TNG eWallet
TNG eWallet ki?
TNG eWallet, zibaTNG Digital Sdn Bhd ye sola íba óil de uggwá digital wallet ziba ye tuáñr thiañr cúida ar héfazot or entezamgore. TNG eWallet loi, tuñí faán zomagorí fariba, thiañ difariba, ar decór bútor arde bair or dec ót ó thiañ foñósái fariba—biyággin uggwá épp loi oré. Rejistargorá féri ar12 bosór boc arde yíar uoror mancór estemal ólla kúla. Tuñí aró Touch ‘n Go eWallet Visa Kaádh ólla siríf RM15 (foñósáidiyar hóros ordua loi) hóros ót dorháasgorí fariba. Tuáñr eWallet lói daárík taaluk góijja Visa kaádh gane, ATM ókkol óttu honó duk-hostho sára thiañ dibor arde tulíloibor súrot toiyargorí de. Éppwá ré Apple App Store, Google Play Store, yá Huawei AppGallery’ttu maána lamai loó ar tuáñr thiañ-foicar entezam goríbor asán arde héfazot uggwá torikar moza maroo.
TNG eWallet ólla hone rejistargorí faribó?
UNHCR ót rejistar óiye de manúic ókkol, zará 6 mac miyat asé de ekkán UNHCR ID kaádh dóijje yá Báfasintat Aséde (UC) ciñçi asé
Manúic zarár boc 12 bosór ar yíar uore tará
TNG eWallet estemalgorár cúida ókkol
Uggwá cekgorí sóiyi faágiyé de TNG eWallet ekoun soloiya ye nisor hédmot ókkol faibo:
RM5,000 fóijjonto raká zaibo
Touch ‘n Go eWallet Visa Kaádh loi kkec thiañ tulázaibo ar dia zaibo (kaáh ólla ekkán alada dorháas or zoruri)
Malaysia't asé de zehonó beéng ekoun óttú thiañ difariba ar éçe aníyó fariba.
Mobail or pripaidh kridhíth top-áp gorífariba
Bil ókkol difariba
Asán Tobka ókkol loi Tuáñr ekoun nwá rejistargoró ar sóiyi né cek goró
EHÉM YIATGARI
-
- TNG eWallet kúlibar cót tuáñr nizor email thíkana, thíkana arde fún nombór ar UNHCR or ID estemal goróde yían fakka góijjo . Rejistargorár karwaiyit, UNHCR or taalukgorár maalumat arde email thíkana estemal nogóijjo.
- TNG eWallet épp kúli bólla oinno mancór ID estemal nogóijjo
- Ekkán cúndor sóiyi-nasóiyi cek gorár karwaiyir fakka goríbólla búza, cóçak fóijja, yá sába fóijja noófan tuáñr UNHCR or dokumén or ekkán sáb fothú apluúdh góijjo de yían fakka góijjo
- QR kud, tuáñr fura nam, UNHCR or ID nombór ar UNHCR or dokumén ót asé de fottí ekkan cámil asé de éndilla ekkán UNHCR or fura futhúr zorurot. Siríf QR kud wala futhú gan manilua nozaibó
- Tuáñr faní-battír bil mutabek gór or nombór órdua loi meérbanigori tuáñr fura thíkana gan lekíba. Yian óil de TNG Visa prepéid Kaádh gan daárík tuáñr gór ót foisai difaribór fakkagorí bólla.
- Fakka goríba de ki sélfi sóiyi-nasóiyi cek gorí bólla sélfi tulíba de woktót tuñí eén honó jinic zendilla neki mukor maás yá roidor casma nóo fiñdo, ziyane tuáñr muk oré gúri ráikke
Lamai loi Bútore Gólaibuwon
TNG eWallet Épp oré Apple App Store yátoba Google Play Store óttu lamai loi bútore gólibuwóo
SMS zoriya OTP kud
SMS or zoriya OTP kud faibólla tuáñr nizor mobáil nombór gólaido
Tuáñr ekoun oré mahafúz goro
Tuáñr ekoun mahafúz táibólla, 6-dijit PIN toiyar goro, mahafúz rakár súwal ókkol basóo ar juwab ó gólaido. Tuáñr juwab gin arde PIN nombór gwá monot ráikkó, ar honó kiya ré mahafúz rakár súwal ókkol ar juwab cíar nogoríba
Zaatí maalumat
UNHCR or ID héndilla tuáñr nizor maalumat lekóo.
YIADGORÁIDIYA: TNG eWallet kúli bólla, tuáñr nizor email thíkana, thíkana, ar fún nombór arde UNHCR or ID estemal góijjo de yían fakka goro. Rejistar goríbácót UNHCR or taaluk gorár maalumat estemal nogóijjo
Kamiyabir Sañte Rejistar Góijjo
Tuñí TNG eWallet oré RM200 wallet saiz loi kamiyabir sañte rejistar góijjo. Wallet saiz oré RM5,000 barái bólla, tuáñrtú tuáñr ekoun nwá ré nisor tobka ókkol or mutabek sóiyi né cek gorá foribó
Tuáñr Ekoun Sóiyi Né Cekgoro
Tuáñr ekoun nwá sóiyi né cek goríbólla, tuáñr profáil or uor "Not verified" aikon or uore kilík goro
UNHCR or ID basó
ID'r kisím hísafe UNHCR or ID ré basó. UNHCR or ID kaádh yá UC ciñçí ré ápluúdh goro ar zomado hoó de yían oré kilíkgoro.
YIADGORÁIDIYA: Fakkagoríba de ki tuáñr fothú gan búza, cóñçag fóijja yá sába fóijja sára sáb-sutára ófan taaké ekkán cúndorgori sóiyi né cekgorár karwaiyi fakka óo. Meérbanigori UNHCR or dokumén or ekkán fura fothú lóiba lékin siríf QR kud twá noó fan.
Sélfi Sóiyi Né Cekgoron
Ekkán sélfi tulí oré sélfi sóiyi né cekgorón oré age baróo.
YIADGORÁIDIYA : Sélfi yian tulíbarcót fakkagoríba de ki tuáñr muk gúriraké de éndilla mukór maás yá roidor cósmar dóilla honó kessú nofiñdíyo
Sóiyi Né Cekgorár Karwaiyi
Aró tofsil ókkol furagorí zomado. Tuáñr ekoun sóiyi né cekgorón gan ehón monzur óibólla dúli táikké .
NÚTH : Zomadiya baade, sóiyi né cekgorár karwaiyi gan mukommol óite hamor din 5 din yá aró becí thaim lagítfare
Kamiyab Tosdikgorá
Zodi tuáñr ekoun nwár tosdigorá kamiyab óile, tuáñr eWallet or saiz RM5,000 fóijjonto baríbo. Tuñí Touch ‘n Go eWallet Visa Kaádh ólla yó dorháasgoríbor layek boniba.
NÚTH : Zodi tuáñr ekoun or tosdikgorár dorháas san inkar góijje de óile, yían UNHCR or golot ID yá sáb noói de dokumén diyó de yían or báhna óibo. Age barí zaibólla, meérbanigori ekkán sóiyi UNHCR or ID ziyán or miyat homot 6 mac asé yían zomadi oré tosdikgorár karwaiyi ré duara cúrugoro.
Touch ‘n Go eWallet Visa
Touch ‘n Go eWallet Visa Kaádh than tuáñr TNG eWallet loi taaluk gorí diyagiye ziyan loi tuñí Vísa gosé zehonó zagattú thiañ difariba. Adaigorí diyóde thiañr rokóm mwá tuáñr Wallet belens óttu haçifélaibo.
Zehonó Visa logo asé de ATM mecín óttu Visa lói faré de óile tuñi thiañ tulí fariba.
Touch ’n Go eWallet Visa Kaádh ólla dorháas gorón asáan – asáan or sañte TNG eWallet épp ore estemal goro.
Touch ‘n Go eWallet Visa Kaádh or baabute aró maalumat faibólla, TNG eWallet website ót zai soó.
YIADGORÁIDIYA: Tuáñr eWallet or héfazot arde amaanot ólla
- Thiañ dibólla arde loibólla honó kiyaré tuáñr ekoun nwá estemal góitti nodiyo
- Zehonó dec ót bekaanuni ham ókkol modot goríbólla thiañ-foica nofoñósái yo
- Oinno ekzon ólla ekoun nokúillo
eWallet ót cubá lagede éndilla ham or estemalgoróuya ókkol oré tarár eWallet bongorí dibar hótorat táibo.
TNG eWallet or Mutaalek Jiníc ókkol
Digitel Hátkitab
EKYC'LLA ASÓL TOBKA ÓKKOL ARDE BARBAR ÓODE GOLOT ÓKKOL
Kessú Súal Asé?
Aró maalumat ólla, meérbanigori TNG eWallet or Barbar Fusárgorágiye de Súwal(BFS) ót zai soó.