Meérbanigori zanai diyazar de ki 21 Julai 2025 óttu cúrugori UNHCR or Dórafora arde Bondir Hóthlain (012-630 5060) or hamor thaim bodoille. Elain nwá sríf refúji arde sáara-tuouya ókkol ordórafora arde bondir ówar repouth oré nisóttu diya asé de thaim ót repouth gorí bólla :
Háftar-hamordin – Cómbar óttu Súkkurbar : Ázinna 2 wáttu ázinna 6 wá foijjonto
Háftar-cúthírdin – Cónibar ar Roibar (UN or cúthírdin ókkol loi ordua): Beinna 8 wáttu ázinna 4 gwá fóijjonto
Dórafora ar bondir repouth oré Taalukgorár Fórom di oré “Refugee Malaysia website” óttu gorífare.
Kaanuni Héfazotdiyar Yuníth e bondir hóthlain arde “Refugee Malaysia website” óttu góijje de ókkol dóraforar repouth uore nozor rakíbo. Híjorot or kaanun loi dárafóijje de refúji arde sáara-tuouya ókkol oré aró bondi arde/ yáa bisar or muámúikka nogoríbólla zoto toraturi fare toto toraturi émutaallek kaanun estemalgorár tonzím loi mili zorurot mutabek mazórtúgóli hamgoríbo.
Meérbanigori “Refugee malaysia website” ót zaiKaanuni Héfazotgoron, Doftórgoron, (RSD) yáa Refújir Tobkar Fáiselagoron, Duara-bocótigoron, wagáira wagáirar baabote aró becí maalumat faibólla “Refugee Malaysia website” ót zaisoó.