UNHCR Minkhumna leh Gampemna tawhkisai Panmun ah nasem hi-ing akici nupi khat tawhkisai thupuak na ngah hi ung. Tua nu in WhatsApp pan in gaaltaite kiang ah lai leh aw khak in UNHCR laikung laidalte, niciamte, leh Minkhumna, Gampemna tawhkisai kamdotnate angahsak theih na ding in bank pan sum Rm 2,000-3,000 thun in a piakna dingin ngen hi.
Mikhemte ie zat theih ci a, akithei phone nambat te 011-33321567 or 011-16560601. Amah tawh kisai thupuak akibawl aleh thupuak abawl mimalsimte ii UNHCR laikung-laidalthupite kiphiatsak dinga, athu alate zong kikhakcip ding cih theisak hi. Tuabek thamlo in amah pen UNHCR ah nasem ahihman in, ama tungah thu bangmah pianglo ding hi ci-in gen beh lai hi.
Hih phone nambatte tawh hong kikhak laikhempeuh pen awlmawh se lo in na thukkik loh na ding uh leh, tua hong khak laite screenshot zaih in online form pan UNHCR ah thupuak nong bawl ding uh ngaihsutna kong pia uh hi.
Hih thupen khemna khat ahi hi. Hih mi pen UNHCR ah nasem hilo hi. UNHCR ii hongsepsak khempeuh man piak kullo hi. Minkhumna, Gaaltai Dinmun Khentelna, Gampem nading Vaihawmsakna, ahihkeileh adang deihna khat peuhpeuh tawh na thu navai hong kisepsak nading in UNHCR zum nasem ahi a, mimal khat peuhpeuh tungah manh piathei lo hiteh.
Na khatpeuh ngahtheih nading a, sum kipiakna tawh kamdotna hong kisap nading ahihkeileh gampem nading vaihawmsak theih nading in UNHCR tawh atuam vilvel kizopna nei in hong huh thei ing aci, mite kiang pan kidawm un. Tua mite tungah atheihhuai nathu nalate hawmkhia kei in.
UNHCR te in bank account nambat ah sumthun ding hong ngen ngeilo ding uh hi. Gaaltaite kiangpan sum laakna ah akihel UNHCR zumnasem akuamapeuh a nasep kitawpsak dinga palikte kiangah thupuak bawl ngah ding hi.
Muanmawhhuai gamtatnate tawh kisai thupuak UNHCR ah nabawlna hangin na UNHCR card hong ki phiatsak lo dinga, nathu nala zekaai ahihkeileh hong ki khaksak lo ding hi.
UNHCR te ii hong sepsaknate ahi (Minkhumna, RSD Gaaltaai Dinmun Khentelna, Gampem nading vaihawmsakna) cihte sep le bawlsak nading tawhkisai hong huh thei ing ci in, sum hong ngen mikhat peuh in hong hopih aleh, phone khiapah inla hih thu thupuak bawl in:
- Palik CCID Scam Response Centre ah 03-26101559 or 03-26101599
- Hih siauhnalai zangin UNHCR ah
UNHCR te ii nasep silbawlziate leh panpih huhna tawhkisai thu le la theihbeh nop aleh Refugee Malaysiawebsite ah sim in.