Malaysia’r UNHCR óttu TikTok Ekon nái. UNHCR or hoi dabi gorédde ókkol TikTok ekon misá.
Añára fdúkabazir TikTok @rohingya.edu2 arde @Tasmida.sidik ekon óttu UNHCR Malaysia’r hoi misá dibigorérdé óttu húñciar góraidir. E ekon gún UNHCR loi honó doilla taaluk nái ar UNHCR or hoi arde koum or liídar ókkol hoi sónna dóijje. Tará refúji kommunitir fothú ókkol, UNHCR or estaf arde paáthnar NGO ókkol or fothú ókkol cíargorí pabilík oré golot rasta dehái UNHCR or misá nomaida boner.
Ekon uún biyaggún misa.. Ekon ókkol or fisóttu asé de mnúiccún UNHCR loi taaluk nái de mancór foriso estemalgorér ar taráttú registri, Refújir Tobkar Fáisela yáani (RSD, yáa duara-bocótir karwaiyi gorídibar honó pawár nái. Meérbanigori tuáñr nizor maalumat cíar nogóijjo yáa taráre honó thiañya-foicá nodiyóo.
Misá Ekon Baabote Repouthgorár Niyom
Nisortú diya asé de usílagin estamalgori daárik TikTok oré e kon or baabote reouthgorí bólla añára tuáñré zurdi oré hoir:
- TikTok: Ekzon Estemalgorouyar Repouthgoro
- YouTube Guide: TikTok ót Repouthgorár Torika
Zoruri Yadgaridiya
- UNHCR or ókkol hédmot MAANA, zeçé UNHCR or dokumén ókkol, rejistargoron, refújir tobka fáiselagoron(RSD) ar duara-bocótigorónó cámil.
- Honó hédmot yáa thiañr bodolat tuáñré duara-bocótigoron yáa UNHCR or oinno karwaiyit modot gorífaribó hói dabigoré de zehonó kiayattú húñciar takóo.
- Zodi tuñí endilla mancór muúntu fóijjo de óile, meérbanigori yíin eçé repouthgoro:
- Police CCID Scam Response Centre: 03-26101559 / 03-26101599
- UNHCR: Repouth gan oré zomagoro e fórom gan estemalgori.
Cubálaa de ham or baabote repouth góille tuáñr keis or hóti nóibo. Dúkabazir baabote repouth góille tuáñr UNHCR or dokumén ekensel noibo, ar tuáñr keis san deri yáa bon noóibo.
UNHCR or sóiyi hédmot arde karwaiyir maalumat ókkol faite, meérbanigori Refugee Malaysia website ót zai soó.