Upadi ningin kilvennak
Ralzam le dornak-akawl liomi hna nih Malaysia upadi an zulh hrimhrim ding a si.
Ralzam le dornak a kawl liomi nih Malaysia ah zeibantuk sualnak a tuah a si ahcun Malaysia upadi ningin dantat a si lai.
Ralzam a si lo ah dornak-a kawl liomi hna zawng midang bantukin palik nih hlathlainak tuah, tlaih, dantat le thongthlak an si lai.
UNHCR nihin Malaysia ah pemnak he ai pehtlaimi dah ti lo, sualnak a tuahtu ralzam le dornak a kawl liomi hna caah phungning tein kilvennak a pe lo.
Ralzam a si lo ah dornak-akawl liomi hna cu mipem sinak ruangah tlaihkhih a si loah thongthlak an si tikah, UNHCR nih hi bantuk hin an chuah khawhnak caah nawlnak a tuah:
Cu tibantuk tlaihkhihnak le thongthlak kongkau ah thawngtheihmi cu Refugee Malaysia website online form a si lo ah UNHCR tlaihkhih le thongthlaknak Hotline hmangin dawn le fianternak a tuah.
Tlaihkhih a si loah thongthlak a tongmi ralzam le dornak-akawl liomi hna dirhmun sining fiantertu dingah phungning tein i kelvennak lei riantuantu bu he pehtlaihnak tuah piak.
Ralzam a si lo ah dornak a kawl liomi hna caah upadi ningin biachim piak tu le bawmchantu pek.
Tlaihkhih le thongthlaknak Hotline le Refugee Malaysia website tiang in reportnak a tuahmi an za pi tein UNHCR nih hnu in zulh dawinak a tuah peng. Lawahkah Phungphai ningin tlaihkhih a tongmi hna caah hmai lei thongtlaknak a si lo ah sual phawtnak an ton tinak hnga lo UNHCR nih upadi lei riantuan tu bu hna sin in thil ummi he aa tlakmi ningin rian rang tein bawmh chanhnak a tuak. Nawl ngei tu hna nih tlaihkhih a tongmi pumpak pakhat a si nak fianter dingah UNHCR sin ah a bikin halnak a um lo ahcun UNHCR nih ni 14 chungah an bawm kho men lai lo ti zaangfahnak in rak thei.
Thong chung khumh chungah hin, mi pakhat cu thongtlak a si lai ii, hi caan chung ahcun upadi ningin nawl ngeitu hna nih thilsual a tuah tiah zumhmi cu dothlat biahalnak tuah tthan a si lai. Dothlatnak cungah hngatchan in mi phakhat cu chuah zalen a si lo ah biaceih zungah kalpi a si kho.
Tlaihkhih le Thongthlak report tuahnak
Khawika ahdah report tuah a si lai?
1. Tlaihkhih le thongthlaknak hotline
UNHCR tlaihkhihnak le hrennak hotline (Miraang le Malay holh lawng) chawn.
+6012 630 5060
Cawn Ni khat ni in Ni nga ni: 8AM to 6PM
Zarte ni in Zarpi ni : 8AM to 4PM
2. Refugee Malaysia website
Refugee Malaysia website pehtlaihnak page (cahmai) ahkhan kal law ‘Tlaihkhin le thongthlaknak’ kha thim.
Zeitik caan ahdah report kan tuah lai?
- Dornak-akawl liomi a si lo ah ralzam hna tlaihkhih a si lo ah thongthlaknak a um tikah.
- A si khawh chungin rian rang tein report tuah.
1. Report na tuah tikah til sining tlamtling tein pe hna.
2. A hmanung bik thil si ning tlamtling tein pe
thil sining tlamtling tein na ngeih hnu ah chim hna
Kham(dirter) a si lo ah tliahkhih na si ahcun
Lungdai tein um
Upatnak he officer an nawl ngei hna.
Tlaihkhih na sinak aruang hal
An tlaitu officer sin ah na UNHCR card taktak kha hmuhter
Nawl ngeitu hna nih UNHCR Verify Plus app hmangin na UNHCR card/catlap a dik maw timi SQR code in an theih khawh.
Na si khawh chungin UNHCR, na chungkhar, a si lo ah na hawikom sin ah theihternak tuah cawlh hna*
*Na UNHCR card/catlap a si lo ah reference number, an in tlaih khihnak hmunhma, tlaih khihnak a tuahtu palik sakhan, le peh tlaihnak, tlaih khihnak a tuahtu bawi a riantuannak hmelchunhnak le a ho a si ti hngalhnak number ( na theih ahcun) biaceih zunng kal ni tibantuk pe hna.
Biaceih zungah an in kalpi a si ahcun
Biaceih zungah Thawng thanh
UN catlap na ngeih le min cazin na pek cang ahcun biaceihzung ah thawngthanh khawh a si
UNHCR theihter
Biaceihnak zung ah kalpi na si cang ti kha UNHCR sinah thawngthanh colh law biaceihtu sin ah UNHCR, asiloah na chungkhar/hawikom he pehtlaih khawhnak nawl hal
Holh leh piaktu hal hna
Bahasa Malaysia (Malay) a si lo ah an chimmi bia na theih lo a si ahcun “UNHCR” tiah chim nawlh peng law holhlet hal hna. Na lu kha kun hlah asiloah na lu kha hninh hlah, zeicahtiah mah cu chimmi na hngalhthiam bantukin a lang kho men
Na sining i chim faing
Biaceihtu sinah UNHCR ah min cazin a khumhmi ralzam asiloah dornak kawlmi na si kha chim
Bia chimpiaktu sihni hal
Phung ning tein bawmh chanhnak na herh kha bia ceihtu sin ah theihter.
Theihter thannak hna
- Na umkalnak paoh ah na UNHCR card/catlap a taktak a simi kha i ken peng
- Na UNHCR card/catlap number kha i cinken
- Na chungkhar a si lo ah na hawikom hna kha na UNHCR cinkenter hrim hna
- Na chungkhar a si lo ah bu-tlang hruaitu upa hna an number pakhat a si lo ah pahnih tal i cinken
- Na chungkhar a si loah na hawikom na umnak hmunhma theihter hrim hna.
Sualnak a tuahmi reportnak
Palik sin report tuah ning phun hnih a um:
- Palik sinah report tuah na duh nain palik nih thil sual a tuahtu cungah hmalak thannak an tuah ti lo dingin “case report” hi na tuah ding a si.
- Palik nih hmalak nawlh duh ahcun “action report” hi tuahding a si cu bantukin sualnak a tuahtu pa cu dothlatnak tha tein tuah a si lai i tlaih, le biaceih zungah sualphawtnak tuah hi a si.
Palik report peknak
Palik sakhan ah kal
- Ai neihnak bik palik sakhan ah kal. Palik sakhan paoh cu Nazi 24 chung nifa in on a si.
- Mirang holh le Malay holh na thiam lo ahcun na chungkhar, hawikom, khuami hruaitu le holhlet pawl he na kal kho
- A ho na si langhternak cahnah/catlap (UNHCR card tibantuk) le a dang thil umtuning kong he ai pehtlaimi cahnah hna kha rak I ken
Palik Sakhan ah
- Palik sin ah nangmah tein theihternak I tuah law a ho na si langhternak card-catlap kha hmuhter.
- Zeibantuk phun indah palik report tuah na duh ning a si kha palik chim hna( sualnak report a si lo ah tlaihkhih dingin report)
- Thil a cannak hmun,zeitik ahdah a cang, a ho tedah an I rawlh I zei thildah a cang, timi palik sin ah chim hna.
A hnu zeidah a cang lai?
- Palik nih report na tuahnak caa copy man loin an in pek lai
- Nangmah le pumpak pakhatkhat a chungah a rak I tel ve mi hna kha palik bawi nih hmailei biahal dingah an in auh hna lai
- Nawl ngeitu hna nih sualnak a tuahtu pa sualphawt dingin biachahnak an tuah a si ahcun, tehte caah biaceih zung na kai ve a herh lai
Theihchap ding!
- Palik sakhan na kal hlan ah Palik sin report na tuahdingmi a hran sermi caa nai timtuah ahcun a rang deuh kho men
- A hran in na tial dikmi report caa cu Miraang a si lo ah Malay in a si lai.
- Report na tuahnak caa cu a lawngmi pendrive ah khumh a si lo ah catlap a rangmi cungah rak tial law palik sakhan ah rak I ken. Palik zungah rak i ken
Nu-pa hngatchan in zaangennak le rian tuannak hmun/riantuannak kongkau ah buaibainak a ngeimi hna caah upadi ning in bawmchanhnak a petu NGO an um ko. Nu-pa hngatchan in zaangennak le Nuncaan khuasak cahmai ah zaangfahnak in relkhawh a si.
Upadi lei theihhngalhnak
Malaysia a phanmi ralzam tampi cu an covo kongah an i hngal lo, a hlei in phungning tein dirhmun an ngeih lonak a harmi thil ruangah. Thawngpang tha cu, ralzam hna nih Malaysia upadi tangah covo cheukhat an ngei.
Cu covo le riantuannak hna hngalhthiamnak nih thazaang a pek khawh i a hlei in hlennak, tlaihnak, asiloah mah ram lei kuat thannak hmanh na ton tikah theihternak a pek khawh.
Ralzam hna nih dinfelnak an hmuh khawhnak ding caah, UNHCR nih Kuala Lumpur Phng ning tein i kil vennak Centre he hmunkhat ah, Malaysia ram ah na covo le na riantuannak kha hngalhthiam deuh awkah upadi lei theihhngalhnak video phunphun an ser. Hi theihternak video hna nih hin a biapi mi upadi kongkau zeimawzat an huap i Malaysia ram ah ralzam le dornak kawlmi hna nih an hal tawnmi upadi kong biahalnak hna kha an leh.
Nihin ah video pawl zoh law nangmah le nangmah thazaang i pe!
Na covo hngalh, Thei peng!
Mipi zei kong poah poah
Hi video nih hin hnatlaknak tuahnak, inn hlannak, lam cung mawtaw accident tawlrelnak le a dangdang hna kong a hrampi hngalhthiamnak a kan pek, cu bantuk thil hna na tawnghtham tikah a hrampi upadi hngalhthiamnak he nangmah le nangmah kha ttha deuh in na i timhtuah khawh nakhnga.
Sualnak le Ramdangmi Upadi
Nawlngeitu nih biahalnak an in tuah ahcun na covo zeidah a si tiah na ruat bal maw? Hi video nih hin Malaysia ram ah sualphawtnak le immigration phunglam hna a hrampi a langhter.
Chungkhar Upadi
Hi video nih hin nupi/pasal ngeihnak cazin khumhnak, i ṭhennak le fa laknak tibantuk kongkau ah theihhngalhnak a kan pek. Cun, hi kong he pehtlai in theihhngalhnak karhternak caah chungkhar buainak kong zong a kan hngalh ter.
Riantuannak Upadi
Ralzam le dornak a kawlmi hna cu Malaysia ah phungning tein rian an ttuan kho lo lio ah, na riantuannak hmun i na covo le na rian kong theihthiamnak ngeih a biapi. Mah cu thleidannak le hlennak na ton lonak hnga le na rian ngeitu nih a dingmi pehtlaihnak na hmuh khawhnak hnga caah a si.
Refugee Malaysia Youtube Channel ah Upadi Theihnak Playlist ah Hi Upadi Theihnak Video pawl hi holh dang in hmuh khawh an si.
Upadi kilvennak he aa pehtlaimi thilri
Upadi Humhimnak Webinar
Biahal Ding Na Ngei Maw?
Thawngpang tam deuh teihnak caah, zaangfahnak in upadi ningin i kilvennak ah ruahnak bia hal(FAQ)