UNHCR e repouth faiyé de ki Haris Bhai, Mr Haris, Haris Khan, and Mr Barmi hoó de ekzon Rohingya ye UNHCR or logo estemalgori zali Refugee Malaysia app uggwá banaiyé. Ibá ódor manúic zibáye YouTube vídiyu túli UNHCR or karwaiyi ókkol gorídifaré hóidabi góijje ar WhatsApp grúp uggwá banaiye ar UNHCR or logo estemalgorí channel uggwá baniye (Dúkattú Húñciar: Mr Haris / Haris Khan / Mr Barmi).
Iiyan ekkán zál ham yá dúkabázi. Emanúic cwá UNHCR coñíjja noi. Ibá UNHCR loi taaluk nái.. Íbáttu UNHCR or honó dokumén nelai doonor yá kiyáttu zaatí maalumat aros gorí loonor honó éktiyar yá kaabeliyoti nái.
Meérbanigori aró kíyal rakíbá dé ki UNHCR e honótté tuáñrtú thiañ nosaibó. Thiañr bodalat, UNHCR or dokumén ókkol faibólla modot gorídifaribó, UNHCR or karwaiyi ókkol faidibó yá tuáñr keis oré jolti trék goráidibó hói dabigoré dé manúic ókkol óttu húñciar. Tuáñr zaatí maalumat tará ré cíar nogóijjo.
Zodi tuñi manúic ókkole UNHCR or hédmot ókkol (UNHCR or dokumén ókkol, rejisthrecén,RSD, duara bocótígorá, wagáira-wagáira) thiañ loi gorí difaríbó hói dabi goréddé déikkó dé óile, íiyan oré eçé repouth goró:
- Fulíc CCID Dukár Juwabdiyar Sentar óilde 03-26101559 yá 03-26101599
- UNHCR or e fórom mwá estemal gorí
Zodi tuní cubá lagedé hórkot ókkol or baabote UNHCR ót repouth goró dé óile, tuáñr UNHCR or kaád kensél nogoríbó ar tuáñr keis or ham oré deríyó nogoríbó yá bonó nogoríbó.
UNHCR or karwaiyi ókkol arde modot or aró maalumot faité, meérbanigori “Refugee Malaysia website” ót zai soó.
