UNHCR Malaysia in thukhun tawhkituak Facebook account khat vilvel nei hi. (www.facebook.com/UNHCRMalaysia). Gaaltaai thute tawhkisai kikupna dingin Facebook zang kei un.
Amanlopi in UNHCR ai-awh kici a, Facebook account ah lai asuaksak om ahihna zong na theikhia hi ung. Adang account khatpeuh tawh UNHCR kisaina om kilkello a, UNHCR leh kipawlna maikate akineih uh ahi hi. Amanlopi in UNHCR ai-awh akineih theihna dinga gaaltaai kipawlnate, UNHCR zum nasemte, leh NGO naseppihte ie maante hawmsawn in mipite hong kheem uh hi.
Hih account te khatsim pen mikhat ie hihna a zatsak hi a, UNHCR tawh kizopna leh minkhumna, Gaaltaai Dinmun Khentatna (RSD), ahihkeileh gampeemna tawhkisai nasep silbawlnate panpih huh theihna dingin thuneihna nei lo uh hi.
Hehpihna tawh na mimal theihhuai thulelate hawmsawn kei inla amautungah manh bangmah na pia kei in. Hehpihna tawh na mimal theihhuai thulelate hawmsawn kei inla amautungah manh bangmah na pia kei in.
Fake Account Kheemnate koi ci dan in thupuak bawl ding
Anuai a kitaaksap huna zattheih dingte zatna tawh tua account pen Facebook tekiangah tangtan in thupuak nabawl ding uh kong hanthawn hi.
- Facebook : Nang ahihkeileh midang khat akineih Facebook profile ahihkeileh page te thupuak (report) bawl in
Athupi Phawkdingte
- UNHCR hongsepsak nate Khempeuh pen AKHAWNKHONG hi , UNHCR laikung-laidalte, minkhumna, gaaltaai dinmun khentatna (RSD) leh gampeemna cihte aki hel ahi hi.
- UNHCR te nasep silbawlnate ahihkeileh gampeem nading tawhkisai sepsak bawlsak man ding sum ahihkei leh manh hong ngen hong huh thei ing hong ci mikhatpeuh na kidawm mahmah un.
- Azenzenin hidan mimalte tawh na kituah khak leh, hehpihna tawh hitengah thupuak na bawl un:
- Police CCID Scam Response Centre: 03-26101559 / 03-26101599
- UNHCR: ah hih form zangin thupuak aap
Muanmawhna tawhkisai gamtatnate thupuak nabawl hangin nathute hong nawngkai saklo ding hi.
Zuauphuahna tawhkisai thupuak na bawlna hangin na laikung-laidalte hong phiatkhiatsaklo dinga, na thulelate kaaituam ahihkeileh hong kikhaksak lo ding hi.
UNHCR hongsepsak nate tawhkisai aman leh atheihhuai thulelate na theih nading in Refugee Malaysia website ah en in.