Naupangte ading COVID-19 Natnakidaalna Zatui kisutna

Tuesday / 22 February 2022

Covid-19 kizelhna akiam nading in Malaysia Kumpi in naupang kum 5 pan kum 12 huam ciangin natnakidaalna zatui kisut theihna dingin geelna nei uh hi. Gaaltaai-gambeelte leh gambeel-asiaulaite zong akihel kum 5 pan kum 12 ciang apha naupang (4 million) awn 4 kim bangin natna kidaalnazatui kisutna ngah dingin kilam en hi. Hih in hong huh ding pen:

  • Multisystem Inflammatory Syndrome akici Naupangte Sung-a aom(MIS-C) leh Covid-19 kilawhna hangin Sauveipi Covid pan naupangte kidaal na ding ahi hi.
  • Naupangte pen midangte tawh lungmuan huaitak in hong kikhawl sak thei hi.
  • Sanginnte/siamsinna phualpite ah mihon om theihzah kiciangtan na tungtawn a mi alom alom omna pen tawmsak ding.

Hih kum gual naupangte khempeuh in nipi kaal 8 sungin Pfizer sut 2 kisun ding uh hi. Kumcingsate khat vei akisut tawh enkaak leng a tawmzaw leh natna kidaalna thuakzawhna tawh ki zui in sut khat leh khat zong kihal zaw ding hi.

Naupangte natnakidaalna zatui kisutna ah minpiakna pen eima utthu tawh teelna ahi hi, ahi zongin Covid-19 kilawhna leh hunsau hong huzaapnate kidaal nading in nulehpate ahihkeileh vaipuak ala khempeuh in a naupangte uh minkhumna aneih sak nading uh tha kipia hi.

MySejahtera app zangh in na ta pen nu le pa tungah kinga cih tawh minpiakna nabawl thei hi. Tulaitak in, natna kidaalna zatui pen akiteelsa natna kidaalna zatui kisutna phualpi (PPV) ah ki ngah thei hi: amin kigelh zatopite, Zatui zaha tawhkisai zatoneute, akigawm khin PPV leh apua-lam PPV.

Video tawh ki hilhna pen Arabic, Urdu, Tamil, Rohingya, Tedim leh Persian pau tawh Refugee Malaysia YouTube channel ah kingah hi.

Hih hunsung tengin, W3 hihdet ding leh C3 pelh dingpen akizom in phawk gige ni.

W3 Hihden ding –

  1. Na khutte sawp in.
  2. Maituamna thuah in.
  3. Avaisai thuneite lampan kidop ding hilhkholhna tawh hong hanthawn hi.

C3 – Pelhding

  1. Mihing tamna munte pelhding
  2. Ciangtan anei munte pelhding
  3. Akinai lua a kihona pelhding

Poster: C3 Pelhding, W3 Hih dending.

* Naupangte sunga om Multi-system Inflammatory Syndrome (MIS-C) cih pen lungtang, tuap, kal, khuak, vun, mitang ahihkeileh gilpi uum leh gilsung lamtawh kisai pumpi vante akihel akibanglo pumpi tung vantuamtuamte abawksak thei dinmun omdan khat cihna hi. (Akipatna phungpi: Natna Khaalna leh Kidaalna Phualpi)

** Covid Sau – Mihingte in Covid-19 apiang sak natna lungno pen kilawh masapen a, anat khit kaal li (4) ahihkeileh kaal li (4) sang atamzawk khitteh damlohna tawh kisai buaina nei to suak ahihkeileh natna hong lutkik, nanathak na cihte thuak to thei hi. (Akipatna Phungpi: Natna Khaalna leh Kidaalna Phualpi)



Share