COVID-19 a karhmi a zornak ding caah Malaysia cozah nih raisekham sii hi kau deuh in i chunh dingin a timhtuah i kum 5 in 12 karlak ngakchia hna raisekham sii chunh ve ding a timhtuah. Ralzam le dornak a sawk liomi hna telh in ngakchia 4 million hrawng nih raisekham sii hi an i chun lai tiah ruah a si. Mahhi nih hin:
- Multisystem inflammatory syndrome in children (MIS-C)* le COVID-19 i chawnhbarhnak nih a chuahpimi long Covid** in ngakchia hna kha a khamh hna lai.
- Ngakchia hna kha midang he him tein na hawikomhter hna lai.
- Sianginn/cawnnak hmun hna ah mibu tamtuk um loin minung tlawndeuh in um khawh i zuam.
Mahhi kum karlak a simi ngakchia paoh nih zarh 8 dan in Pfizer hi voi 2 an i chun lai. Raisekham sii hi ngakchia nih tha tein an tuar khawhnak ding caah upa chunhmi nakin a tlawm deuh i, a voi khatnak le a voi hnihnak i chunh caan zong aa hlat deuh.
Mahhi siichunh dingin min cazin pek hi mah lungtho tein pek dingmi a si, nain COVID-19 i chawnhbarhnak le caan saupi temtuarnaak chungin ngakchia hna an himnak ding caah nulepa hna cu an fale min cazin pek dih dingin forhfial an si.
Nangmah MySejahtera app ah khan na fa kha na khumh chih khaw. Atu lioah cun thimmi raisekham siichunhnak hmun (PPV) theng te lawngah i chunh khawh a si i cu hna cu siizung, siikhan, PPV hmun le hmundang ah a ummi PPV hna an si.
Refugee Malaysia YouTube channel ah Arabic, Urdu, Tamil, Rohingya, Tedim le Persian holh hna in chiahmi i zohchun dingmi video zoh khawh a si.
Hi lioah hin ralring le fimkhur tein um law 3W hi tuah hna cun 3C hi hrial hna!
3W Tuah dingmi-
- Na kut i ttawl.
- Hmurhuhnak i hruk.
- Nawlngeitu hna nih ralrinnak pekmi kha theih le zulh i zuam.
3C hrial dingmi-
- Mibu umnak hmunhma hrial hna.
- Aa erh tukmi innkhan le hmunhma kha hrial hna.
- Lamnaih tukin i chawnhbiak le bia i ruah hrial.
Hmanthlak: 3C hrial dingmi, 3W tuah dingmi.
* Multi-system Inflammatory Syndrome in Children (MIS-C) timi cu thin, lung, kal, thluak, takvun, mit asiloah pawpi le chungril hna telh in minung kan takpum chung i fahnak hna an si. (Laknak: Centers for Disease Control and Prevention)
** Long Covid – COVID-19 a chuahtertu zawtnak rungrul voi khat kan ngeih hnu ah zarh 4 asiloah cu nak tamdeuh in zawtnak a thar ngeih, zawt than, asilaoh tuar liomi ngandamlonak hna a cang thanmi kha a si. (Laknak: Centers for Disease Control and Prevention)
