22kii Jannaayo 2025, UNHCR waxay martigelisay shir hoolka magaalada ah oo ay la yeelatay 119 hoggaamiyeyaal qaxoonti ah oo ka kala socday 67 kooxood oo bulsho si ay u ururiyaan talooyin iyo wax ka qabashada cabashooyinka bulshada.
Intii ay socotay munaasabadda, UNHCR waxay soo bandhigtay wakiilka cusub, Louise Aubin, iyo ku xigeenka cusub, Leyla Nugmanova. Wakiilka waxa uu ku booriyay hogaamiyayaasha bulshada in ay soo bandhigaan cod midaysan ka qaxoonti ahaan waxayna carabka ku adkeeyeen muhiimada ay leedahay in la dhiso iskaashi dhex mara kooxaha bulshada si kor loogu qaado wadaaga kheyraadka iyo dhisidda awooda. UNHCR waxay dib u xaqiijisey taageeradeeda ku aaddan ka-qaybgalka noocaan ah iyo sahminta iskaashiga si loo xoojiyo dadaallada ay bulshadu hoggaamiso.
Hogaamiyeyaasha bulshadu waxay soo qaadeen arrimo xasaasi ah sida wakhtiga diiwaangelinta, gelitaanka xabsiga, iyo mudnaanta 2025. Wakiilku waxa uu dib u xaqiijiyay ka go’naanta UNHCR ee ah u doodista ilaalinta qaxootiga ee Malaysia, oo ay ku jiraan helitaanka waxbarasho, daryeel caafimaad, iyo hab-nololeed.
Iyadoo dadaallada u qareemeyntu ay sii socdaan, kooxaha qaxootiga ayaa sidoo kale door muhiim ah ka ciyaara horumarinta nabad ku wada noolaanshaha iyaga oo xasuusinaya xubnaha bulshada inay u hoggaansamaan shuruucda dalka. Si loo kobciyo isfahan dheeri ah oo dhexmara qaxootiga iyo bulshada deegaanka, UNHCR waxay horumarinaysaa Habka Hanuuninta Dhaqanka kaas oo ku qalabayn doona qaxootiga aqoonta lagama maarmaanka u ah caadooyinka maxalliga ah.
Maaddaama daryeelka caafimaadku sii qaaliyoobayo, waxaa muhiim ah in dhammaan qaxootiga iyo magangelyo-doonka ay iska diiwaan geliyaan Caymiska Caafimaadka Qaxootiga (REMEDI) oo ay qaadaan tillaabooyin ay ku ilaalinayaan dhaqaalahooda iyaga oo isu diiwaangelinaya Touch n’Go e-Wallet.
UNHCR waxa ay ku dhiiri galisay kooxaha qaxootiga in ay xoojiyaan shabakadahooda taageerada iyaga oo la macaamilaya golayaasha deegaanka iyo daneeyayaasha kale ee bulshadooda. Mar labaad, Wakiilku wuxuu hoosta ka xariiqay qiimaha iskaashiga ee xaqiijinta joogtaynta dadaalladan.
