Malaysia’r UNHCR óttu TikTok Ekon nái. UNHCR or hoi dabi gorédde ókkol TikTok ekon misá.
Añára uggwá dúkabas TikTok @rohingya.edu2 arde Facebook (Rohingya News Malaysia
) ekon e Malaysia’r UNHCR or hói dabigorédde zani. E ekon nun honó báfe UNHCR loi taaluk nái ar pablík ókkol oré refúji kommuniti ókkol or, UNHCR or estaf ókkol or, arde paáthnar NGO ókkol or fothú ókkol cíar gori UNHCR or nomainda hói uggwá misá toiyari loi gumráyir rasta dehar.
Ekon uún biyaggún misa.. E ekon gun or fisóttu asé de manúiccún UNHCR loi taaluk nai ar doftórgoron, (RSD) yáani Refújir Tofkar Fáiselagoron, yáa duara-bocótirgoron or karwaiyir honó modot goríbar ektiyar nái. Meérbanigori nizor maalumat oré tara’r hañse cíar nogóijjo yáa thiña foica nodiyo.
Misá Ekon Baabote Repouthgorár Niyom
Nisortú diya asé de usílagin estamalgori daárik TikTok oré e kon or baabote reouthgorí bólla añára tuáñré zurdi oré hoir:
- TikTok: Ekzon Estemalgorouyar Repouthgoro
- YouTube or Hédayot: TikTok oré Repouthgorár Torika
Zoruri Yadgaridiya
- UNHCR or dokumen ókkol, RSD yáa Refújir Tobka Fáiselagoron arde duara-bocótirgoron ordua loi UNHCR or ókkol hédmot MAANA.
- Honó hédmot yáa thiañr bodolat tuáñré duara-bocótigoron yáa UNHCR or oinno karwaiyit modot gorífaribó hói dabigoré de zehonó kiayattú húñciar takóo.
- Endilla dabi-dawa gorédde manúic ókkol loótfaiyóde óile, meérbanigori tarár baabote eçé repouthgoro: Police CCID Scam Response Centre: 03-26101559 / 03-26101599
- UNHCR: Repouth zomagoro efórom mwá estemalgori
Cubálage de ham or baabote repouth góille tuáñt keis or hóti nóoibo. Tuáñr UNHCR or dokumen kensel noóibo, ar dúkabas or repouth gorón or zoriya tuáñr keis san oréderi gora yáatobabongora nozaibo.
UNHCR or hédmot ar karwiyi ókkol baabote sóyi maalumat faibolla, meérbanigor zaisoó Refugee Malaysia website.