Gaaltaai gambeelte Buaina Siansakna

Ka inn ka gam ah ciah kik thei ding maw ahihkeileh adang gam munkhat ah khuasa kik thei ding?

UNHCR Khuasak nading mun vaihawmsak kikna

Aki dong thei zelzel dotnate

UNHCR te thukhun tawh kizui in khuasak nading mun vaihawmsak kikna (resettlement) thu leh la koi ah zongin muthei ding kahi hiam?

UNHCR te ii khuasak nading mun vaihawmsak kikna zattang zang laibu (Handbook) sungah UNHCRte ii khuasak nading mun vaihawmsak kikna thukhun leh zat ngeina pai zia kicing tak in om hi. Khuasak nading mun vaihawm sakkikna Gamkee te’n a Gam Khenpite zui-in amau thukhunte leh ngelnate nei ciat uh hi. Khuasak nading mun vaihawmsak kikna zattang zang laibu (handbook) pen tangpi laithupi hi in hihlai teng ah ki muthei hi: https://www.unhcr.org/46f7c0ee2.pdf
Khuasak nading mun vaihawmsak kikna tawh kisai ‘Aapna Atuamtuamte’ pen UNHCR ii khuasak nading mun vaihawmsak kikna zattang-zang laibu (Handbook) khenpi 6 na sungah akician takin hong gen hi. HIh khenpi pen anuai a kizopna meek lecin na simthei ding hi: https://www.unhcr.org/3d464e842.html

UNHCR zum ah bang ni tengin Hunsaupi akimang ding Buaina Siansakna (DSU) ah thu leh la ki kanthei ding ahi hiam?

Hunsaupi akimang ding Buaina Siansakna (DSU) thudot theihna counter pen kikhak khinta in kihong nawnlo ding hi. UNHCRin thu leh la dotna kannate amuaibun zaw ahoihzaw dinga kasep san laitak uh ahihman in lungduai tak a nong nangak nading un kong thum uh hi.

Ka thu (ka case) tawh kisai in Hunsaupi akimang ding Buaina Siansakna (DSU) ah koi ci-bang in dawpin kanthei ding ka hi hiam?

Zum ah laikhaak pia dingin mimal tektek pai kul lo a, fax ahihkeileh email te pan in lai khaak thei hi. Bangbang ahi zongin, athupi mahmah kizoptheih nadingte-telephone nambatte (Whatsapp nazat leh hehpihna tawh nazat lam theisak ding), na email leihsate UNHCR ah thiehsak ding thupi mahmah hi, tua hileh zum pan in hunciamna (appointment) nang ading akisap hunhun in honggel hong vaihawmsak theiding uh hi.

Azenzen in Hunsaupi akimang ding Buaina Siansakna (DSU) pan in kathu (ka case) hong bawlsak in United State of Amreca ah hong apsak khin uh ahih leh, kamaa ban uh kuakiang ah dawpin kanthei ding kahi uh hiam?

Khuasak nading mun vaihawmsak kikna tawh kisai Panpihna Phualpi (RSC) pen, United States of America gam kumpite tanga nasemte hi a United States zum-te thukhun tawh kizui in gaaltaai gambeelte ii khuasak nading mun vaihawmsak kik nading ngetnate kicingsak in a panpihte ahi hi. +06321415846 tawh hopihna leh [email protected]ah email khakna tawh in Khuasak nading mun vaihawmsak kikna tawh kisai Panpihna Phualpi (RSC) te naki zom thei hi.

Minkhumna thudot kazawh khit bangtan asawt khitteh adang gam munkhat ah khuasa theiding ci-in hong ki ciamteh ding ahi hiam?

Gaaltaai gambeel ci-in khensatna akineih ma in, UNHCR ah mimal min akikhum khin peuhmah in gaaltaai gambeel dinmun angahtheih nading akisam sepding om ahih man in, bangmah acihloh na dingun gam tuamtuam tawh kisai hutbit kidaalna athuukzaw in ciapteh bawlna leh lungngaih khensatna limtak kinei masa ding hi. UNHCR ii gaaltaai gambeel hi ci-in khensatna a omtebek khuasak nading mun vaihawmsak kikna ngah ding uh hi. Azenzen in akituak theih leh gaaltaai gambeel dinmun ngahtheih nading leh khuasak nading mun vaihawmsak kikna nasep ahun pen,tangthu (case) khat leh khat ki banglo hi.

Galtaigambel hihna card ka ngah khin hi Cik ciangin khuasak nading mun vaikhawmsak kikna tawh kisai kamdotna (interview) hong kisam ding hiam?

Gaaltaai gambeel hi cih ciaptehna card neih hangin thakhatthu in khuasak nading mun vaihawmsak kik nading in hong kiteel pahlo ding hi. Mailam ah, Malaysia gamah hunsawtpi na om hangin zongh gaaltaai gambeel hihna tawh khuasak nading mun vaihawmsak kik ding piangsak tuanlo hi. Khenpi 6 na ah aki hilhcianna sa aom mahbangin Gamdang ah khuasak kiktheih nading kipuak nasepna ziapen UNHCR te’n Gamthumna ah khuasak kiktheih nading Ciaptehna laibuzat tangzang (Handbook) sungah om hi. Anuai a kizopna link meek le cin hih khenpi na sim thei ding hi.

A tawpna pen ah, khuasak nading mun vaihawmsak kiktheih nading aki ngah theizah pen kiciangtan khin a, tangthute tungtawn leh kidaal ding aphamawh ahih leh khuasak nading mun vaihawmsak kikna pen thukin vaite tawh kizui in ki pia bek hi.

Theihsakna lai ka ngahna sungah, tulaitak kei pen khuasak nading mun vaihawmsak kikna ngahthei nailo ding hong ci hi. Bang a cihnopna hi dinga, bang kacih thei ding hiam?

Hih adeihna bulpi pen UNHCR in nathu (na case) pen khuasak nading mun vaihawmsak kikna gam ah tutawm in hong puaksak thei lo hi. Hihpen, bangbang hita leh, gaaltaai gambeel na hihna dinmun ki kheel cihna hilo hi. UNHCR pan in panpihna leh gamtuamtuam tawh kisai kidaalna kizom paisuak in na ngah veve ding hi.

Khuasak nading mun vaihawmsak kikna kamdotna (interview) hun sungin kathu (ka case) koi gamah hong puaksak ding na hi uh hiam cih ka dong thei ding hiam?

Dong thei mah hiteh. UNHCRte’n na innkuan lunggulhnate pen a ki bang lo khuasak nading mun vaihawmsak kikna gamte ii amau thukhun tawh kizui in hong ngaihsutsak ding uh hi. Na innkuan a dingin akilawm akituak khuasak nading mun vaihawmsak kikna’ng gam ateel nading in hih thu le la in UNHCR huh thei ding hi.

Khuasak nading mun vaihawmsak kikna ah ka pai nop na gam teel in ka ngen thei ding hiam?

UNHCR in galtaigambelte i gamthumna ah na khuasak kik nopna leh na lunggulhna gam om hi cih hong ciaptehsak ding uh a, ahizong in anunung pen in galtaigambel pen koilai gamthumna ah kipuak dingcih khensatna pen UNHCR pan mah hizaw ding hi. Hih khentatna neih hun takciang in UNHCR in gaaltaai gambeelte ii atuam vivel akisap khatpeuhte leh a innkuan kizopnate tuat in khentat hi.

Kei ading in hong kiteelsak khuasak nading mun vaihawmsak kikna gam ka nialthei ding hiam? Kei hong kipiakna nialleng kathu (ka case) bang aci tam?

Azenzen in nang ading hong kiteelsak ahi khuasak nading vaihawmsak kikna gam pen ngaihsun zolo in nateel kei leh, mailam ah na khuasak nading mun hong ki vaihawmsak kik ding pen haksa ding hi. Khuasak nading mun vaihawmsak kikna kamdot hongnei a, hong sangkhin gam ah pai nuamlo in nathu (na case) na dok-kik aleh UNHCR te’n napai noplohna a hang leh a nunga thupiang ding teng tawh kisai thu hoihtak in hong kikup pih ding hi. Nang teel gam ah UNHCR te’n nathu (na case) hong puaksak kik zo nawnlo ding bek thamlo khuasak nading mun vaihawmsak kikna adang gamkhat peuhpeuhte i thukhenna leh ngaihsutna tungtawn in khuasak nading mun vaihawmsak kikna tawh kisai hong ki aapsak pan ding hi.

Khuasak nading mun vaihawmsak kikna tawh kisai kamdotna (interview) ka man siang khin hi. Khuasak nading mun vaihawmsak kikna gamte’n cik ciangin kei kamdotna (interview) hong sam ding uh hiam?

Khuasak nading mun vaihawmsak kikna tawh kisai kamdotna ii a ngimna pen khuasak nading mun vaihawmsak kik theih nading in na tangthu (na case) lut etna ahi hi. Khuasak nading mun vaihawmsak kikna tawh kisai kamdotna (interview) na man khitteh, khuasak nading mun vaihawmsak na’ng aap nading khentatna aki neih-ma in nathu (na case) pen ki en kik ding hi. Thu khat leh khat nasep hun sawtzia kibang kimlo hi. Nathu (na case) United States of America gam ah hong kipuak hong ki aapsak khin ahih leh Khuasak nading mun vaihawmsak kikna Panpihna Phualpi (RSC) pan in thu hong zasak kik ding uh a, kamdotna (interview) ni dingzong hong genpah ding uh hi. United States of America gam ahi lo adang gamte tawh kizop nading pen UNHCR in kamdot (interview) ni ding leh koilai gamah khuasa kikding cihte zumthu tawh kizui in hong zasak ding uh hi.

Khuasak nading mun hong vaihawmsak kik gamte kiangpan kei hong ki ho nailo hi. Banghun ciang thuhong zasak ding uh ahi hiam?

Khuasak nading mun vaihawmsak kikna tawh kisai pen hunsau la in genkholh ding haksa hi. It depends on the resettlement country’s guidelines, priorities and are outside the control of UNHCR.

Hunsaupi akimang ding Buaina Siansakna (DSU) pan in phone hong kihopihna ah kathu (ka case) pen khuasak kiktheih nading pan in ki lencip/ ki koihcing hi ci-in hong gen uh hi. Thu akician zawin bangci ngahthei ding ka hi hiam?

Kepbit ding akisam thusimte hangin UNHCR in mikim tungah bang thu bang la hang in nathu (na case) uh kikem cing/ ki lencip cih kigen khia gailo hi. Ahang tuamtuam khatpeuh hangin nathu (na case) kilencip/kikoihcing thei hi. Bangbang ahi ta zongin, tua thute ki en cian, athubul pi kikan cian photphot ding a, anawngkaai teng asiankhit ciang bek in khuasak nading vaihawm sakkik nading na maaban kizom kikthei pan hi. UNHCR zum ah paiden ahihkeileh nang i nathu (na case) nong dot pahpah hangin kikhelna om tuanlo ding banah nathu (na case) aman langna ding hong panpih thei tuanlo hi.

Ka thu (ka case) pen United States of America ah khuasak nading mun vaihawmsak kik nading in hong ki aapsak khin zo hi. Ka hihna tawh kisai kamin (identity fraud) 2012 kum zuautatna sungah ki hel hi. Ken kaapulak khiakhin a, kathu pen kilencip/kikoihcing lai hi. Cikciang in kamdotna (interview) hong kisam ding a, adang mun khat ah khuasa kik ding ka hi hiam?

Min kibat navai tawh thu nawngkai anei khempeuh abeisa 2019 March kha leh April kha sungin US Gamsung lungmuanna dinga milutte Etcikna tawh kisai Panmun (DHS) te’n kamdotna (interview) bawl khin neikhin uh hi. Nathu tawh kisai akicing zaw-in na kanbeh nop aleh Khuasak nading mun vaihawmsak kikna Panpihna Phualpi (RSC) phone +60321415846 tawh hopih in ahihkeileh [email protected]. ah email khak in.

Ka cidam na tawh kisai sisitna ka mankhinta hi. Ahih hangin inn leh gam nusia a mundang vateen/peemna tawh kisai Gam tuamtuam Kipawlna (IOM) zum pan in adang kisit kik ding hong ngen hi. Banghang hiam?

Khuasak nadking mun vaihawmsak kikna gam te’n gaaltaai gambeelte ii cidamna tawh kisai anu-nung pen kisitna hongngen uh hi. Khuasak nading mun vaihawmsak kikna gamte ii thukhun tawh kizui in, galataai gambeelte pen mundang alen ma un khatvei sang atamzaw cidamna kisit khathei ding hi.

Banghang in khuasak nading mun vaihawmsak kik nading vai maban pen ziakai lua ahi hiam?

A tuamtuam va-peemna thukhunte, bawl masak teeiteei dingte leh kitangsap hun a zat theitding aomdan tungtawn in, lunghihmawhpih mikhempeuh ading in khuasak nading mun vaihawmsak kik nading pen hunsaupi hi a, gamkhat lehkhat i asepzia dan in kilamdang hi. UNHCR zum pan khuasak nading mun vaihawmsak kikna tawh kisai kamdotna mankhit zawh, cikciang lengthei ding cihpen ahunsauzia genkholh ding haksa mahmah hi. Khuasak nading vaihawmsak kikna mun ih pai maa in, nausuakthak, kiteenna, nupakikhen in kuapen in ta kemzaw ding, minkikhumna, sihna cihdan vai tuamtuamte limtak in ngaihsut kul a thupaizia tawh kizui in sepmasak kul hi.

Ka innkuan pihte’n hunsaupi akimang dinga buaina siansakna ngaaklai hi. Khuasak nading mun vaihawmsak kikna maaban kazom thei ding hiam? Ka Innkuan tungah bangthu piangthei ding ahi hiam? Ka innkuan un khuasak nading hong ki vaihawmsak kikna gam ah ka kigawm kik theih nading un UNHCR in honghuh thei ding hiam?

UNHCR in innkuan kigawmkhop kikna pen thupingaih sut a, panpih kizopnate hatkiksak in innkuan mimal khenlo ding hi. Innkuanpih minkhumna angah nailote UNHCR ah thupuak in nazaksak ding pen thupi mahmah hi. Innkuan mimal tungah kizop kinaizia leh anung ah thupiang dingte genpih kikup khoppihna ki-nei ding hi.

Gaaltaai gambeel ahilo khat teenpih leng ka zi/pasal leh tate in UNHCR card ngah in keitawh adang gam mun khat ah ka lengkhawm theiding hiam?

Gaaltaai gambeel khat in gaaltaai gambeel ahilo khat atenpih leh a khuasak nading mun vaihawm sakkik na’ng vai pen UNHCR in ngaihsut masak dingin tuatlo uh hi. Gaaltaai gambeel-ahilo khat na tenpih aleh, nazi/napasal ii gamah na omtheih nading ahihkeileh gammi suahna zong na ngah toto ding hi. Gaaltaai gambeel ahilo khat tawh kitenna pen khuasak nading mun vaihawmsak kik ma in, a innkuanbup dinmun leh tua mi ii teeltheih, a khensat ding pen UNHCR in limtak ngaihsut sakin en ding hi. Azenzen in nazi/napasal pen Malaysia gammi ahihleh, Hunsaupi akimang ding Buaina siansakna Panmun (DSU) te’n, KIkep kidaalna Panmun ah navai uh hong puaksak ding uh a, nang leh na tate in gammi na suahtheih nading zia hoihtak in hong kansak ding uh hi.

Ken zi khat sang atamzaw ka nei hi. Ka zite tawh adang gam mun khat ah ka paikhawm thei ding hiam?

Gaamthumna gam vekpi phial-te4 thukhun ah zitamneih pen deihlo uh ahih man un, galtaigambel khat in zi khatsang atamzaw neihna azoptoh suak aleh gamthumna ah paitheilo ding hi. Innkuan sim pen UNHCR in amau innkuantek i khuasak nading mun vaihawmsak kikna zia a mimal sim in holimna omsak dinga, tua innkuante in azite ading leh atate ading ahoih penpen ngaihsutsak in a geel ding kisam hi.

Khuasak kiktheih nading gamkhat in kei hong nialngei khinzo hi. Tuakhit teh bangthu a piangding hiam?

Na tangthu (na case) pen adang khuasak nading mun vaihawmsak kikna gam khat ah thakhatthu in hong ki ap-sak kik pahlo ding hi. Bangbang ahi ta zongin, UNHCR in tangthu khat-leh-khat ii paizia tungtawn in, na innkuan un nakisap phadiak aom aleh ngaigsutsak kikna nei in, avek khempeuh in enphakik ding uh hi. Khuasak nading mun avaihawm sakkik gam tuamtuamte i a kibanglo thupaizia leh milaakzia hangin, gamkhat in hongnial aleh adang gamkhat in hongsang dingin ummawh pah kei in.

UNHCR tungtawn in khuasak nading mun vaihawmsak kikna hamphatna leh sumtawh kisapna vai a nih in lampi kei ading ki hong hi. Sumtawh kisapna ateelzaw ding hi leng, ka innkuanpih mimal ahihkeileh ka mipih dangte hong ki vaihawmsak ka khuasak nading mun pen ka piathei ding hiam?

Mikhat ahihkeileh innkuan khat ii khuasak nading mun vaihawmsak kikna vai tensakna pen khuasak nading mun vaihawmsak kik ding akisap akulna tungah kinga hi. Adang hunsau akimang ding buaina siansakna tawh kizopna anei innkuankhat pen UNHCR in khuasak nading mun vaihawmsak kik nading panmun-lalo ding hi.

UNHCR thuneihna tungtawn in kapianna gamah kei utthu in kaciah nading tawh kisai thute koimun ah zong ding ka hiam?

UNHCR tungtawn in ei utthu khentatna tawh pianna gamah ciahkik nading vai aa zuaihding akibawl thu leh ngeinate akicingtak in, kei utthu aa khentatna tawh kisai UNHCR ciaptehna laibu zat tangzang (Handbook) sungah om hi. Hih zattangzang laibu pen mitangpi tawh kisai laithupi hi a hi tengah kimu thei hi: https://www.unhcr.org/en-my/publications/legal/3bfe68d32/handbook-voluntary-repatriation-international-protection.html?query=handbook%20voluntary%20repatriation

Kei pen UNHCR ah minkhum ciaptehna ngahsa ka hi a, ahi zongin ka pianna gamah ka ciahnuam hi. Koi ci-bangin UNHCR in hong huhthei ding hiam?

Azenzen in napian na gamah naciahkik nop aleh UNHCR te kiangah nalunglut naciah nopna a hang gen in :

(i) UNHCR Zumah zingsang nai 8 pan – sun nai 12 kikal, Saangkah ni khatni pan Saangkah ni hga ni ciang pai thei hi teh.

(ii) UNHCR tawh niciamnate naneih peuhpeuh cingin zong UNHCR thuneite kiangah theisak in.

(iii) Hunsaupi akimang ding buaina siansakna Panmun hih nambat sam in 03-21184800 -> “2” meek in.

(iv) Na gam palai zumah zong paithei teh (Theihding: Hihpen nang lem nasak aleh bek hi ding hi)

AHIHKEILEH

(v) Inn leh gam nusia aa Mundang ah apeemte ading in Gam tuamtuam Kipawlna Zum (IOM) ah pai thei teh.

Na gam naciah nopna athute na ngah khit ciangin, nang ma utthu a khentatna tawh na ciahnopna thu, UNHCR in holim nading a hunciamna ni asawtlo in hong zasak ding hi. Tua kiholim na hunsungin, Ei utthu a khentatna tawh a ciahte Panpih huhna leh Kigawmna ding (AVRR) Ahunhun aom ding a kibawl hunsehna nuai ah hong kisepsak ziadingte hong kikuppih in hong kigen ding hi. AVRR Ahunhun aom ding akibawl hunsehna pen IOM te thuneinna nuai ah om a, nuamtakin napaikhiat theih nading hong bawlsak theiding uh hi. Holimna hong kineih pihkhit ciangin nagam ciahding nakhensat teeiteei aleh, Malaysia gampan na pusuahtheih nading lai UNHCR in Ei utthu a khentatna tawh ii Gam ah Ciahnopna Siauhna (VRF) hong vaihawmsak ding uh hi. Ciahtheih nading vai sepkhiatna khempeuh pen kha 1 pan kha 3 kiim zekai ding hi. Hihpen akisam laithupi khempeuh leh kipuak nading panpih geelnate alem sitset a ngah theihna tungah ki nga hi. Na pai khiattheih na’ng phalna na ngah nading liausum napiak kul dinga, paikhiat theih nading atuam vilvel mikhat ciangin RM. 100 piak kul ding hi.

Ka pianna gamah ciahding kageelna zumah katheihsak ni mah in UNHCR zum pan Ei utthu a khentatna tawh Ciahtheihna Siauhna laidal(VRF) pen hong pia thei pah dinguh hiam?

A tungah akigensa nasepzia leh akiciangtan hunte hangin, ei utthu a khentatna tawh ciahkik theih nading, thu leh la theihsakna akingah ni in, tua ciahtheih nading siauhna laidal (VRF) pen UNHCR in hong piatheipah lo ding hi. Ei utthu a khentatna tawh ciahkik theihna ding tawh kisai gamtat danding hilh cianna kan nailopi in, vanleng letmat na lei aleh amawkna suakthei ding ahih man in hehpihna tawh na lei khol kei in. Gamtat danding nakan hunsung in, vanleng letmat lei ding hun leh Malaysia pan na pusuak na’ng sepziatawh kizui in lam hong kilak ding hi.

Gaaltaai gambeel in hong kisan nading kasiauhna hong kinial khinta a, tu in kagam kalei ah ka ciah nuam hi. UNHCR te’n hong panpih zoding hiam?

Gamtat danding kikum dingin IOM ah na paithei hi. A siaumi khempeuh in liausum leh pusuahtheih nading siauhna tawh kisai abeiding sum khempeuh ban ah a paitheih nading atuam vilvel sum a piakkul ding hi.. Ei utthu a khentatna tawh Ciahkik theih nading Siauhna Lai (VRF) pen UNHCR te’n hong vaihawmsak theilo ding hi.

Hunsaupi akimang ding Buaina siansakna Panmun thuneite kiangah ei utthu a khentatna tawh ciahkik nading vai gamtatzia ding hilhcian kikup khopna ka kahkhin hi. Ka ciahkik nading tawh kisai a nunung thu leh le kisamte ngetna dingin Hunsaupi akimang ding Buaina siansakna Panmun thuneite tawh ka kizop akul ding hiam?

Email khaak, laikhaak, fax khaak ahihkeileh zumah pai a, Hunsaupi akimang ding Buaina siansakna Panmun thuneite tawh kimuh ding kisam lo hi. Na gam naciahkik nading tawh kisai panpihna ahihkeileh hong vaikaisak sittel khensatding kisamlai buaina siansak ding aom aleh Hunsau akimang ding Buaina siansakna Panmun aa nasemte’n thu hong zasak ding hi. A hih hangin, nang hong kihopih theih nading akisam kizop nadingte pen cingtak a kepding thupi mahmah hi. UNHCR ah na phone nambat (hehpihna tawh Whatsapp zangmaw zanglo cihte gen ding) leh email cihte hoihtak na piak aleh zum nasemte’n akisap hunhun in nang thu hong zasak thei ding hi.

Kei a dingin lungmuan omlo ahih man in kagam kalei ah ka ciahkik thei keiding hi. Tua ahih man in UNHCR lampan kagam veng gamkhat ah nong kha thei ding uh hiam?

Ei utthu a khentatna tawh Ciahkikna ii cih pen mikhat a dingin muan huaitak leh vaangneihna nuai ah a gam ciahkik cihna ahi hi. UNHCR lampan in gamveng gamkhat ah pai nading hong vaihawmsaklo ding ahihkeileh hong huhlo ding hi.

Malaysia ah kanuntakna haksa lua hi. Gamdang khat ah kapai nuam hi. UNHCR te’n Ei utthu a khentatna tawh Ciahkiktheihna Siauna lai(VRF) pen hong piathei ding hiam?

Azenzen in mikhat in kagam kalei ah ciahkik nuam ing ci-in agen khiat aleh bek, Ei utthu a Khentatna tawh gam leh lei ah ciahkik theihna Siauhna Lai (VRF) ki piathei bek hi.

Zawh thawhthu tawh kagam ah hong kiciah kiksakna hangin alauhuai dinmun tung khazenzen leng UNHCR te’n hong huhthei ding hiam?

A diakdiak in a gamah a ciahkikna hangin mikhat i nuntakna pen lauhuai dinghi cih a uphuai athu ahang aom aleh, UNHCR te’n apianna gamah a puakkikna pan in kidaal nading pen a mizui in thukim panpihna hong neiding hi.