22 tarík Januari 2025 ót, UNHCR e 67 twá koum or grúp óttu 119 zon refújir liídar lio oré ekkán toón hóol ót mítíng uggwá góijje taaké koum óol or ocántír hotáttara zomgorí loi perecanir hól górifare.
Mítin ót, UNHCR e nuwa Nomainda, Louise Aubin, arde nuwa dusára tobkar Nomainda, Leyla Nugmanova ré forigoráidiye. Nomainda e koum or liídar ókkol ore refúji hísafe uggwá sólluki awas házér goríbólla arde koum or grúp or mazé paáthnargiri toiyargoríbor zorurir taagít diye taaké doulot cíargoróon arde héçam toiyargoróon oré baráifare. UNHCR re endilla ham ót mocgul tákon arde koum e sola de cúrur hañí ókkol oré mosbut goríbólla paáthnargirir talac gorá ré abbár fakka góijje.
Koumor liídar ókkole rejistargorár thaim or címa, bongorí ráikke de keém ókkol ót gólon arde 2025 ólla torjidibar ham ókkol or ehém mosóla ókkol tulí dóijje. Nomainda ye elom háselgoróon, sehétíhédmot arde zindigigorár zoriya ókkol órdua loi Malaysia’r refúji ókkol or ukilgirí goróon ólla UNHCR or wadanama ré duara fakka góijje.
While advocacy efforts continue, refugee groups also play a key role in promoting peaceful coexistence by reminding community members to abide by the laws of the country. Refúji arde mokami koum or mazé aró buzábuzi toiyar óibólla, UNHCR e Rosómi Icárar Moujúl Ókkol goríbo ziyane refúji ókkol oré mokami rosóm ar rewaj or uore zoruri maalumat ókkol dibo.
Sehétihédmot or hóros becí óiye de yían ólla, ókkol refúji arde sáar-touya ókkol óttu Refúji Elac or Incúrens(REMEDI) ót gólon gan becí zoruri ar Touch n’ Go e-Wallet ót sain ápgori tarar maali héfazot goróon or kodom uthón zoruri.
UNHCR e refúji grúp ókkol ore mokami kounsil arde tarár koum or cíardar ókkol or sañte sáñt di tarár modot or netwáak mosbut goríbólla hósalade. Abbaró, Nomainda ye ekucíc gan thikai rakóon or fakka goríbólla paáthnargirir dam or uore zuúrdiye.
