Hrawkhrol khuakhannak tiangin i ral ring: Pa pakhat Osman timi, Michael a si lo ah Bo Bo Selai ti ah min ai tuahmi

Thursday / 28 September 2023

Ramdang kalnak le Zung luhnak tha-nah ah a tuanmi ka si tiah ai timi pa pakhat ( Osman, Mechael a si lo ah Bo Bo Selai tiah min a hmangmi) kong UNHCR nih report kan dawn. Cu pa nihcun ralzam le dornak a kawl liomi hna sin ah WhatApps in UNHCR zung rat ni caan peknak le zung luhnak interiew (biahalnak) le ram dang lei kalnak caah tiin a chawnh hna i, a phone tangka rawnnak ah RM10 in RM 300 karlak a hal hna. Mi hlen hmgang nih a hmanmi phone number theih kawhmi hna cu 013-4005306, 011-25515774 or 011-68352928. an si. Hi phone number hna tiangin cakuat a rat a si ahcun a hmu lo bantukin i umter le hlawnh dingin ruahnak kan i cheuh.. Cun hi pa nihhin UNHCR riantuantu hna bantukin lang dingin UNHCR riantuantu, UNHCR zung le riantuannak thilri/ a bu in a ummi hmathlak pawl zawng lang dingin a kuat chih fawn. Kan bawmh khawh hna lai tiin, an pumpak a si ning konglam le an hmantlak UNHCR an sinak card/catlap a hal chih fawn hna.

Mahhi hi a hrokhrawlmi khuakhannak a si. Hi bantuk minung hi UNHCR ah rian a tuan lomi an si.

Nawlh than kan duh in fak khun in chimh kan in duh hna:

  • UNHCR riantuannak paohpaoh cu phaisa fangkhat hmanh liam a haumi a si lo.
  • Na case hmai lei a kal khawhnak dingah Zung luhnak, Ralzam-sinak -biachah piaknak(RSD), ram dang kalnak, a si lo ah a dang UNHCR riantuannak paoh ah UNHCR riantuantu a si lo le mi pakhat khat sinah tangka na pek a herh lo.
  • Zung luhnak, RSD, Ram dang lei kalnak a si lo ah a dang UNHCR rian tuannak caah na case pa-pek piak ding a si lo ah khulrang in tuahpiak ding in UNHCR riantuantu hna a si lo ah mi pa khat khat sin ah tangka na pe kho lo.
  • Ralzam hna sin in tangka a la mi chungah ai tel mi a si tiah fianter cangmi UNHCR riantuantu paoh cu khulrangte in an rian dinh ter le palik sin ah report an si lai.

Hmukhat teah tuan tti dingin forhfial kan in duh mi hna cu:

  • UNHCR he a thatuk mi pehtlaihnak ka ngei, Tangka liam in interiew (biahalnak), ram dang lei kalnak a si lo ah UNHCR a riantuannak paoh hmu kho dingin kan bawmh khawh hna lai tiah ai ti mi hna sin khan i ral ring.
  • An sin ah nangmah pumpak konglam a si loah na hmanthlak va pe chin hna hlah.
  • Na inn chungkhar, na hawi le a si lo ah na bu thlang member hna an kong lam an sin ah va pe chin hna hlah.
  • Hi bantuk in mi pakhat khat nih phone chawnh a si lo ah biaruahnak in pehtlaihnak an in tuah a si ahcun khulrang in rak ngol.
  • Palik sinah ah report tuah.
  • Hi form hi hmangin UNHCR ah report tuah.

UNHCR ah Lunghrinh awkin a ummi cawl canghnak report na tuah a si ahcun, na sinak phuanpiak na si lai lo, Na UNHCR card zawng lakpiak than le na case a khulfumter a si loah phih piak a si lai lo.

A tang lei tar-langh mi hna hi Osman, Michael a si lo ah Bo Bo Selai tiah theihmi mi pa hrokhrawl khua khannak he pehtlai in hmanthlak le screenshot cheu khat langhter a si.

UNHCR’s kalphung thawngpang tamdeuh theih a duhmi caah, i bawmhchanhnak le lih-hlennak dohnak & eihmuai policy, Lih-hlennak le Eihmuar Refugee Malaysia Website page ahhin zaangfahnak in rak kua chin uh.

Osman sin in i bia i ruahnak le screenshots taktak( mah pumpak konglam le thiehkhawhnak hna tha tein chiah a si):

Thilri/ a buin a ummi min: hngalh a fawimi hmanthlak hna cu pawtzamh a si:



Share