Refúji Elac or Incúrens (REMEDI)’r BFS

Incúrens or Hotá Ókkol Buzóon

Agortúdóra asé de biram or maani ki?

K
C

Agortu dóra asé de biaram or maani óile tuáñrtú REMEDI't nogólibar agedóri zebiaram accíl yá zebiaram loi duk faát accíla. Tuáñrtú agortú dóra biaram accíl de yían zana asé hói dóra zaibo zodi:

• Tuñí elac góijjo yaa elac gorát asó;
• Elacor mucuara, theésgoróon, zotton yá elac or cúaríc gorágiye de óile;
•Sáb-sáb alamot ókkol buzágiye de óile;
• Yían or wojut oré hálot ókkol ót becí mancóttu sáb óiye de óile.

Kessú háas biaram maani ki?

K
C
‘Háas biaram ókkol óil' de nisórtú diya asé de komzuri ókkol arde tarár taaluki mockil ókkol iín incúrens or 120 din or bútir óiáiye:

•Amgurudár biaram
• Ókkol kensar

Oinno lofzót hoile, tuñí incúrens kini baade 120 din or bútor uoror dui kisímma hálot loi honó ekkan dabi gorí nofaríba.

liífleth yáni sáibaidia giyé de habos ót, "yian hoór de ki késsu halot ókkol ore incúrens óttu baddiya giye" Yian or maani ki?

K
C
Baddiya giyé de íin óil de késsu elac or hálot/ elac ókkol ziín or hóras incúrens e nodibo. Biariamattú incúrens asé de óileyó, taráttu ehálot iín ólla hóspitel uçi elacgoríbó de íin or thiañ nizóttu diaforibo. Meérbanigori "REMEDI e ki ki hóros boói nozabó" hóde híssa yían or fura liís ót zaisoó.

Bútoror biaraimma arde baáror biaraimmar elac maani ki?

K
C
• Bútoror Biaraimmar Elac

Bútoror biaraimmar elac óile hóspitel or bútor saásíta gorá yáa bútoror biraimmar oinno doilla cúida, zicé tuñí uçi oré homot ek rait haçaiyó-mazé-mazé yíartú becí- ziyan tuáñr biaram or hálot or uore darmudar.

• Baáror biaraimmar Elac
Baáror biarammar elac óil de zehonó elac or hédmot ziyan eén uggwá biaraimma ré goré zibbartú hóspitel ót ek rait ó tákar zorurot noó. Yian ót oi biaraimma gún cámil zará elac ólla ekkán hóspitel ót sófor góre( ze elac can hoiyek ghóndar bútor óizagoi) ar édin gór ót wapes zagoi.

Hóspitel ót dahél ói uçitákon hóo de yían ki?

K
C
Uggwá daktor or cúaric loi elac ólla uggwá rejistargóijja bútoror biaraimma hísafe ekkán hókumot or hóspitel ót dahél ói uçi tákon.

Dékéar yáni dinor-elac hóo de yían oré ekkán hóspitel ót dahél ói uçi tákon huwázaibó?

K
C
Ná, dékéyar oré ekkán hóspitel ót dahél ói ucí tákon huwá nozaibo ar hóros ó nodibo.

Incúrens or Hórosdiya

18 bosór or nisor fuaindólla REMEDI ye kiyólla hóros boói noza ?

K
C
Yian eén ekkán ham or súrot noói ziyan incúrens kumfani ye ehón mani loibo. Yain zodi muúntu bodoler de óile, añára ápdéith góijjoum.

Eçé honó fémilí plan asé?

K
C
Ná, honó fémilí plan nái. Yian eén ekkán súrot noi ziyan incúrens kumpani ye ehón mani loibo. Yain zodi muúntu bodoler de óile, añára ápdéith góijjoum.

Kiyólla incúrens e privéith hóspitel ót hóros boói noza?

K
C
UNHCR or kaádh asé de refúji arde sáara-touya ókkol óttu hókumot hóspitel ót bidecóittar reit or cóthora 50 thiañ hom loó; ar yiane tuáñr bosóri hót loi boótbar hóros difaribo de yían fakkagore.

Añí incúrens ibá ré kliník ót yá hóspitel ót baárgwá bairaimmar hédmot ókkol ólla estamal gorí fáijjoum né?

K
C

Ná, incúrens ibá sríf hóspital uçí elac gorón ólla zeçe tuáñrtú hóspital ót homót ek rait haçaforibo.

Agortú dóri asé de biaram or hóros kiyólla nodede?

K
C
Incúrens óile tuáñré muúm or zobanalla maali báfe héfazotgorár ekkán hátiyar zodi zehonó ekkán guman sára hádeza zendilla ne ki eksíden yá biaram ókkol óo. Incúrens or eskim ókkole mancór bútor bifot oresóraidi hamgore. (Agor biaram or hálot loi )biaram óigiyo de woktót incúrens kinilé, dabi-dawa becí óibo oré incúren douya ókkol óttu hóros becí óibo ar incúrens folósi dóijje de fotti ekzon ólla becí premiam óibo de yían buza.

Incúrens óil de ekkán hátiyar tuáñr nizoré maali báfe guman sára hádesa yáa muúm or bifot ókkol zendilla ne kí eksíden, yáa biaram ókkol óttu héfazot gore. Zodi agortú dóri asé de biaram ókkol hóros diya óile, mancé biaram óo de éñtte incúrens kini bólla entezargoríbo ziyan ót incúrens douyar ókkol or hóros becí óibo ar fotti ekzon ólla premiam baríbo. Incúrens douya ókkole becábecí mancór bútor bifot oré sóraidi hamgore. Zodi incúrens kinar age honó kiyattú age dóri biaram asé de óile, incúrens douyalla bifot becí kiyólla hoile manúic cwáttu hóros becí óibo de éndilla elac or zorurot óibo. Agortú dóri asé de biaram or hóros diyon ót dabi-dawa becábecí óitfare.

Añártú ekkán eksíden óiye lékin añí hóspitel nóo uçí de óile, yíanó ki incúrens e hórs dizaibo?

K
C
Héñ, yian ekkán Ektiyari Zaatí Hádesar Paln orbútor góle ziyan or elac arde haçasírar hóros ókkol or mutaallek eksíden óll RM2,000 fóijjonto hórosdibo.

Añí uggwá refúji ar aáñr zamai ye becí gáil'óiye de yían ólla hóspitel ót tuillé- añí ki zai oré incúren kini íbar hóspitel or bil difáijjoum?

K
C
Ná, añra nodi zodi geránti luwagiye de manúic cwá hádesa gan incúrens gorár age óiye de óile. Aámbáfe, elac or incúrens óil de muúntú óibo de biaram arde gáil ókkol or héfazot diya ré buza, agortú dóri asé de biaram arde gáil ókkol ólla noói. Tuñí incúrens óttu hóros faibar age incúrens or folósi maniloi baade 30 din fóijjonto intezar goróon or uggwá muddod asé.

Incúrens e fottí ekzon óttu olfo thiañ loi loi hamgore taaké honó kiya ré hóspitel tulíle diaforibó de becí horós san boói zaifare. Hartú hóspitel uçáforibó de yían agortú dóri hoói nofaré de yían ólla, ókkol refúji arde sáar-tuoyartú incúrens kinonsa.

Tuáñr Incúrens Kina

UNHCR ót rejistar óiye de ókkol mancóttu kí incúrens kinonsá?

K
C
UNHCR ót rejistar óiye de ókkol manúic zarár boc 18 óttu 60 bosor tará ré incúrens kinibólla becá-becí hóusela diyazar.

Elac or incúrens san kinibólla kiki dokúmen ókkol lagibó de?

K
C
Tuáñrtú sríf miyat azaiya UNHCR or dokumén arde RM183.60 lagibo. Refúji arde sáara-tuoya ókkol zará UNHCR or kaádh háñzái oré ekkán Sárthifikéith Sóiyi Kopí faiyé de óile taráyó incúrens kini faribo.

Zodi añí UNHCR or kaádh gan háñzái felaiyi ar ehón añártú ekkán Sárthifikéith or Sóiyi Kopí(CTC) asé de óile, añí CTC gan di oré incúrens kini fáijjoum né?

K
C
Ói, tuñi faribá.

Incúrens kinibólla kí añártú koum or kaádh lagibó?

K
C
Ná, tuáñrtú koum or kaádh nolágibo.

Oinno arekzon ólla kí añí kini fáijjoum?

K
C
Ói fariba, zodi tuñí manúic íballa liís dibar ejazot faiyó de óile. Aró dorháas san or zoruri ham gin furagorí fakkagorí bólla, tuáñrtú incúrens or nomainda gwá ré ekkán miyat asé de UNHCR or dokumén diyaforibo.

Tuáñr Incúrens or Estemal

Añí REMEDI hoçé estemal gorí fáijjoum de?

K
C

Tuñí tuáñr incúrens oré komfánir noói de Malaysia'r Hókumot or hóspitel ókkol ót estemalgorí fariba. Tuñí hóspitel liís heçé saifaríba.

Hóspitel ót añártú kiki dokumén loizon foríbó de?

K
C
Tuáñr incúrens estemalgorí bólla, originel REMEDI Elac or Kaádh arde UNHCR or dokumén nin aníba.

Zodi añí incúrens kini dé óile, añáré hópitel ót tulíté thiañ diyaforibó?

K
C
Rejistar goríbáccot, zodi tuñí miyat asé de UNHCR or dokumén arde REMEDI Kaádh gin hóspitel or estaf oré diyó de óile, tuñi góijjo de elac or hóros incúrens or címar bútor óile tuáñrtú hópitel óttu neli zaite thiañ diya nofibo. Lékin tuáñrtú rejistargorí hóspitel ót uçibar thiañ diyaforibo. Zodi tuáñrtú hóspitel ót uçon arde lamizon or baabute honó súwala-sáli asé de óile, 24 góndha modot goré de Pra-Assist ót taalukgoro.

Koólgoro: 011-3301 9019 / 011-3301 9020 / 03-6202 1190

Incúrens Nuwafaldailon

Incúrens nuwafaldai loi baade yían estemal goríbólla añártú ki ábbaró 30 din fóijjonto entezar goráforibó?

K
C
Ná, tuñí yían éhon estemal gorífariba. 30din entezargorár muddot tan nuwafolósit góloiyarlá.

Zodi añí fura bosór ót añár incúrens estemal nóo gorí de óile, thiañ úun ki muúm or bosór ót hazot aibó?

K
C
Ná, thia úun muúntú arhazot noáibo. Tuáñr bosóri hót bosóre RM 20,000 gori ekdoilla táibo.

REMEDI’r Baabute Mosóla ar Súwal Ókkl

Incúrens kini baade, añártú súwal táker de óile haré taaluk gorí fáijjoum?

K
C

Zodi tuáñrtú honó súwal táke tuñí ejazotfaiya nomainda (egén) zibá ye tuáñré incúrens or fórom anídiye íba loi taaluk rakífariba. Hóspitel uçibór arde lamizaibór súala-salir mutaallek, 24 góndha Modotdiyar Sentar loi taalukgori fariba.

Koólgoro: 011-3301 9019 / 011-3301 9020 / 03-6202 1190