Refúji Elac or Insúrens (REMEDI)

REMEDI-Refúji Elac or Insúrens hóde ki?

Refúji Elac or Insúrens (REMEDI) ye refúji ókkol oré elac arde eksíden or mutaalek hóros ókkol ólla modotgore. Bosóre RM 183.60 di REMEDI’t dahél óile, REMEDI ye hóros dizaibo zodi refúji uggwá eksíden yá gumansára biaram loi Malaysia’r hókumot or hóspitel ót góli táka fóijje de óile, yá tará zodi hámicálla mazur yá eksíden or elac or hóros ókkol mukabela goré de óile. Zodi éndilla óo, REMEDI ye hóspitel or fura hóros dibo ar ekbar hóspitel uçí tákon or zoria bil RM 10,000 fóijjonto dibo ar ek bosóre kulehale RM 20,000 fóijjonto hóros boói zaibo.

Kiyólla Tuáñrtú Dahél Óonsa?

Guman sára gáil yá biaram ókkol e Malaysia’t asé de refúji ókkol oré hóspitel or bil ókkol becí diafore dé hálot ót loiza, ziyane tarár maali cántí arde zomá rakóon óre hótorat felé.
REMEDI e hóspitel or bil ókkol di refúji ókkol or mon or cánti de, éhótalla refúji ókkok óttu guman sára elac or hóros or baabute cinta nái.
REMEDI’t dehél or bosóri hóros oré premiam hoó ziyan hóros dibo de yían lói tulona góille zuhargorí faredé éndilla, ar fotti dahél ót RM 10,000 fóijjonto dibo, bosór ót hóspitel ót ucí haçasíra gorí bólla RM 20,000 dibo ar eksíden or zoriya maragilé yá hámicálla maázur óigilé RM 10,000 dibo. Yían or maaní óil de ekdin e becí hom thiañ RM0.5 loi oré zana sára eloc or emajensi ókkol óttu tuñí héfazot áso.
REMEDI Allianz lói mili boinne zibá ré UNHCR ré maani loiyé de siríf Malaysia’r incúrens tortib.

Dahél Hon-Hon Óifaribó De?

Malaysia’r UNHCR rejístar óiye de refúji ókkol arde sáar-tuyouya ókkol
Zarár boc (18) óttu(60) bosór

REMEDI e ki ki boói zaibo?

Guman sára biaram ókkol yá eksíden ókkol or zoriya Malaysia’r hókumot or hóspitel ót ucí táka fóijje dé óile REMEDI e hóspitel or bil ókkol boói zaibo.

No. 1 2 3 4 5 6 7 8 9 10 11

REMEDI e ki ki boói nozáibo?

REMEDI e privét hóspitel ókkol or bil ókkol,yá hóspitel ót uçí táki oré elac or zorurot noó de baárgwá biarammar elac or bil ókkol nodibó.

Malaysia’t REMEDI órdua loi becíbag elac or incúrens ókkol ót kessú haálot arde elac ókkol or hóros oré boói noizái baatilgore. Baatil góijje de íin óil de:

Agortú dóri asé de biaram (REMEDI’t dahél óibar age dóri asé de biaram ar zebiram tuáñrtú zana asé);
Tuñí Incúrens ót góli 120 din or bútor óiye dé amgurudár biaram arde ókkol dóilla kensar;
Plastík/cúndor oibár haçasíra, súnnotgorá, suk ór teés, cósma, mancór banáiya gaár híssa, lagai dedé amguruda solibór jiníc arde dakthor or mocuaradiyar habos or doilla baáré estemal or nokol hát-théng yá jiníc ókkol or estemal
Incúrens ót góilla asó de thaim ót, furafuri báfe gáil óiye dé kudurotír dat gom óibólla elac goroón sára ar honó dat or elac yá mukór haça-sírar hálot ókkol;
Privét naásing, aramgorár elac yá sábsutárar zotton, bekaanuni dabai-ocúd, nicá, biaram or fuk maron, cáhawatí biaram arde tarforóttu óiaiyé de notiza, AIDS, AIDS or kotín biaram ARC, mancór biaram rukár taakot homa de váiras HIV’r mutaalek biaram ókkol ar kaanun mutafek kuarentáin yáni aladagorí rokónor zoruri óo de fará de biaram ókkol;
Bongcó dóra óo de biaram or hálot órdua loi foidaci halot/ gair maamuli yá hórafi ókkol or zehonó elac yá haça-síra goron;
Báccar foidayec, adinnazon yá hámil or zehonó betala, zodi honó eksiden or zoriya nóo de óile ar foidayec or agor yá foidayec or baader zotton arde foidayec or kaabu rakíbor haça-sírar, micínor yá hámil noóibor kemikel torika ókkol noó de óle. moddami cókti yá fuksábgoróon or mutaallek elac yá theés arde boda notíyón or biaram;
Foólagiri, nizor foran nizedon, zehonó dóñok diyar kucíc, yá eradagorí nizor or hóti nizegorí gáilgóra
Elangorá yá elansára larái yá larái dóilla hórkot, mujirím yá terroris or hókot ókkol, hátiyar wala fúz ókkol or salu asé de zimma, hámlat, danga-fósat arde sibíl laráit daárík cámil; takon;
Nofsíyati, demaki, yá( zehonó demaki biaram ókkol arde tarár jísmaani yá nofsíyati súrot ókkol) or doilla demaki rogor biaram ókkol.

Núth: Liíst yian nóo fúra. Efolósír matahátít bat zaibo dé íin or fura liíst ólla folósí gan ót zai soó.

Hondillagorí Dahél Óiba

REMEDI’t dahél óibólla, etobka gin oré asán or sañte manisolo:

Tobka 1

Nisor Ektiyar gin ólla Ek(1) asóo

a) Dahél Óon or Mojilís Ókkol: Tuáñr dákottú óor de mojilís ókkol or baabute apdéit zani bólla Refúji Malaysia'r Telegram Cenel oré
b) Koum or Tonzím: Koum or sentar ókkol óttu dahél óibor baabute tuáñr koum or liídar óttu fosárgoro
c) Onlain fórom: onláin f'rom ibá furagorí tuáñr taaluki tofsil gan Allianz oré doó.



Tobka 2

Entezargoro

Allianz or ekzon nomianda tuáñr lói taaluk goréfan entezargoro.



Tobka 3

Kaanun ar Corót Ókkol

Allianz or nomainda ekzon loi folósí ki ki hóros de, kaanun ar corót ókkol ki yían zanibólla mocuara goró.



Tobka 4

Hórosdiyon

Zodi tuñí dehél óibólla toiyár de óile, Allianz or nomaindar hañsé RM183.60 difélo.



Tobka 5

REMEDI'r Kaádh

Allianz or nomaindartú tuáñr REMEDI'r kaádh arde Incúrens or serthifikéit gosílo



REMEDI’r Dokumén Ókkol

Allianz or nomainda ré RM 183.60 di óre dahél óon fúañt-fúañti, tuñí nizor éndilla tinnán dokumén faiba. Allianz or wébsáit ót tuñí REMEDI’r Dokumén ókkól or fura liís saái fariba ziínót peécgorágiyé de elan ókkol, folísír hotáttara ókkol, arde jiníc or boiyangorá cíth cámil asé.

Elac or Kaádh (Muúm)

Elac or Kaádh (Fiíd)

Foiyar Hañsé Buzáidehá de Ciñçí

Incúrens or sérthifikéit

Añí kengóri REMEDI ré hóspitel ót estemal góijje?

Hóspitel

Tuáñr lói hañsé asé de Malaysia'r Hókumot or Hóspitel ót zoó



Andazlagon

Elacgorí bólla uçi tákon ór zorurí ói ki noói tuáñré andaz lagai saáibo

C

Dokumén ókkol

Tuáñr REMEDI Elac or Kaádh arde UNHCR or Kaádh/ UC ciñçi dehóo

C

Sóiyi Né Cekgorá

Dahélgorá dé kountar ré biaraimmar UNHCR or dokume'n ar mokorór góijje de dakthor; REMEDI Elac or Kaádh cekgore

C

Hóspitel or Dahél Óon

Sóiyi né cekgorá óile, hóspitel e tuáñr e dahélgorí elacgorár toiyarigore.

C

Aaram Óon

Aaram óile, tuáñré hóspitel óttu lamai diyagiye hói zanaibo

C

Bill

Hóspitel é elac or bil toiyargoríbo

C

Hórosdiyon

Zodi honó jiníc luwaya notáke/ elac tuáñr címar baáré nóo zade óile, honó hóros dia noforibó( noói lé hóspitel ót ókkol hóros di oré sábgórifélo).

Núth: Zodi honó hóros incúrens ót cámil nái de óile, úun diyon nán tuáñr zímma. Zodi tuáñrtú dite honó móckil óor de óile, tuñí Malaysian Relief Agency lói taaluk gorífaribá. Elac or modot óre keis ekkán baade ekkán or andaz lagai oré dibo .

[