Dúkabazir Húñciar Takár BFS

Añí Kengorí búijjoum de ki añáré dúka diazar?

K
C

Dúkabas ókkole duara-bocótigorá, doftórgorá, maali modot, UNHCR or dokymén yá refíjir dabdawa ókkol óite loi hédmot ókkol or bodolat thiañ yátoba cáhawati húwayec furagorá óite loi oinno modot ókkol saá. Endilla zañsa gin tuáñré neze-nize, fúnloi oré, yá Facebook, You Tube, yá WhatsApp doilla cómazi midiar loi goríbo. UNHCR or karwaiyillá zodi honó thiañ yá honó modot saá de óile, iyan dúka.

Kessú-kessú thaim ót, tuáñr biccác háselgorí bólla dúkabas ókkole UNHCR or nomaindar báhana gore. Ítara tuáñré bíraibólla UNHCR lói taalukat asé hói maalumat ókkol deháit fáre.

Manúic zará éndilla misá hóta ókkol hoó tará tuáñr hálot or fáida útar dé. Taráttú duré táko ar taráré biccác nogóijjo. É manúic gun tuáñr thiañr fosé duñre. Húñciar táki ar dúka noháiyo.

Hámicá monot rakíba de ki UNHCR arde íbar paáthnar ókkol or goré de hédmot ókkol maana.

Dúka háiyoum de íyan óttu añí kengorí basiyoum?

K
C

Paasput, sártifikéit ókkol, yá UNHCR óttu hásel góijjo de dokumén ókkol óite loi tuáñr nizor data yá dokumén ókkol oré UNHCR arde íbar paáthnar sára honó kiyaré cíar nogoríba.

UNHCR arde íbar paáthnar ókkol or ókkol hédmot arde modot maana. UNHCR or ekkán hédmot ólla thiañ saá de zehonó kiyaré yá zehonó tonzim oré biccác nogoríba.

UNHCR or hédmot ókkol or bodolat cáhawati húwayec furagorá óite loi thiañ yá zehonó modot saá de zehonó kiyaré biccác nogoríba, ar UNHCR ót íyan fóuran repouth goríba.

Ki óibo zodi añí dúkabazi gorí?

K
C

UNHCR oré misá maalumat diagan dúka. Tuáñrtú hámicá UNHCR oré furafuri ar háñsa maalumat diyaforibo.

UNHCR oré gumrá gorí bólla hákikot oré zaliyati gorí yá luai oré hañsa maalumat di nóo farode óile, nisor notiza gin mukabela gorá foribo:

  • Kec thiañr modot yá duara-bocótigorá óite loi sáara, modot yá lamba miyadi hól ókkol faibólla nalaiyek óitfaro;
  • Zehonó dúkar elzam ókkol tuáñr fáil ót rekod óibo;
  • Dúkabazi íyan tahákík gorár douran, tuáñr keis gan ót kafí deri óitfare, ar íyan oré éthaim ót dóri rakázaibo;
  • Tuáñr fáil ót rekod óibo de zehonó dúkabasi gan dua-bocótigoráibo de dec ókkol ót cíargorá zaibo. Zodi tuñí jrúm góijjo de íyan or cubá lage de óile, émutaallek adikar ókkol oré repouth gorá zaibo.

Kengorí añí dúkabazi gan repouth góijjoum?

K
C

Tuñí refúji ókkol or baabute nalic yá dúkabazi góijje de oinno zon or baabute nalic oré eçe "Refugee Malaysia online fraud and corruption complaints form" or zoriya yá mlslufrd@unhcr.org ót email zoriya gorífariba.

Zodi tuñí UNHCR or estaf, yá UNHCR or paáthnar ókkol or estaf yá kontraktar ókkol or zoriya óiye de bod-sóllut or repouth góittó soó de óile, meérbanigori íyan oré fóuran UNHCR’s Inspector-General’s Office (IGO) yer gúijjat iín or zoriya foñóso:

Email: inspector@unhcr.org
Onláin: IGO Online Complaint Form
Ciñçí: UNHCR, 94 Rue de Montbrillant, 1202 Geneva, Switzerland

IGO ré repouth gorágiyé de fottí keis or ki óibo de íyanor aró maalumat zani bólla eçé kilíkgoro.

Fókkoraibazir repouth goré de woktót, zeddúr maalumat dibar mumkin óo éddúr diba. Tofsil iyan ót cámilgoro fókkorai góijje de honé, elzam diyagiyé de wakia gan hoñótté ar hoçé óiye, óitfare de dúka íyan hondillagorí foriso góijjó, ar íyan hondilla dúka óitfare. Zehonó modot goré de sóbut, sugé deikkó de íyan or baabute maalumat, yá wakiar baabute oinno tofsil ókkol cámil goróonsa.

UNHCR e tamám cékayot oré mosbutgorí dóre ar fottí ek enfóradir fisálidóre. UNHCR loi goré de ókkol taalukat oré cupairake. Cékayot góille UNHCR ót asé de tuáñr keis or honó doilla hóti noóibó. Cékayot ót meérbanigori tuáñrtú zana asé de ókkol hákikot arde sóbut ókkol diyo. Zodi tuáñr taaluki tofsil ókkol diyó de óile, añára tuáñr cékayot loi oré tuáñr fisáli táikkoum.

Cékayot ókkol nam or foriso nodi oré yó gorifare..