UNHCR Malaysia’r óttu sríf uggwá ofísor Facebook ekon asé (www.facebook.com/UNHCRMalaysia). Añára refújir keis ókkol mocuara goríbólla Facebook estemal nogori.
UNHCR Malaysai’r or hoi misá dibagorér dé Facebook ekon arde pust ókkol or baabote añára ré zanai diyagiyé. Oinna zehonó ekon honó súrot ót UNHCR loi taaluk nái ar yíin e UNHCR arde/yáa kommiunithi liídar ókkol hoi misá dabidawa gorér.. Tará pablík ókkol óre refúgi kommiunithi ókkol or fothú, UNHCR or estaf arde paáthnar NGO ókkol or fothú cíar gori óre golot rasta dhái UNHCR or misá nomaindagiri boner.
E ekon yiín or fisóttu asé dé manúiccun e UNHCR loi taaluk nái dé mancór foriso estemal gorér ar doftórgoron, dokumén don, Refújir Tobkar Fáisela yáani (RSDI goron, yáa duara-bocótír karwaiyi gorónor honó pawár nái. Meérbanigori tuáñr nizor maalumat cíar nogóijjo yáa taráre honó thiañya-foicá nodiyóo.
Misá Ekon Baabote Repouthgorár Niyom
Añára tuáñré hoitam sair dé ki nisor zoriya gin óre estemal gorí daárík Facebook óre repouth goro.
Zoruri Yadgaridiya
- UNHCR or ókkol hédmot MAANA, zeçé UNHCR or dokumén ókkol, rejistargoron, refújir tobka fáiselagoron(RSD) ar duara-bocótigorónó cámil.
- Honó hédmot yáa thiañr bodolat tuáñré duara-bocótigoron yáa UNHCR or oinno karwaiyit modot gorífaribó hói dabigoré de zehonó kiayattú húñciar takóo.
- Zodi tuñí endilla mancór muúntu fóijjo de óile, meérbanigori yíin eçé repouthgoro:
- Police CCID Scam Response Centre: 03-26101559 / 03-26101599
- UNHCR: Repouth gan oré zomagoro e fórom gan estemalgori.
Cubálaa de ham or baabote repouth góille tuáñr keis or hóti nóibo. Dúkabazir baabote repouth góille tuáñr UNHCR or dokumén ekensel noibo, ar tuáñr keis san deri yáa bon noóibo.
UNHCR or sóiyi hédmot arde karwaiyir maalumat ókkol faite, meérbanigori Refugee Malaysia website ót zai soó.