin khumhnak le Ramthumnak lei kalnak interview tuahnak caah bank account ah RM2,000-3,000 karlak i thlennawn dingin a hal hna.
Mifir nih a hmanmi theihmi phone nambar cu 011-33321567 asiloah 011-16560601 an si. Mah cu mihleng hmang nu nih cun UNHCR ah report nan ka tuah ahcun nan UNHCR i card/catlap hi cancel piak nan si lai i nan case hi phih piak nan si lai tiah a chawnhmi hna paoh a ti hna. A chim rihmi cu UNHCR ah riantuantu pakhat ka si caah report nan ka tuah zongah ka cung ah zeibatuk harsatnak hmanh a tlung lai lo tiah a ti rih hna.
Hi phone nambar hna chungin cakuat vialte kha leh lo ding le zeirel loin um ding in ruahnak kan cheuh, cun online form in UNHCRstrong sinah report tuah, na sinah kuatmi cakuat hna i screenshot pawl kha peh chih.
Mahhi hi a hrokhrawlmi khuakhannak a si. Hi bantuk minung hi UNHCR ah rian a tuan lomi an si. UNHCR riantuannak paohpaoh cu man pek a hau lomi a si. Zung luhnak kong ah siseh, Ralzam Cohlannak Biachahnak (RSD) kong ah siseh, cun a dangdang kong ah siseh UNHCR ah riantuantu aho hmanh phaisa pek a ngah lo.
UNHCR ah biahalnak (interview) pakhatkhat phitnak ah siseh, asiloah ram thumnak lei lanhnak kong ah siseh minung pakhatkhat nih UNHCR ah a hleice in pehtlaihnak ka ngei tiah phaisa an hal sual ahcun kha bantuk minung kha i ralring. Nangmah na konglam le na pumnak sining kha hi bantuk mi hrokhrawl sin i chim chin dingah i ralring.
Zeitinhmanhah UNHCR nih na bank account number hmangin midang in sin phaisa va kuat dingin an in hal bal lai lo. Ralzam cungah phaisa hal a hmangmi UNHCR riantuantu hna cu an rian dinhter colh an si loah cun palik sin ah report colh an si lai.
Hibantuk phaisa halnak kong he pehtlai in lunghrinhmi na ngeih i UNHCR ah report na tuah ruangah na UNHCR card chuh na si lai lo, na case zong a fumhter lai lo i na case zong phihpiak na si lai lo.
Hi bantuk minung nih UNHCR ah riantuantu ka si tiin zung luhnak interview, RSD, Ram thumnak lei lanh kong asiloah a dandang kongah) kan bawmh khawh lai tiah an chawnh i phaisa an hal ahcun phone an chawnhmi kha that law rianrang in hika ah report pe colh:
- Palik CCID Scam Response Center ah 03-26101559 asiloah 03-26101599 ahhin report tuah
- Mahhi form hmang in UNHCR sinah
UNHCR riantuan ningcang le bawmhnak kong hna ah tamdeuh theih na duh ahcun Refugee MAalsyai website ah hin zoh le rel khawh a si.