Malaysia’r UNHCR óttu TikTok Ekon nái. TikTok ekon zuún UNHCR or dabigorér é ún biaggún misá.
We ht @unhcr.refugeemalaysia, which is falsely claiming to represent UNHCR Malaysia. E ekon nwá UNHCR loi honó taaluk nái ar refúji kommunitir torfóttu fothú ókkol, UNHCR or estaf or fothú ókkol arde NGO pathnar ókkol or fothú ókkol cíargori UNHCR or misá nomaindagiri toiyar gori oré pablik oré golot foñté loizar.
E ekon biyaggún misá. E koun gun or fisóttu ze manúiccun asé tará UNHCR loi honó taaluk naí ar rejistar yáni doftór gora, RSD yáni Refújir Tofka Fáisela gora, yáa duara-bocótigorár karwaiyir modot goríbor honó ejazot nái. Meérbanigori tuáñr nizor maalumat cíar nogóijjo yáa taráre honó thiañya-foicá nodiyóo.
Misá Ekon or Repouth Gorár Torika
Añra tuañré arosgorí de ki nisortú asé de wasíla gin estemalgorí e kon nwá baabote daárik TikTok ore repouth goróo.
- TikTok: Ekzon Estemalgorouyar Repouthgoro
- YouTube Guide: TikTok ót Repouthgorár Torika
Ehém Yaad Dilaidiya
- UNHCR or ókkol hédmot MAANA, zeçé UNHCR or dokumén ókkol, rejistargoron, refújir tobka fáiselagoron(RSD) ar duara-bocótigorónó cámil.
- Thiñya yáatuba honó ekkán hédmot or bodolat duara-bocótigoron yáa UNHCR or karwaiyi ókkol ót modot gorí fare hói dabigoré de ítarattú húñciar takóo.
- Zodi tuñí endilla mancór muúntu fóijjo de óile, meérbanigori yíin eçé repouthgoro:
- Police CCID Scam Response Centre: 03-26101559 / 03-26101599
- UNHCR: Repouth gan oré zomagoro e fórom gan estemalgori.
Cubálaa de ham or baabote repouth góille tuáñr keis or hóti nóibo. Dúkabazir baabote repouth góille tuáñr UNHCR or dokumén ekensel noibo, ar tuáñr keis san deri yáa bon noóibo.
UNHCR or sóiyi hédmot arde karwaiyir maalumat ókkol faite, meérbanigori Refugee Malaysia website ót zai soó.