Koum or Liídar Ókkol or Thounhóol(23 Épril 2025)

Friday / 04 July 2025

Dusárabar Koumor Liídar Ókkol or Thounhóol oré kayemgorágiye 23 é Ipril 2025 ót, zeçé 70 gwá koum or grúp óttu 116 zon refúji liídar ókkol or sáñte Refújir Sólla-mocuarar Boódh, Durézai Hamgorár Bolódiya arde Juan or Plathfom Solaibár Komithi zoma óiye.

Malaysiar UNHCR or nomainda Louise Aubin loi mili hotabáttra hoórde woktót, koum or liídar ókkole ehém hádsa ókkol zahér góijje. Yíin or bútor Amirikat Refúji Loizonor frúgram (USRAP), Dec-bidecór Ketolík Híjoroti Komicen(ICMC) ofís bongorár baade mainya-morot bédabet or danga-fósat óttu basi accé de yítaralla thikitáke de modot or zorurot, rejistargorár thaim or címa, bondihánat asé de manúic arde decóttu nelaidonor hótorat asé de manúic ókkol or modot or dabi ókkol asé.

UNHCR e ehém súwala-sali ókkol or juwab di héfazot arde hólgoron or mumkin oré aró barái kommuniti ókkol loi mili hamgorár fakka wadahat diye. Aróo, UNHCR e asé de cómazi héfazot or mekanism ókkol ore estamal or ahámiyot hotá yiaat goráidiye, zendila ne kí Refúji Elacgorár Insúrens (REMEDI) arde Touch ‘n Go, háasgori kulduniyar insániyot or hamgoróuya ókkol oré hótigorédde fún or obáb ar muúntu mukabela gorédde celenc ókkol.

Eboiçók kwá ré koumor liídar ókkole bálagori mani loiye, tarár bútortú ekzone “Yian waakí kúlamela nozorot aiyé. Añára ekzon arekzon or sañt di añárár aám mosóla ókkol oré hólgorár kucíc goriddé éndilla dilot lager” hói raidiye.

Juwan or matahátít sole de refúji tonzim oggwá yo esteij ót uçi fáantula arde paáthnar-banon or uore hotá hoi refújir dai óolor mili hamgorár ahámiyot oré zurdiye taaké tarár koum óol oré modot goróon gan tíirossañte zari rakífare.

Hazir aiccíl de manúiccun oré foriso goráidiye dua ehém refúji córik óibar plathfom loi :

  1. Refújir Mocuaradiyar Boódh(Refugee Advisory Board)– Malaysia’t asé de héfazot or mahóul torkigorár moksút loi refújir awas ókkol oré borogoron arde ukilgirir kucíc oré asángoron ólla kaayem ói.
  2. UNHCR or trennínfaya Durézaihamgorár Bolódiya Ókkol (UNHCR-trained Outreach Volunteers –Zaga-bozagat cíñçi táikke de refúji abadi ókkol or ehém maalumat háselgora barái te húñciarir boiçók goribólla sórusámana diya koumi membór ókkol

Thounhóol alaf arde mili hamgorár ekkán ehém zaga hísafe hasgóijje, zeçe UNHCR e goré de faisela ókkol ót refúji arde sáara-tuouya ókkol or fikír ókkol cámil goribólla yíbar zari rai oré fúçai túille.



Share