UNHCR minkhumna leh Gampem nading vaihawmsakna ah nasem hi-ing akici mi khat (a minte Osman, Michael ahihkeileh Bo Bo Selai) in kigen a UNHCR in a thu theikhin ta hi. Tuapa in gaaltaaite leh gambeel-asiaute WhatsApp tungtawn pan hopih in UNHCR niciam-piak man ding, minkhumsak manding leh Gampem nading vaihawmsak manding in phone sum Rm.10 pan Rm300 thunsak ding ngen hi. Mikhemte zat kitheihpih phone numbat ahileh 013-4005306, 011-25515774, 011-68352928, 011-27227846 or 017-3544882. Hih phhone numbat-te tungtawn pana laite khempeuh paikhia, kitheihmawh bawl in, thukkik kei un. Tuapa in UNHCR ah nasem, UNHCR zum vai leh UNHCR ah nasem kineikheemna lim tuamtuamte, maante hong khak ding hi. Tuapa in mimal thu leh UNHCR zum ah na maante, na laikung-laidal thupite hong huh hong panpih thei ding hing cih hong gen ding hi.
Hih thupen khemna khat ahi hi. Hih mipa UNHCR ah nasem lo hi.
Hih bang thu ah pilvang ding kong theisah phapha uhi.
- UNHCR nasepnate khempeuh a khawnkhong hi.
- Minkhumna (registration), Gaaltaii Dinmun khentelna (RSD), Gampem nading vaihawmsakna, ahihkeileh adang deihna khatpeuhpeuh tawh UNHCR zum nasem ahi a, mimal khat peuhpeuh tungah man piakkul lo hi.
- UNHCR zum ah nasem ahi a, mimal khat peuhpeuh tungah Minkhumna, Gaaltaai Dinmun Khentelna(RSD), Gampem nading vaihawmsakna te ah na vai amanlang thei na ding bangmah piak kisamlo hi.
- UNHCR zum nasem khatpeuh in Gaaltaaite tungah sum laakna ahihkeileh a nasep vai ah kikhawlsak dinga palikte kiangah zong thu kipuak ding hi.
Nong sep pih khawm dingin kong hanthawn hi:
- UNHCR ah thudotnate, Gampem nading vaihawmsakna ahihkeileh UNHCR nasepna tuamtuamte a neih dan kigen a sum hong nget leh tua bang mite um kha kei un.
- Amaute tungah nang mimal thu ahihkeileh na maante hawmsawn kha ken.
- Na innkuanpih a kipan mimal thute, na lawm le gual thute, minam kipawlna thute gen sawn kei in.
- Tuabang mite in phone tawh hong hopih ahihkeileh laikhak in hong kizoppih leh khawlsanpah in.
- Palik zum ah thu puak (report) in.
- Hih form zangin UNHCR ah thu puak (report) in..
Hibang muan mawh nasepziate UNHCR zum ah thu na puakna (report) hangin nang’ kua cih hong kigenkhia lo ding a, na UNHCR vai kikhak sak tuan lo leh na UN vai ah buaina ahihkeileh zekaai tuam cih zongg om tuan lo hi.
Anuai a mante leh limlaakte (screenshots) pen Osman, Michael ahihkeileh Bo Bo Selai cih minte zangh a khemna ahi hi.
UNHCR ii nasep silbawlzia, panpihna, zuaukhemna leh gamtat hoihlo kalzuanzia mabante theinop a omleh Zuaukhemna leh Neekguukna (Fraud & Corruption) laimai, Refugee Malaysia Website ah kiluut thei hi.
Osman tawh atakpi a kihopih kizopna limlaak-maante (Screenshots) (a mimal thu leh late kikankhia hi):
Mu thei pak ding min/limte kitheisaksawn hangh:
