TNG Digital Sdn. Bhd. (TNG Digital),TNG eWallet soloiya ye UNHCR loi bóng báinde taaké refúji arde sára-tuwoiya ókkol or maali cámilgórar hálizga gan furagorífare. Mili hamgoríbólla sáingóijje ekkám MOU yáni Buzá-buzír Iyatgari ziyan oré elan góijje Duniar Refújir Din manar dé moukat. Refúji arde sáar-tuwoiya ókkol ore hédmot diya gan 2024 or akhéri tin mac ót cúru óibo dé íyan acágorazar.
TNG Digital e ókkol or maali cámilgóra ré torki goribólla wada góijje, háasgóri refúji arde sáara-tuwoiya ókkol or ar refúji koum ókkol oré maali sámana ókkol loi taakot diyon moksút zin refúji arde sáara-tuwoiya ókkol óttu tír ót tákité arde nizor mukommol zindegi bonibólla zoruri.
Refúji arde sáara-tuwoiya ókkol ólla, zoruri maali hédmot ókkol fonnan Malaysia’t ekkán célens ói tíyaye. Maali hédmot ókkol faite refúji ókkole mukabela goré dé bañdá ókkol or baabute UNHCR e tulí dóijje ar iyan refúji ókkol ólla lamba miyadi hól arde táhfús hásigorón or ekkán ehém jiníc.
Emili hamgorón gan or mksút óilde refúji arde sáara-tuwoiya ókkole ehém maali hédmot ókkol foón ziyan ót refúji arde meémandari goróiya duní zonor fáida oibó.
TNG Digital or baabute aró zani bólla, eçé ítarar websáit ót zai soó.