Meérbanigori hóbordiya zardé ki, graftar yató bonóon or hádesa óile, tuñi UNHCR ot repouth gori fariba íinor zoriya:
- Dora ar bangorár repouth or fórom Refugee Malaysia website ot.
- Dóra ar bongorár Hotline. Dórahóon ar bonóon or repouth goribóllá 012-630 5060 lain nwá ré, tolottú diya asé dé thaim ókkol ót estemal goróo.
- Háftár din (Cómbar óttu Cúkkurbar): beinna 8:00 wáttu – ázinna 6:00 wá fóijjonto
- Cúttír din (Cónibar óttu Roibar): beinna 8:00 wáttu – ázinna 4:00 wá fóijjonto
Zeñétté repouth goríba éñétté nisor maalumat tín cámil góriba:
- Dora haiyéde manuicuar nam.
- UNHCR or nombor.
- Doradorir tarík arde zaga.
- Gañrat, bongori-rakar morkoz zeçé manuicua ehón asé, íin or nam.
- Zodi, manuicua ziyoul ót yató bongori-rakar morkoz ót oile, gaar nombor.
- Adalot or tarik ar adalot or nam, zodi adalot or tarik difelaiyé dé óile.
Kaanuni Héfazot or Yuníth e nozor rakíbó ókkol doradorir repouth oré, zeen bongoragorir hotline arde Regufee Malaysia Website or duara gorágiyé. UNHCR e taalut rakede kaanun amól gorár ejénsi loi zoruri mudahelot goríbou zetó hára óitfare etó hára, taáke taaluk rakedé manúic ókkol oré, zatararé immigiricén or ain loi doijjé, itararé aró bongori-raa ar mokotdama gorattú ruki bélla.
Méerbanigori e video ókkol or ekká hawala góro, Ingirazit ar Molait mazé, dorádorí ar bongorágorí re UNHCR ót kéngorí repouth gore de yián or uore. Graftari repouth gorón or postar ókkol arde tuñí dóra háilé ki goríbá dé íiyanó eçé faiba.