Afghan or mancóre thargeth gorí gorédde ekkan dúkar repouth UNHCR e faiye. Email ókkol loi, uggwá mancé dabi gorédde ki UNHCR arde Afghanistan or America’r fúus (USFORA) ókkole 50 zon dorháasgoróuya ré Netherlands ót duara-bocótigorái bólla Háas Insaniyot or Vísa di modot gore.
Yian ekkán dúkabazi. Emanúic gun UNHCR loi honó taaluk nái ar honó kiyaré duara-bocótigorái bólla taráttu honó paáwar yáa taakot nái. Taráré tuañár nizor maalumat cíar nogóijjo yáa taráré honóo thiañ nodiyo.
Amerca’r Refúji Lowar Frúgram (USRAP)’r ahéri elan or fúañti, ehálot or fáida tíler de manúic ókkol ottu húñciar takóo. Tuáñr nozorot cubá lage de honó leikká hóbor fóijje de óile yáa oo manúic ókkol zara dabigoré de ki thiañ loi yáa honó hédmot or bodolat duara-bocótigorái fare hói dabigoré de yían fóijje de óile, eçé repouth goro:
- Ókkol óttu beci hañsór fulíc gáñtit yáa CCID Dúkazir Juwabdiyar Morkoz ót 03-26101559 yáa 03-26101599 (Beinna 8 wáttu- ázinna 8 wá)
- UNHCR e fórom gan estemalgori.
UNHCR or ókkol hédmot maana. Thiañ yáa oinno hédmot or bodolat tuáñré duara-bocótigorái dibor motdot yáa UNHCR or zehonó ekkán karwaiyi goridibár modot gorífaribó hói dabigoré de manúic ókkol óttu húñciar takóo.
Zodi tuní cubá lagedé hórkot ókkol or baabote UNHCR ót repouth goró dé óile, tuáñr UNHCR or kaád kensél nogoríbó ar tuáñr keis or ham oré deríyó nogoríbó yá bonó nogoríbó.
UNHCR or karwaiyi ókkol arde modot ókkol or baabote aró becí maalumat faite, meérbanigori “Refugee Malaysia website ót zai soó “.